Кадрлар (национальнай проект)
«Кадрлар» национальнай проект | |
---|---|
![]() | |
Пасталғаны | 2024 чыл |
Сылтағ | Россия Президенті Владимир Путиннің чахии |
Сайт | национальныепроекты.рф |
«Кадрлар» — Россия Президенті Владимир Путиннің чахиинаң тоғын сыххан национальнай проект[1]. Пастағызын 2024 чылда Федеральнай чыылыға чахығлар иткен туста чарлалған[2].
Ӧӧн пӧгін
2024 чылда Федеральнай чыылыға чахығларда Владимир Путин, демография ӧзізін санға алып, промышленностьха, наукаа паза пасха сфераларға кирек чиит специалисттерні тимнеп саларға пӧгін турғысхан. Іди 2030 чылға хазнада 20-24 частығ кізілер саны 8,3 млн чидер, 2035 чылға граждан— 9,7 млн. Хазна пазы Россияда 2023 чылда тоғыс чох кізілернің иң асхынах сині 2,9 % читкенін, анзы экономиканың чахсы сарин кӧзітчеткенін, олох туста тоғысчылар чидіспинчеткені ӧсчеткенін таныхтапча тіп искірген[3]. Анзы промышленностьта уламох пілдіртче, 2028 чылға ағаа тоғысчы профессияларның 1 млн-ҷа специализін тимнеп саларға кирек[4]. Пу сурығны табырах пӧгібізер ӱчӱн, Президент министрлер кабинедіне, профильнай ведомстволарға паза пос идінҷектер пірігістеріне ортымах, пӧзік профессиональнай ӱгредігні национальнай проекттернің пӧгіннерінең, ідӧк экономика секторының кирексіністерінең хада-пірге апарарға чахығ пирген:
…ӱгредігнің прай синнерін, школадаң пасти вузха теере, пиктебізерге кирек. Олар пір тиксі салтарға чидер ӱчӱн, пірге тоғынарға киректер. Мында тоғыс пирҷең пірігістер аралазарға киректер. Пу ӱгредіг чылынаң сығара хазнаның прай школаларында профориентация системазы тоғынча. 6 класстаң пасти олғаннар аймах специальностьтарнаң танызар оңдайлығлар[5].
Кадрлар чидіспинчеткенін хызырарынҷа адалған хазна стратегиязы хоостыра ағаа килістіре национальнай проект чарлалған, ідӧк анынаң палғалыстығ пасха национальнай паза федеральнай проекттер тӱзеділгеннер[6]. «Кадрлар» национальнай проект пӧгіннерінең ӱгредіг системазының инфраструктура, технология паза наука базазын чахсыландырар мындағ мералар палғалыстырылғаннар:
- ортымах профессиональнай ӱгредіг учреждениелерін тыхтиры паза наа тиріглер турғызары (2030 чылға теере 120 млрд пирілген)[1];
- вузтың 800 общежитиезін тиксі тыхтиры (2030 чылға теере 124 млрд пирілген);
- 2030 чылға теере 25 университет кампузын пӱдірері (400 млрд пирілген); 40-ча студент городын пӱдірері пӧгінде турча;
- университеттерге хабасчаң «Приоритет-2030» хазна программазына хоза ахча пирері (2030 чылға теере 190 млрд пирілген);
- 2030 чылға прай профессиональнай ӱгредіг учреждениелеріне "Профессионалитет федеральнай проектке кирері, хайзы колледжтернің паза бизнестің хада-пірге тоғызына ағылча паза ӱгредігні тоосханнарға чӱс процентте тоғыс пирче[2];
- вузтарның паза наука пірігістерінің наука-техническай библиотекалар сетьін амғы тусха килістіре идері (хоза 9 млрд салковай пирілген)[7];
- педагогическай вузтарны нааҷылаҷаң программа (9 млрд салковай пирілген)[8];
- наука паза технология тоғыстарына бизнестің паза хазнаның ікі хати кӧп ахча салғаны (2030 чылға хорадығлар синін ВВП-ның 2 % читірері)[1].
Паалағ пирері[тӱзедерге | код тӱзедерге]
Национальнай проекттің тузазы кадрлар, инновация паза промышленность проекттері хоостыра паалалча. Оларны регионнар ӱлгӱлері вузтарнаң паза биснестең хада-пірге тимнепчелер, пеер ідӧк кірче студенттернің стартаптарына инвестициялар пирген сан[1]. 2030 чылға студенттернің технологическай стартаптарын чылда 30 муңа читірерге пӧгін турғызылған[9]. РФ-ның правительствозы тимнеен программа хоостыра, андағ осхас проекттерге ахча салған венчурнай пос идінҷектерге инвестицияларның 50 % айландырар оңдай пирілче (алйндырарына 13 млрд салковай пирілче).
Технологическай суверенитет
«Кадрлар» национальнай проект Россияның наука-технологическай тиліс стратегиязының ӧӧн чардығы полча. Ол хазнаның прай экономиказын пик итчеткен сфераларда: станоктар пӱдірии паза производство средстволары, робототехника , пилот чох системалар, даннайлар экономиказы, химия киректерінде — технология суверенитедіне чидерге кӧріл парған[10]. Стратегия хоостыра 2030 чылға пӧзік технология товарлары паза услугалары Россияның істіндегі рыногында алты хати ӧс парарға киректер, сырье нимес экспорт сині ікі ӱстіг чардыхха ӧс парарға кирек[1]. Импорт сині саңай хызырыларға кирек: 1999 чылда ағаа ВВП-ның 26 % киліскен полза, 2023 чылда ол ВВП-ның 19 % читкен, 2030 чылға ВВП-ның 17 % хызырылары кӧрілче[1]. Іди, Россияның пасха хан озариндағы технологияларнаң паза наука саринаң улуғ продукциянаң палғалыстығ полғаны чох иділер, ідӧк РФ-наң парыбысхан пасха хазна компанияларның производство орыннары толдырыларлар.
Хоза искіріг
2024 чылның хосхар айында істеніс министрі Антон Котяков 2021 чылдаң сығара чииттер аразында тоғыс чох одырчатханнарының саны 1, 5 хати хызырылған паза 5,1 % чит парған тіп искірген[11].
2024 чылның улуғ хырлас айында РФ-ның вице-премьері Александр Новак Россияда 1,5 млн-ҷа пӧзік квалификациялығ тоғысчылар киректелчеткен искірген. Вице-премьернің сӧстерінең, тоғысчылар пӱдіріг, транспорт паза ЖКХ киреенде чидіспинчелер[12].
2025 чылда РФ-ның вице-премьері Татьяна Голикова «Кадрлар» нацпроекттің хорағларын 116 млрд салковайға паалаан[13]. 2025 чылның азығ айының 21-ҷі кӱнінде ахча хоостыра проект 43,8 % толдырылған[14].
Алған орын
- ↑ 1 2 3 4 5 6 Послание Президента Федеральному Собранию . http://kremlin.ru (29 Азығ айы 2024). Дата обращения: 4 Кӧрік айы 2024.
- ↑ 1 2 Владимир Путин объявил о запуске нового национального проекта «Кадры» . https://edu.gov.ru (29 Азығ айы 2024). Дата обращения: 6 Кӧрік айы 2024.
- ↑ Путин: безработица в РФ снизилась до 2,9% впервые в истории, TACC. Дата обращения: 7 Кӧрік айы 2024.
- ↑ Путин: до 2028 года нужно подготовить 1 млн специалистов рабочих профессий, AiF. Дата обращения: 7 Кӧрік айы 2024.
- ↑ Послание Президента Федеральному собранию . http://kremlin.ru (29 Азығ айы 2024). Дата обращения: 6 Кӧрік айы 2024.
- ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Дата обращения: 4 Кӧрік айы 2024.
- ↑ Путин поручил модернизировать сеть научно-технических библиотек, РИА Новости (29 Азығ айы 2024). Дата обращения: 29 Азығ айы 2024.
- ↑ В России выделят девять миллиардов рублей на обновление педвузов, РИА Новости (29 Азығ айы 2024). Дата обращения: 29 Азығ айы 2024.
- ↑ Дмитрий Чернышенко: 69 регионов подключилось к реализации федпроекта «Платформа университетского технологического предпринимательства» . http://government.ru (6 Чарыс айы 2022). Дата обращения: 19 Азығ айы 2024.
- ↑ Необходимо добиться технологического суверенитета, заявил Путин, РИА Новости (29 Азығ айы 2024). Дата обращения: 7 Кӧрік айы 2024.
- ↑ Путин обсудил молодежную политику с членами правительства - Российская газета, Российская газета (4 Хосхар айы 2024). Дата обращения: 9 Хосхар айы 2024.
- ↑ Александр Новак: России необходимо 1,5 млн высококвалифицированных кадров | Эксперт . Эксперт. Дата обращения: 11 Улуғ хырлас айы 2024.
- ↑ Татьяна Голикова оценила расходы на нацпроект «Кадры» в 116 млрд рублей . Эксперт (18 Азығ айы 2025). Дата обращения: 19 Азығ айы 2025.
- ↑ Голикова: кассовое исполнение нацпроекта "Кадры" составляет уже 43,8%, TACC (21 Азығ айы 2025). Дата обращения: 21 Азығ айы 2025.