«Туризм паза аалҷылапчатханы» национальнай проект
«Туризм паза аалҷылапчатханы» национальнай проект — Россияның национальнай проекттерінің пірсі, 2021 чылда чуртасха киріл сыххан паза 2024 чылда нааҷылалған. Аның пӧгіні хазнаның экономиказында туризм киреенің тузазын ӧскірері паза 2030 чылға теере туристтер чорығын 140 млн-ға теере ӧскірері полча[1].
Тархын
Пастап нацпроект «Туризм паза аалҷылапчатхан индустрия» адалған. Ол 2020 чылда коронавирус тараан туста тимнелген паза Россия президенті Владимир Путиннің чарадиин алған[2]. Нацпроект 2021 чылда чуртасха киріл сыххан[3].
Ол ӱс пастаға тӧстенче:
- Туристтер инфраструктуразын тилідері;
- Туристт услугаларынаң тузаланҷаң оңдайлар синін ӧскірері;
- Туризм киреендегі устанысты чахсыландырары[4].
2022 чылның чарыс айында Россия президенті Туризмҷе федеральнай агенствоны чох идібіскен. Ведомство нацпроекттің тимненізі паза чуртасха кирілері ӱчӱн нандырған. Аның тоғызын Россия Федерациязының Экономика тилізі министерствозына пирібіскеннер[5]. Нацпроекттің кураторына вице-премьер Дмитрий Чернышенко халған.
Азынада салтарлар
«Туризм паза аалҷылапчатхан индустрия» проект 2024 чылның соонзар чуртасха киріл парған. Олох чылның кічіг хырлас айында азынада салтарлар идіп, Чернышенко проектті чуртасха киреріне федеральнай бюджеттең 200 млрд салковай позыдылғаның таныхтаан паза искірген:
Чахсы чӧрімі прай кӧзідімнерде пар. Кӧзідімге, хазнаҷа туристтер чорығының саны — 2020 чылда 45 млн-наң 2023 чылда 84 млн-ға читкен. 2024 чылның салтарынҷа, 92 млн чорых сағыпчабыс.
Нацпроекттің кирек чарадығлары аразында ол 2027 чылға теере туроператорларны паза гостиницаларға кирҷең услугаларны НДС-таң позытханын, ідӧк 2030 чылға теере гостиницаларға нуль НДС-ха теере узаратханын адаан[6].
Проекттің чуртасха кирілгенін кӧзідіп, экономика тилізі министрі Максим Решетников пастағы чардыхта ол кризистең тоғыр тиріг полыбысхан, ол отрасльға коронавирус тараанының салтарларын иртерге хабас пиргенін хатап таныхтаан:
Алылған оңдайлар хоостыра отрасльны хайраллап аларға ла нимес, ідӧк инфраструктура тилізінҷе планнарны чуртасха киріп пастирға киліскен. Отельлер пӱдіриине льготалығ кредиттер программалары паза модульнай гостиницалар субсидированиезі кирілгеннер. Істіндегі туризм табырах тиліп сыххан. Бизнес ӧсчеткен кирексініске ӱндескен: инвестициялар ӧс сыхханнар. 2024 чылның пастағы чарым чылына бизнес 377 млрд салковай пирген, анзы ирткен чылдағы олох тусха 60%-ке кӧп[7].
Чарыдығ
Нааҷылалған нацпроект «Туризм паза аалҷылапчатханы» адал сыххан. Андар пис федеральнай проект кірче:
- Номер чыындызын тимнирі;
- Талай курорттары;
- Туристтерні хазнаа тартары;
- Кадрлар;
- Туризмнің промышленность обеспечениезі[1].
Нацпроект 2030 чылға теере кӧріл парған. Хазнаның президенті туризм чардығын ВВП-да 5 % теере ӧскірібізерге пӧгін турғыс салған[8].
Ӧӧн мероприятиелер
Нацпроект хоостыра Экономика тилізі министерствозы, ведомствоның устағҷызы Максим Решетниковтың сӧстерінең, ӧӧн хайығны айландырча туристтерні кирҷең оңдайларны тӧстеп, оларны алғыдарына, ідӧк туристтернің хайиин тартчаң наа орыннарны тимниріне[7]. Халғанҷызында тағдаң саналығ чылҷаң курорттардаңар, аквапарктардаңар, чыл тооза ӱтертчең парктардаңар чоох парча. 59 муң наа номер тимнирі паза тынаға пӱдірілген инфраструктуранаң тузаланҷаң санын чылда 23 млн кізее теере ӧскірері кӧріл парған[1]. Аннаң пасха пӧгінге турғызылған:
- Чыл тооза тоғынчатхан талай курорттарын тӧстирі — 11 проект Россия Федерациязының тоғыс субъектінде:72 муң азыра номер паза 80 муң тоғыс орны.
- Модульнай тохтаҷаң орыннарны пӱдірері — 10 муң наа номер.
- Россия Федерациязының субъекттеріне мероприятилерні иртірерге, городтарның тархын кіннерін иптирге, пляжтарны паза турист чолларын тимнирге, суғ хазындағы тиксі нимес инфраструктураны тӧстирге пірге субсидия. Анзы туристтер чорығын 7,4 млн-ға ӧскірібізерге кирек.
- Туризмдегі «Сибер производство» кӧстегҷе 57 пірігісте істеніс тӱзімін ӧскірҷең проекттер.
- Ӱгредіг-методика комплекстерін тимнирі паза туризмнең аалҷылапчатханы индустрияа 53 муң кізіні ӱгредері[1].
Нацпроекттің толдырылғанына паалағ
2021 чылның улуғ хырлас айында президент Владимир Путин нацпроекттің чуртасха кирілчеткенін хомайлаан. Аның чооғынаң, чиновниктер пирілген ахчаның 83,1 % тузаланғанын сан пиріс итчелер, ол туста, тізең, ахчаның улуғ чардығы сын киректерге, инфраструктура паза объекттер пӱдіриине, парбин, «Туризм.рф» корпорацияның (2020 чылның улуғ хырлас айында премьер-министр Михаил Мишустиннің чахиинаң істіндегі паза кірҷең туризмнің тилізіне тӧстелген) устав капиталының взностарына парыбысхан. Ол туста ӧӧн тоғыстар 51 % ке ле иділ парғаннар[9].
Алған орын
- ↑ 1 2 3 4 Основные показатели и мероприятия национального проекта «Туризм и гостеприимство». government.ru. Дата обращения: 9 От айы 2025.
- ↑ Путин поддержал разработку нацпроекта по туризму, Коммерсантъ (16 Кічіг хырлас айы 2020). Дата обращения: 9 От айы 2025.
- ↑ Интерфакс-Туризм. Путин поручил кабмину обеспечить нацпроект по развитию туризма финансированием до 2030 года. Дата обращения: 9 От айы 2025.
- ↑ Национальныепроекты.рф. Туризм и индустрия гостеприимства. Дата обращения: 9 От айы 2025.
- ↑ Путин упразднил Ростуризм. Что важно знать, РБК. Дата обращения: 9 От айы 2025.
- ↑ В России одобрили паспорт нового национального проекта «Туризм и гостеприимство» - Газета.Ru | Новости, Газета.Ru. Дата обращения: 9 От айы 2025.
- ↑ 1 2 Дмитрий Чернышенко: Положительная динамика есть по всем показателям нацпроекта «Туризм и индустрия гостеприимства». government.ru. Дата обращения: 9 От айы 2025.
- ↑ Представлена структура обновленного нацпроекта «Туризм и гостеприимство» до 2030 года, Lenta.RU. Дата обращения: 9 От айы 2025.
- ↑ Вести. Путин о туристическом нацпроекте: деньги пошли не на реальную работу. Дата обращения: 9 От айы 2025.
Россияның национальнай проекттері | |||||||||||||
|---|---|---|---|---|---|---|---|---|---|---|---|---|---|
| |||||||||||||
