Олғаннарның кинде картазы
| Олғаннарның кинде картазы | |
|---|---|
 | |
| Пасталғаны | 2026 xsk |
| Орын |
 Россия |
| Сылтағ | школаа чӧргелек олғаннарға пілістер пирҷең хазна программазы |
| Араласчылары | 3 частаң 6 часха теере олғаннар |
Олғаннарның кинде картазы — школаа чӧргелек олғаннарға пілістер пирҷең хазна программазы. Аны 2025 чылның хандых айының 5-ҷі кӱнінде ирткен орыс тіліне паза Россияның чоннарының тіллеріне хабасчаң хазна политиказын толдырарынҷа Совет чыылиинда Россия президенті Владимир Путин адаан[1]. Программа 2026 чылдаң сығара тоғын сығар[2]. Карта 3 частаң 6 часха теере олғаннарға кӧріл парған, аның паазы 3 муң салковай[3]. Ол эксперттер пірігізі чаратчатхан иң асхынах 10 кинде аларға кӧріл парған[4].
Тархын
2025 чылның хандых айының 5-ҷі кӱнінде орыс тіліне хабасчаң хазна политиказын толдырарынҷа Совет чыылиинда Россия президенті Владимир Путин «Пушкин картазына» тӧӧй «Олғаннарның кинде картазын» идібізерге чӧп пирген[1]. Хазна пазының кӧрізінең, аның паазы ӱс муңа тиңнелерге кирек, ол ӱс частаң 6 часха теере олғаннарға кӧріл парған. Анынаң литераторлар, психологтар паза школа алнындағы ӱгредіг специалисттері чаратхан кинделер алылар[3]. Ол туста Владимир Путин изданиелернің паазы карта ээзіне иң асхынах 10 кинде аларға килістіре поларға кирек тіп таныхтаан[1].
Владимир Путин:
Кинде — ӱгредіг паза сӧбіре кибірлерінің хыйа ит полбас чардығы. Улуғ, пӧзік классика литературазының тилекейіне чол асчатхан кинделерні прайзы ал поларға кирек.
Сығарыс
«Олғаннарның кинде картазының» сығарызы 2026 чылға кӧріл парған[2]. Президенттің полысчызы Елена Ямпольскаяның искіриинең, пу программа региондағы издательстволар тилізіне кӧдіріліс пирер[1]. Ол картаның адының пос версиязын пирген — «Алтын клӱс»[1].
Елена Ямпольская:
Адынаңар чоох апарза, арса, «Алтын клӱс» адап кӧрерге? Улуғ литература тилекейіне ізікті палаа асчатхан алтын клӱс.
Араласчылар
Программада 3 частаң 6 часха теере 7-8 миллион олған аралазары кӧрілче[5].
Алған орын
- ↑ 1 2 3 4 5 Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 23 От айы 2025.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Дата обращения: 23 От айы 2025.
- ↑ 1 2 Путин предложил запустить программу "Детская книжная карта" - Российская газета, Российская газета (5 Хандых айы 2025). Дата обращения: 23 От айы 2025.
- ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Дата обращения: 23 От айы 2025.
- ↑ Дети в России. Федеральная служба государственной статистики (1 Хандых айы 2024). Дата обращения: 23 От айы 2025.