Котюшев, Иван Григорьевич
| Котюшев Иван Григорьевич | |
|---|---|
 | |
| Тӧреен кӱні | 15 ӱртӱн айы 1919 |
| Тӧреен чирi | Нымархалар аалы, Ким губерниязы, РСФСР |
| Ӱреен чылы | 7 улуғ хырлас айы 1979 (60 час) |
| Гражданство |
 СССР |
| Айғасчатхан кирее | поэт |
| Жанр | кибелістер, раман |
| Произведениелер тiлi | хакас |
Котюшев Иван Григорьевич (15 ӱртӱн айы 1919, Сыра аймағы, Кидеркі Сибирь крайы[d] — 7 улуғ хырлас айы 1979) — хакас кибелісчі, писатель, тілбесчі, СССР-ның Писательлер пірігізінің кізізі.
Чуртас чолы
Иван Котюшев 1919 чылның ӱртӱн айының 15-ҷі кӱнінде Нымырхалар (амғы Хакас Республиканың Сыра аймағы) аалда малҷылар сӧбірезінде тӧреен[1]. Ағырған ӱчӱн 5 ле класс школазын тоос салған. Пабазынаң ирте ӧкіс халған. Саарбах тузындох аал чӧбінде хачы, анаң колхозта санҷы полған. «Хызыл аал» газетада тілбесчі полып тоғынған[2][3].
Чайаачы чолы
Котюшевтің пастағы кибелістері 1938 чылда «Хызыл аал» газетада чарыхха сыхханнар. Соонаң 1940 паза 1942 чылларда «Хакасский альманах» изданиеде чарых кӧргеннер. «Ах Ӱÿс» пастағы кибелістер чыындызы 1948 чылда сыххан. Хакас тілінең прай читі кибелістер чыындызы паза орыс тілінең 3 чыынды чарых кӧрген. Оларның санында «Пурғуннығ ағын», «Суғ хазында», «Каяктың тÿлгÿзi», «На Новой улице» паза пасхазы.
Котюшевтің чайаачызы тӧреен чиріне, аның сілиине, аалдағы істенҷілерге чарыдылча. Чайаачы проза произведениелерін, нинҷе-де ойын, фельетон, критика паза публицистика статьялары, пасхан. Читіре пазарға маңнанмаан «Кӧп порчолығ чазы» романның авторы полча. Пу произведениеде Илбек Ада чаа тузындағы тыл істенізі кӧзіділче. Иван Котюшевтің чайаачы тоғыстары СССР-ның паза Социалистическай хазналарның пасха хан тіллеріне тілбестелгеннер: украин, тыва, моол, хырғыс.
Позы Котюшев орыс классиктернің произведениелерін хакас тіліне тілбестеен. Котюшев Хакасиядағы Писательлер пірігізінің тӧстегҷілерінің пірсі полча. 1949 чылның азығ айының 28-ҷі кӱнінде Николай Доможаков, И. М. Костяков, И. Г. Котюшев ССС-ның Писательлер пірігізіне алылғаннар[4].
Иван Котюшев ах чарыхтаң парыбысхан 1979 чылның улуғ хырлас айының 7-ҷі кӱнінде.
Хысхаҷах библиография
Хакас тілінең
- Ах Ӱӱс = Белый Июс : стихи / И. Г. Котюшев. — Абакан : Хакасское областное национальное издательство, 1948. — 24 с.
- Суғ хазында = На берегу реки : стихи / И. Г. Котюшев. — Абакан : Хакасское книжное издательство, 1956. — 64 с.
- Каяктың тӱлгӱзi = Лиса Каяка : поэма для детей / И. Г. Котюшев. — Абакан, 1959. — 14 с.
- Кӱскӱ чил = Осенний ветер : стихи и поэма/ И. Г. Котюшев. — Абакан : Хакасское книжное издательство, 1960. — 37 с.
- Тастағы iстер = Следы на камне : стихи / И. Г. Котюшев. — Абакан : Хакасское книжное издательство, 1963. — 37 с.
- Избранные стихи / И. Г. Котюшев : Красноярское книжное издательство, Хакасское отделение. — Абакан, 1970. — 36 с. — (Библиотечка хакасской поэзии).
Орыс тілінең
- На новой улице: стихи / перевод на русский язык И. Г. Котюшева. — Москва : Советский писатель, 1959. — 99 с.
- Как вырос подарок: поэма / И. Г. Котюшев; перевод Е. Ильина. — Москва : Детгиз, 1963. — 30 с.
- Цвет радости: стихи / И. Г. Котюшев; перевод В. Казанского, В. Щепотева. — Москва : Советский писатель, 1967. — 95 с.
Алған орын
- ↑ А. Л. Кошелева. Котюшев Иван Григорьевич // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 309. — 5000 экз. — ISBN 978-5-91502-001-5.
- ↑ Котюшев Иван Григорьевич. Библиотека сибирского краеведения. Дата обращения: 24 Чарыс айы 2025.
- ↑ Анатолий Султреков. Ах Ӱӱс чирінің кӧгҷізі. Национальная библиотека имени Н. Г. Доможакова. Дата обращения: 24 Чарыс айы 2025.
- ↑ История писательской организации Хакасии. Дом литераторов Хакасии. Дата обращения: 24 Чарыс айы 2025.