Аршанова, Зинаида Семёновна

Рувики тiп сайттаң
Зинаида Аршанова
Зинаида Аршанова.jpg
Ӧӧн искіріг
Тӧреен ады Зинаида Семёновна Аршанова
Толдыра ады
Тӧреен кӱні 1 кічіг хырлас айы 1958({{padleft:1958|4|0}}-{{padleft:11|2|0}}-{{padleft:1|2|0}}) (66 час)
Тӧреен чирі Асхыс аймағы, Хакас автоном облазы, СССР
Хазна  СССР →  Россия
Профессиялар
ырҷы

Зинаида Семёновна Аршанова (Майнашева) (тӧр. 1 кічіг хырлас айы 1958, Ӧӧк пилтірі[d], Хызылчар крайы[d]) — Россияның паза Хакасияның ыырҷызы (лирика-драма сопранозы), Россия Федерациязының паза Хакас Республиканың саблығ артизі.

Чуртас чолы

[тӱзедерге | код тӱзедерге]

Зинаида Аршанова 1958 чылның кічіг хырлас айының 1-ғы кӱнінде Асхыс аймаандағы Ӧӧк пилтірі аалда кӧп палалығ сӧбіреде тӧреен. Іҷе-пабазы Семен Евгеньевичнең Мария Яковлевна чабаннар полғаннар, 5 оол паза 3 хыс ӧскіргеннер[1].

Сигіс класс соонаң Зинаида Семёновна Ағбандағы музыка училищезінзер кірче, Владимир Чаптыковтың[ru] устаанда ӱгренче. 1980 чылда училищені тоозып, Хызылчардағы искусство хазна институдынзар[ru] кірче. 1986 чылда институтты «опера паза концерт ырҷызы» квалификацияҷа тоос салча. Р. Скотто, Л. Казарновскаяның, Д. Дорнеманның, Л. Розенбергтің холында чайаачы узын тилітче[2].

Институт соонаң М.Ю. Лермонтовтың адынаң Хакас драма театрында артист полып істенче. 1989 чылдаң сығара В.Г. Чаптыковтың адынаң Хакас республиканың филармониязында Ӱлгер ансамбльның солизі полған. 1994 чылдаң сығара сцена узы[3]. 1998–2006 чылларда – Хакас драма театрының артизі.

2003 чылдаң сығара Хызылчардағы опера паза балет хазна театрынаң палғалыс тудып, аның солизі полыбысча. Аршанованың чайаачызынаң хырығ озаринда таныстар. Чоннар аразындағы «Тюрксой» фестивальларның араласчызы, Россияның город-аймахтарының сценаларында чон алнына сыхча. Зинаида Семёновна орыс, кидеркі Европадағы классиканы, хакас композиторлар А. А. Кенельнің, Г.И. Челбораковтың, О. А. Токояковтың чайаачы тоғыстарын толдырча.

Аршанованың саблығ соло програмалары: «Casta diva» паза хакас кибелісчілернің тоғыстарына пазылған «Кӱмӱс тӱстер» сарыннар. Аршанованы «Хакасияның алтын ӱні» адапчалар[4], нинҷе-нинҷе хати кӧрігҷілернің «филармонияның иң хынған артизі» атха турысхан[5].

Аршанова тӧреен кӱнін кибірли Хакас республиканың филармониязының сценазында, улуғ концерт тимнеп, таныхтапча[6][7].

2012 чылда Хакас республиканың филармониязы сығарған «Алтын ӱннер» дискте Аршанованың, Хакасияның чон артизі Екатерина Кыштымованың, Россияның саблығ артизі паза Хакасияның чон артизі Владимир Терешковтың ырлары пазылғаннар[2].

Сыйыхтар

[тӱзедерге | код тӱзедерге]

1996 чылда Аршановаа Хакасияның саблығ артизі пӧзік ат пирілче[2]. 2014 чылда – Россия Федерациязының саблығ артизі[8].

Пос чуртазы

[тӱзедерге | код тӱзедерге]
  • Ирі полған — Валерий Майнашев (ӱр. 1992), хакас кибелісчі.
  • Хызы — Алина Майнашева, драма артизі[9].

Алған орын

[тӱзедерге | код тӱзедерге]
  1. ↑ Галина Овчаренко. Зинаида Аршанова - золотой голос Хакасии. bezformata.com (13 Кічіг хырлас айы 2019). Дата обращения: 3 Хосхар айы 2025.
  2. ↑ 1 2 3 Энциклопедия СГИИ имени Д. Хворостовского. Аршанова (Майнашева) Зинаида Семеновна. kgii.ru. Дата обращения: 3 Хосхар айы 2025.
  3. ↑ Энциклопедия Республики Хакасия. Аршанова (Майнашева) Зинаида Семеновна. — Абакан: ООО «Поликор», 2007. — Т. I. — С. 51. — 440 с.
  4. ↑ «Золотой голос Хакасии» поздравят с юбилеем. sibnovosti.ru (22 Чарыс айы 2013). Дата обращения: 3 Хосхар айы 2025.
  5. ↑ В Национальной библиотеке им. Н.Г. Доможакова прозвучит «золотой голос Хакасии». abakan.bezformata.com (22 Кічіг хырлас айы 2019). Дата обращения: 3 Хосхар айы 2025.
  6. ↑ Заслуженная артистка России и Хакасии Зинаида Аршанова приглашает… culture19.ru (1 Кічіг хырлас айы 2017). Дата обращения: 3 Хосхар айы 2025.
  7. ↑ Заслуженная артистка России Зинаида Аршанова отметит свой юбилей концертом. www.19rus.ru (31.11.2023). Дата обращения: 3 Хосхар айы 2025.
  8. ↑ Зинаида Аршанова вновь споет с солистом Большого театра Константином Толстобровом. culture19.ru (8 Сілкер айы 2014). Дата обращения: 3 Хосхар айы 2025.
  9. ↑ Майнашева Алина Валерьевна. chitigen19.ru. Дата обращения: 3 Хосхар айы 2025.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Аршанова,_Зинаида_Семёновна&oldid=88246