Хызылчар водохранилищезі

Рувики тiп сайттаң
Хызылчар водохранилищезі
Типсей хайа Туба суғ (оң саринаң) Хызылчар водохранилищезінзер (сол саринаң) кірчетсе
Типсей хайа Туба суғ (оң саринаң) Хызылчар водохранилищезінзер (сол саринаң) кірчетсе
Морфометрия
Талай синінең пӧзии243 м
Сині388 × до 15 км
Улии2000 км²
Объём73,3 км³
Чар линиязы1560 км
Иң тирең чирі105 м
Ортымах тирее37 м
Бассейн
Кірчеткен водотоктарКим, Ӱпсӱ, Чичим, Сый, Пӱӱр суғ
Сыхчатхан водотокКим
Расположение
55°06′35″ с. ш. 91°34′38″ в. д.GЯO
Хазна
РФ-ның субъекттеріХызылчар крайы, Хакасия
Код в ГВР: 17010300321416100160760[1]
Логотип РУВИКИ.Медиа Медиафайлы на РУВИКИ.Медиа

Хызылчар водохранилищезі — Хызылчар ГЭС-ты  (орыс) (рус. пӱдіргенде, пол килген Ким суғдағы суғ тутчаң ойым. Тилекейде кізі иткен суғларның иң улуғларының пірсі, Россияда синінең ікінҷі орында турча (Братсктағы водохранилище соонаң). Суғ тағ идеендегі ойым тип санына кірче. Суғ массазының сині — 73,3 км³. Суғ ӱстӱнің улии — 2000 км²[2].

География

[тӱзедерге | код тӱзедерге]

Водохранилищенің чоғархы точказы Ағбан город хыринда, Ким суғзар Ағбан суғ кірчетсе, орныхча. Индіркі точказы — Хызылчар городтың чоғархы сариндағы Хызылчар ГЭС-тың тулғоры. Чоғархы точказынаң Хызылчар ГЭС-ха читіре кӧні чолҷа — 250-ҷе километр, водохранилищенің тиксі узуны 388 километрге тиңнелче[3]. Иң чалбах чирлердегі чалбаа 15 километрге читче. Суғ сині талай синінең 243 метр ӧӧр турча.

Гидрография

[тӱзедерге | код тӱзедерге]

Суғ тутчаң ойымға нинҷе-нинҷе улуғ суғ кірче, ол санда: аның оң хазынҷа — Ким суғның азырығы Ӱпсӱ, Чичим, Сый; сол саринҷа — Пӱӱр суғ. Ідӧк Хакасияның суғлары кірчелер: Піҷі, Кӧк суғ, Тис суғ, Чорба, Хара суғ[3]. Аның алнында Ким суғзар кірген суғлар чирінде, водохранилище пол килгенде, заливтер сых килгеннер. Оларның иң улуғлары — Ӱпсӱ, Сый, Хара суғ, Чичим, Дербинскай, Пӱӱр суғ. Суғ тутчаң ойымның хазындағы хайаларда чапсых хуйлар парлар, ол санда Пӱӱр суғ хуйлары, залларынаң паза холл чирлерінең хада, істіндегі чоллар 6 км сӧӧ тартылчалар.

Аал-посёлоктар

[тӱзедерге | код тӱзедерге]

Водохранилище хазында турчатхан иң улуғ аал-посёлоктар санына аймах кіннері Ағбан пилтірі, Краснотуранск (Сый залив хазында турча), Новосёлов кірчелер. Водохранилище кизіре тахталар чоғыллар, иң чағыннары Ким суғ кизіререлер, водохранилищенең нинҷе-де километрге чоғар паза индіре орныхчалар. Суғ тутчаң ойымҷа паромнар чӧрчелер, ол санда Новосёлов аалдаң. 1990 чыллар пасталғанҷа, водохранилищеҷе суғ алтындағы ханаттығ теплоходтар чӧрҷеңнер.

Археология

[тӱзедерге | код тӱзедерге]

Хызылчар водохранилищезі 1967—1970 чылларда толдырылған. Водохранилище чирінде суғ алтына кірген хакастар чуртаан Сибирьдегі пастағы орыс аалы — Ағбандағы острог (Амғы Краснотуранск хыринда). Кӧп пічіктіг тас чох иділген. Оларның чардығы арачылалған алай Железногорсктағы краевед Е. С. Аннинскийнің кӱстенізінең хобырылған[4].

Дербина суғның индіркі ағыныңда тӧстелген Дербина заливінің хазында Дербина археология районы орныхча. Анда табылған ниме-ноолар соондағы палеолиттің  (орыс) (рус. мындағ тустарына кірчелер: каргинскай пустар аразындағы тустың істіндегі малохетскай чылаанына (Малтат-II турлағ, 43 000 — 33 000 ч. алн.)[5], каргинскай тустың конощельскай соохталғанына (29—30 муң. ч. алн.) паза халғанҷы сартанскай тусха (Конжул, Ближний лог, 12—13 муң ч. алн.)[6]. Пӱрге тӧӧй бифастар соондағы палеолиттің пастағы тустарындағы комплекстерде, Дербина заливінің Дербина-V, Усть-Малтат-II, Усть-Малтат-I, Покровка-I паза Дербина-IV турлағларында табылғаннар. Усть-Малтат-II, Дербина-V (алтындағы горизонт), Покровка-I турлағларның иң пастағы тустағы комплекстеріне 32 — 27 муң чыл[7].

Покровка II чирде (Кічіг Лог II) 27 740±150 частығ кізінің хамах сӧӧгі табылған (пустар аразындағы Greenland Interstadial 5)[8][9]. Хызылчардағы водохранилищенің сол хазында, Пии чул Ким суғзар кірчеткен чирде, Куртакскай археология районының іскеркі чардығында ортын плейстоценовай Усть-Ижуль 1 турлағлар[10][11] паза Усть-Ижуль 2 орныхчалар. Усть-Ижуль 2 турлағда 30 010±1470 чыл радиоуглерод тузы табылған[12].

Хызылчар водохранилищезі хыринда соондағы палеолит тузындағы изелчеткен Сабаниха-3 турлағда 3000 азыра артефакт табылған, ол санда- ікі тас подвеска, оларға тӧӧй нимелер Хакасиядағы Кічіг Сый  (орыс) (рус. турлағда табылғаннар, ідӧк от in situ оңдайда[13]. Ідӧк суғ алтына парыбысхан Улуғ Тис аал, анда КПСС ЦК-ның генеральнай хачызы К.У Черненко тӧреен[14][15].

Гидрология паза гидрохимия характеристикалары

[тӱзедерге | код тӱзедерге]

Хызылчар водохранилищезінің суғ ағыны Хызылчар ГЭС-тың ағызынаң, чилнең, чылның ол-пу тузындағы суғ айланызынаң палғалыстығ. Суғ ағынының табыраа подпор саринаң (0,14 м/с) турлаға читіре (0,02 −0,05 м/с) син парча. Кӧп чыл аразына суғның иң алысхан сині 21 метрге тиңнелче, анзы проект хоостыра 3 метрге кӧп. Водохранилище часхыда толдырыл сыхча, орғах айының пастағы декадазында тохтапча. Суғның кӧдірілчеткен синінің ортымах табыраа сезон тузына 10-наң 23 см-ге хоныхта чит парча. Суғның 95 % килче Ким, Ӱрсӱ паза Сый суғлардаң. Хыриндағы суғлардаң 6-ҷа % килче. Водохранилищенің чоғархы саринда кічіг хырлас айының пастағы он кӱнінде пустал сыхча, индіре, тізең, улуғ хырлас айының пастағы он кӱнінде. Пус азыл сыхча сілкер айының пастағы паза халғанҷы он кӱннерінде оларға килістіре[16].

Хызылчар водохранилищезінде чылның пірее тустарында тус пол килчеткені таныхталча. Иң кӧп минераллар пол килчелер хысхыда паза часхының пастағы тузында- 140—160 мг/л. Ионнар пӱдізінде кӧп HCO3 (52, 2 ±2,9 мг/л пасти 70,5±1,7 мг/л читіре) анионнар тоғасчалар. Концентрация сині хоостыра субдоминантнай кальций катионы полча Ca 2+ (17,30±0,50). Хызылчар водохранилищезінің суу нымзах, кальций группазының гидрокарбонат тибіне килістірелер. Суғның хатии чыл тузынаң палғалыстығ (5,5 хысхыда 1,1 мг экв/дм³ теере чайғыда). Суғның ортымах пораң сині 2003—2005 чч. 15,67 ±1,77 NTU тиңнелген. Ортымахти окислительнай-восстановительнай потенциалы 103,72±17,60 mv (2003—2005 чч.) тиңнелче. Кислородтың ортын вегетация сині 1980 чылдаң 2005 чылға теере 7,26 сығара 14,7 мг/л теере алысхан. Чоғар кислород сині ортымахти 8,82±0,31 мг/л тиңнелче, ортын районда 9,37±0,32 мг/л паза индіре 9,25±0,40 мг/л[16].

Хызылчар водохранилищезінің палыхтары

[тӱзедерге | код тӱзедерге]

Водохранилищеде паза суғлар подпорларында палыхтарның 26 кӧрімі саналча, ідӧк Сибирьдегі минога тоғасча. Ӧӧнінде ала пуға семействозының ала пуғазы чуртапча, ідӧк карптар семействозының нымра, чабага илееде тоғасча. Пил, кӱскӱс, хора ӧӧнінде водохранилищенің оң хазындағы азырыхтарда чуртапча. Пелядь водохранилищенің прай орыннарынҷа тарап парыбысхан (чайғыда 20—40 м тирең чирде турча). Сортан асхынах, аннаңар чабакнаң нымза саны ӧс парған. Карп саны пір синде турча[16].

Климатха теелізі

[тӱзедерге | код тӱзедерге]

Водохранилище пол килген соонда, 9 метеостанция ӧнетін аның регион климадына теелечеткенін істескен[17]. Іди водохранилище климат континентальнозын чар линиязының 3 километр аар чиріне теере илееде нымзадыбысханы таныхталған. Анзы хысхыда уламох іле пілдіртче. Кии температуразы кӧӧлҷе иртче.

Туризм

[тӱзедерге | код тӱзедерге]

Водохранилищенің чарлары чікім дее ползалар, аның хазында туристерге килістіре тимнелген оңдайлар кирілгеннер. Хызылчардаң 50 километр оортах чирде, Хызылчар ГЭС тулғор хыринда, Шумиха заливтің пляжы пар. Ол турбазаларға пай чир, тынанчатхан улусха суғҷа чорыхтар иртірілчелер: теплоходта, катерлерде паза пасха суғ тарнспортында[18]. Суғ тутчаң ойымның саблығ орыннарының пірсі Пӱӱр суғ заливі, мында чир-чайанның сілиин, хайаларны, хоол чирлерні кӧріп алар оңдай пар[19][20].

Галерея

[тӱзедерге | код тӱзедерге]
  • «Шумиха» б/о хыринда

    «Шумиха» б/о хыринда

  • Красноярское водохранилище возле БО "Шумиха" (04).JPG
  • Новосёловскай аймах

    Новосёловскай аймах

  • Новосёловодағы паром

    Новосёловодағы паром

  • Хызылчар водохранилищезі, Новосёловскай аймах

    Хызылчар водохранилищезі, Новосёловскай аймах

  • Новосёловскай район

    Новосёловскай район

  • Чичич суғның пилтірі

    Чичич суғның пилтірі

  • Красноярское водохранилище.jpg

Алған орын

[тӱзедерге | код тӱзедерге]
  1. ↑ Ресурсы поверхностных вод СССР: Гидрологическая изученность. Т. 16. Ангаро-Енисейский район. Вып. 1. Енисей / под ред. Г. С. Карабаева. — Л.: Гидрометеоиздат, 1967. — 823 с.
  2. ↑ Вышегородцев А. А., Космаков И. В., Ануфриева Т. Н., Кузнецова О. А. Красноярское водохранилище. — Новосибирск: Наука, 2005. — 212 с.
  3. ↑ 1 2 Н. А. Петрова. Красноярское водохранилище // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 314. — 5000 экз. — ISBN 978-5-91502-001-5.
  4. ↑ В форме эстампажей, выполненных Аннинским и его учениками в технике контактного микалентного копирования, изобретённой членом Союза Художников России В. Ф. Капелько.
  5. ↑ Хронология и географическое распространение культурно значимых артефактов в начальном верхнем палеолите Северной Азии и восточной части Центральной Азии. cyberleninka.ru. Дата обращения: 15 Улуғ хырлас айы 2019. Архивировано 25 Орғах айы 2016 года.
  6. ↑ Стасюк И. В., Акимова Е. В., Томилова Е. А., Лаухин С. А., Санько А. Ф., Тихомиров М. Ю., Махлаева Ю. М. Палеолитические местонахождения Дербинского археологического района (Красноярское водохранилище). cyberleninka.ru. Дата обращения: 15 Улуғ хырлас айы 2019. Архивировано 25 Орғах айы 2016 года.
  7. ↑ Шалагина А. В. и др. Листовидные бифасы в комплексах начального верхнего палеолита Южной Сибири и севера Центральной Азии. cyberleninka.ru. Дата обращения: 20 От айы 2021. Архивировано 9 От айы 2021 года. // Теория и практика археологических исследований, 2019
  8. ↑ Бужилова А. П., Добровольская М. В., Медникова М. Б. «Лобная кость Homo из верхнепалеолитического местонахождения Покровка: к вопросу о древнейшем заселении Сибири» // Вестник Московского университета. Серия XXIII (Антропология), 2009, № 3, стр. 4—13.
  9. ↑ Akimova E., Higham T., Stasyuk I., Buzhilova A., Dobrovolskaya M., Mednikova M. «A new direct radiocarbon AMS date for an Upper Palaeolithic human bone from Siberia» // Archaeometry, 2010, V.52, pp.1122-1130.
  10. ↑ Лаухин С. А., Акимова Е. А., Оводов Н. Д., Дроздов Н. И., Стасюк И. В., Томилова Е. А. Геологическая обстановка среднеплейстценовой стоянки Усть-Ижуль 1 (юг Средней Сибири) / С. А. Лаухин, Е. В. Акимова, Н. Д. Оводов, Н. И. Дроздов, И. В. Стасюк, Е. А. Томилова // ВААЭ. — Вып. 2. — 1999. — С. 105—114.
  11. ↑ Лаухин С. А., Гнибеденко З. Н. Палеомагнитные исследования плейстоценовых отложений разреза Усть-Ижуль: (дополнительные данные о возрасте стоянки Усть-Ижуль 1) // Экология древних и современных обществ: ТДК. — Тюмень. — 1999. — С. 28—31.
  12. ↑ Акимова Е. В., Лаухин С. А., Орлова Л. А. и др. Усть-Ижуль — опорный разрез Куртакского археологического района (юг Средней Сибири) // Древности. Вып. 19. М., 1996. С. 54—56.
  13. ↑ Более 3 тыс. артефактов обнаружено на разрушающейся стоянке каменного века у Красноярского водохранилища. Дата обращения: 9 От айы 2022. Архивировано 10 От айы 2022 года.
  14. ↑ Биография Константина Черненко. ria.ru (24 Ӱртӱн айы 2016). Дата обращения: 11 Хандых айы 2025.
  15. ↑ Погребенные волнами. Тайна деревень, затопленных Красноярским морем. rgo.ru (28 Хосхар айы 2015). Дата обращения: 11 Хандых айы 2025.
  16. ↑ 1 2 3 Красноярское водохранилище: мониторинг, биота, качество вод. — Красноярск: Сибирский федеральный университет, 2008. — С. 34—71, 247—281. — 538 с.
  17. ↑ Климат Красноярска. elib.rshu.ru. Дата обращения: 28 Азығ айы 2019. Архивировано 28 Азығ айы 2019 года.
  18. ↑ Залив Шумиха: инструкция по применению. visitsiberia.info. Дата обращения: 10 Хандых айы 2025.
  19. ↑ Бирюсинский залив – жемчужина Красноярского моря. dela.ru (3 Орғах айы 2023). Дата обращения: 10 Хандых айы 2025.
  20. ↑ https://sibwaytour.com/krasnoyarskoe-vodoxranilishhe.html. ibwaytour.com. Дата обращения: 10 Хандых айы 2025.

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Хызылчар_водохранилищезі&oldid=99346