Капелько, Владимир Феофанович

Рувики тiп сайттаң
Владимир Феофанович Капелько (Капеля)
Владимир Феофанович Капелько.jpg
Тӧреен кӱні 19 хандых айы 1937({{padleft:1937|4|0}}-{{padleft:6|2|0}}-{{padleft:19|2|0}})
Тӧреен чирі Хызылчар
Ӱреен кӱні 28 ӱртӱн айы 2000({{padleft:2000|4|0}}-{{padleft:9|2|0}}-{{padleft:28|2|0}}) (63 час)
Ӱреен чирі Ағбан
Гражданство  СССР →  Россия
Ӱгредіг В. И. Суриковтың адынаң Хызылчардағы хоос училищезі
Сыйыхтар
Медаль «Істеніс ветераны» медаль RUS Medal In Commemoration of the 850th Anniversary of Moscow ribbon.svg
Пӧзік аттар Россия Федерациязының саблығ хоосчызы

Влади́мир Феофа́нович Капе́лько (Капеля) (19 июньда 1937 чылда, Хызылчар — 28 сентябрьда 2000 чылда, Ағбан) — совет паза Россия хоосчызы, кибелісчізі, археологы, этнографы, альпинизі, халых деятельі. СССР-ның Хоосчылар пірігізінің кізізі (1971 чыл). Россияның саблығ хоосчызы (2000 чыл).

Чуртас чолы

Хызылчарда тоғысчылар сӧбірезінде тӧреен. 1958 чылда хоос школазын тоос салған. 1963 чылда В. И. Суриковтың адынаң Хызылчардағы хоос училищезінде «Хоостаҷаң паза черчение ӱгретчізі» специальностьты алған. Е. С. Кобытевтің устаанынаң, Владимир Капелько паза училищенің пасха ӱгренҷілері Хызылчардағы «Родина» к/т тастында «Хызылчардағы Мадонна» мозаика паза істіндегі залларда барельеф хоостарын чайап салғаннар. 1964—1970 чылларда Хызылчардағы хоос мастерскойларында тоғынған. 1966 чылда ӧкпезіне операция иткен соонда, Крымда хазиин пиктеен. Эвенкия, Таймыр, Чуйскай тракт, Хакасия, Тува чирлерінде пол килген, Ангара паза Ким суғларҷа инген, Сахалинде, Прибалтикада, Крымда полған. 1971 чылда Монголиядаң Россиязар маллар сӱрген. Позының сағыс-кӧңнін кибелістерінде кӧзіт салған. Нинҷе-нинҷе муң хоос паза графика тоғыстарын чайап салған.

1963 чылдаң сығара Хызылчарда, Москвада, Санкт-Петербургта, Омскта, Барнаулда, Томскта, Минсуғда, Ағбанда хоос кӧзідіглері ирткеннер.

1970 чылда Хакасиязар пастағызын на читкен. М. А. Дэвлет, Э. Б. Вадецкаяның  (орыс) (рус., Э. А. Севастьянованың археология экспедицияларында тоғынған. Хоосчы паза археолог чіли пурунғы хоосчыларның ис-пайын хайраллап халар пӧгіннең, 1973 чылда хайа хоостарын чазынға хобырҷаң оңдай таап алған[1]. Іди Маны, Ағбан, туба, Ким суғларның петроглифтері хобырылғаннар.

Учёнайларның танығларынаң, В. Ф. Капельконың хобырҷаң оңдайы Хызылчардағы паза Соян-Сус водохранилищелеріндегі суға алтына кірчеткен чирлердегі петроглифтерні істезерге полысхан. Соонаң анынаң археологтар, музей тоғынҷылары тузалан сыхханнар[2]. В. Ф. Капельконың эстампажнай чыындызының чардығы Л. Р. Кызласовтың адынаң Хакас национальнай музейінде хайраллалар орнына, 1990 чылларда контрабанда чолынҷа хырығ озаринзар сығарылған (Хакасиязар ол айландырылған 2011 чылда)[3].

1983 чылдаң сығара Ағбанда чуртап сыххан. Ипчізі историк Э. А. Севастьянованаң хада Хакасияның чир-суғ ӱгренҷең музейінің археология экспозициязын тимнеп салғаннар (1977—1983), соонаң — Н. М. Мартьяновтың адынаң Минсуғдағы чир-суғ ӱгренҷең музейнің экспозициязын (1986—1989). Оларның хоостыра тархын саринаң пасха, ідӧк Сибирьнің пурунғызының хоос омазы кӧзіділген. 1990 чылда хоосчы Швецияда ирткен «Советская Россия» кӧзідігнің экспозициязын тимнирінде араласхан. Аның «Пурунғы Хакасияның петроглифтері» чыындызы Швецияда, Хызылчарда, Алма-Атада, Фрунзеде, Новосибирскте, Ағбанда чон алнына сығарылған.

Капельконың тоғыстары Москваның, Томсктың, Минсуғның, Ағбанның, Хызылчарның музейлерінде, Россиядағы кізілернің холында, хырығ озаринда хайраллалчалар (Италияда, Польшада,США-да, Швецияда). 2001 — 2005 чылларда В. Ф. Капельконың музейі Ағбанда тоғынған.

В. Ф. Капельно «Істеніс ветераны», «Москваның 850 чылынаң», Ада чир-суубыстың хан тигір кирее алнында чахсы киректер ӱчӱн Ю.А. Гагариннің адынаң медальнаң сыйыхтатхан.

Россияда чыл сай В. Ф. Капельконың чайаачы ис-пайына чарыдылған кӧзідіглер иртірілчелер. [4].

Алған орын

  1. ↑ Микалентное копирование наскальных изображений. Метод В. Ф. Капелько. Дата обращения: 19 Хандых айы 2012. Архивировано 12 Сілкер айы 2014 года.
  2. ↑ Юрий Есин, заведующий сектором археологии ХакНИИЯЛИ (недоступная ссылка) // Абакан-ТВ, 29.09.2009
  3. ↑ Мильман З. Рисунок на скале. Уникальная коллекция стоимостью 80 миллионов долларов вернулась на родину Архивная копия от 3 От айы 2015 на Wayback Machine // Российская газета — Федеральный выпуск № 5525 (149), 12.07.2011
  4. ↑ В Хакасии открылась «Эра Капели» // ИА "Хакасия". - 2022. - 10 июня.

Литература

  • Владимир Феофанович Капелько. К 70-летию художника: Альбом / Авторы-составители Эра Антоновна Севастьянова, Д. А. Дмитриев — Абакан: редакционно-издательский отдел Хакасского республиканского института повышения квалификации и переподготовки работников образования, 2007 — 60 с. — (Из серии альбомов «Палитра Хакасии»).
  • Капелько, Владимир Феофанович. Горланят над Россией петухи! [Текст] / Владимир Капелько. — Красноярск : [б. и.], 2012. — 223, [1] с., 32 с. ил., цв. ил. : ил., портр.; 17х15 см; ISBN 978-5-905791-05-5 (в пер.)
  • Владимир Шанин, член Союза писателей России. Ну, что же вы, люди, берите! // Газета «Хакасия», 2010, 7 мая.
  • Александр Заика, кандидат исторических наук. Капеля: первая и последняя встреча // Газета «Хакасия», 2001, 28 января.
  • Антонина Шмакова. Зов веков // Газета «Красноярская правда», 2009, 28 сентября.
  • Леонид Петренко. Ушел ещё один из соколиной стаи — столбист с нежно-звонким именем-прозвищем: Капеля // Газета «Столбист», 2000, № 35.
  • Ольга Жернакова. Художник с могучим русским характером. // Газета «Шанс», 2011, 10 февраля.
  • Золик Мильман. Рисунок на скале. Уникальная коллекция стоимостью 80 миллионов долларов вернулась на родину // Российская газета, 12.07.2011
  • Владимир Капелько. Художник я, жадный до жизни. — Минусинск: Агентство «Надежда и Мы», 2017. — 272 с.: ил. — ISBN 978-5-905791-74-1
  • Чебодаева М. П. Художники Хакасии. Биобиблиографический справочник. — Абакан: Стрежень, 2002. —112 С.
  • Чебодаева М. П. Живопись Хакасии. Альбом-каталог. — СПб., 2008. — 240 С.

Ссылкалар

Алған орны - https://kjh.ruwiki.ru/w/index.php?title=Капелько,_Владимир_Феофанович&oldid=143324