Харатас городтағы тархын музейі

Харатас городтағы тархын музейі
Харатас городтағы тархын музейі
Тӧстелген	29 апрельде 1981
Адрес	Хакас Республика, Харатас, ул. Ленина, д. 76
Устағҷы	Фабричных Любовь Васильевна
Сайт	Официальный сайт

РФ-ның Культура министерствозы

Россия Федерациязының Культура министерствозы

Харатас городтағы тархын музейі — Харатастың тархын паза культура ис-пайын хайраллир паза чонға кӧзідер тоғысты апарчатхан музей. Ол 1981 чылның хосхар айының 29-ҷы кӱнінде тӧстелген^[1].

Тархын

Музейнің тархыны 1981 чылның хосхар айының 29-ҷы кӱнінде пасталча. Учреждение Харатас город чӧбінің Исполкомының 207 № чарадии хоостыра 20.04.1980 чылда тӧстел парған. Аның пастағы устағҷызы Антонова Валентина Васильевна полған, соонаң ол Харатас городтың аарластығ кізізі тіп пӧзік атха турысхан. 1997 чылның сілкер айының 9-ҷы кӱнінең пасти музей мындағ адресче тоғынып пастаан: Ленин ор., 76 т. 2012 чылның орғах айының 30-ҷы кӱнінең пасти учреждение «Харатас городтағы тархын музейі» муниципальнай бюджет учреждениезі тіп статуста тоғынча.^[2].

Экспозиция

Музейнің экспозиционнай залларында регион тархынын паза культуразын кӧзітчеткен сыбыра кӧзідіглер орныхчалар. Оларның аразында:

«Держава сабланызы»
«Харатас чаа чылларында»
«Хакас ибі»
«Археология»
«Орыс этнография»
«ХХ чӱс чылның техниказы»
«Харатас городтың тархыны»

Сыбыра экспозициялардаң пасха музей залларында тӧреміл культура-чарыдығлығ мероприятиелер иртірілчелер. Харатастағы, Ағбандағы паза пасха даа городтардағы хоосчыларның пос чайаан кӧзідіглері полчалар^[2].

Чыынды

Музейнің пай фонды пар, аның санында 32 муң артиинаң музей предметтері пар. Чыындаа город тархыны, орыстарның паза хакастарның кибірліг культуразы, археологиязы, ідӧк Илбек Адалығ чаанаң палғалыстығ экспонаттары кірчелер. Музей чыындызы регион ис-пайын тиксі саринаң ӱгренерге оңдай пирче.

Тоғызы

Харатас городтағы тархын музейі культура-чарыдығлығ паза наука мероприятиелерін иртірерінде ӧткін араласча. Чыл сай азығ айында регионнар аразындағы В. А. Баландинаның адынаң чир-суғ ӱгренҷең хығырығлар иртірілчелер.

2011 чылдаң пасти музейде регионнар аразындағы хоос-прикладной чайаачызының паза чон искусствозының «Радуга ремёсел» фестивальы иртче. Ӏдӧк учреждение ӱгредіг паза социальнай кӧстегліг «Без прошлого нет будущего!» тіп комплекс проектін чуртасха кирче.

Тура

Музей экспозициялары хости турчатхан ікі турада орныхчалар:

Тура пу адресче: Лениннің ор., 76 т., тиксі улии 513,4 м², ол санда 412,9 м² экспозиция-кӧзідіг комнаталарына кӧріл парған.

Ӏкінҷі туразы пу адресче: Советскай ор., 77 т., улии 189,2 м², анда ікі экспозиция — «Орыс этнография» паза «ХХ чӱс чылның техниказы». 2022 чылның чарыс айының 14-ҷі кӱнінде хатап пиріл парған турада пу адресче азыл парған «Харатас городтың тархыны» тіп наа экспозиция залы, аның тиксі улии 151,4 м² тиңнелче.

Устағ-пастаа

Пастағы музей устағҷызы Антонова Валентина Васильевна полған, ол Харатас городтың аарластығ кізізі полча.
2011 чылдаң пасти музейнең Фабричных Любовь Васильевна устап парча.

Алған орын

↑ Музей истории города Черногорска (рус.). Культура.РФ. Дата обращения: 15 Чарыс айы 2023.
↑ ¹ ² Музей истории города Черногорска (неопр.) . Госкаталог. Дата обращения: 15 Чарыс айы 2023.

Ссылкалар

[1] Музей истории города Черногорска (рус.). Культура.РФ. Дата обращения: 15 Чарыс айы 2023.

[автоссылка1-2] ¹ ² Музей истории города Черногорска (неопр.) . Госкаталог. Дата обращения: 15 Чарыс айы 2023.

[1]

[2]

Хакасияның музейлері
Ағбан	Ағбандағы хоос галереязы В.С. Чекчуриннің адынаң Ағбан станциядағы Хызылчар тимір чолының тархын музейі Хакас Республикадағы ОВД-ның тархын музейі Хакасиядағы чир-суғ ӱгренҷең музей
Асхыс аймағы	Хакас республиканың чон музей-заповеднигі Н. Ф. Катановтың адынаң Асхыстағы чир-суғ ӱгренҷең музей
Харатас	Харатас городтағы тархын музейі