Тиников, Николай Егорович

Тиников, Николай Егорович
Тиников, Николай Егорович
Тӧреен кӱні	12 от айы 1926
Тӧреен чирi	Аар Паар аал, Хакас округы, Сибирь крайы, СССР
Ӱреен чылы	14 хандых айы 1995 (68 час)
Гражданство	СССР
Айғасчатхан кирее	кибелісчі, писатель
Произведениелер тiлi	хакас, орыс тілі

Тиников, Николай Егорович (12 от айы 1926, Асхыс аймағы, Сибирь крайы^[d] — 14 хандых айы 1995) — хакас кибелісчі, прозаик, драматург. Хакас Республика культуразының саблығ тоғынҷызы.

Чуртас чолы

Николай Тиников Аар Паар аалда (амғы Хакасияның Асхыс аймағы) 1926 чылның от айының 12-ҷі кӱнінде кресеннер сӧбірезінде тӧреен^[1]. Кічігдӧк ӧкіс халған. 1947 чылда Ағбандағы ӱгретчілер тимнеҷең училищезер ӱгренерге кірген, аны тоозып, пасталығ школа ӱгретчізі полыбысхан. 1957 чылдаң сығара Ағбандағы ӱгретчілер институдында ӱгренген. Соонаң ӱгретчі полған, ідӧк Хакас книга издательствозының редакторы полып істенген.

Чайаачы чолы

Николай Тиниковтың пастағы чайаачы тоғызы — кибеліс 1947 чылда «Хызыл аал» газетада чарых кӧргеннер. Чайаачы тоғыстары санында: «Чир ээзі» кибелістер чыындызы, «Ырла, хайҷы!» поэмалар чыындызы, «Таң чариинда», «Ундулбас кӱннер». Произведениелерінде чир-чайаанның, тӧреен чирінің сілиин кӧзіткен.

Писательнің улуғ проза произведениелерінің пірсі «Кавристің кӧглері» полча. Повестьте авторның чуртазы чарыдылча. Ідӧк «Тіріг кізі ӧлбеҷең», «Пастағы халас» повестьтері чарых кӧргеннер.

2014 чылда «Читіген» хакас драма паза кӧг театры Тинниковтың «Аал кӧглері» пьесазынҷа «Наска» ойынны турғыс салған. Писательнің чайаачы тоғызы чарыхха сығарылбаан, 2000 чылларда аның текзі Хакасияның тіл, литература паза тархын наука-істезігліг институдының чыындызынаң театрға пирілген^[2].

Сӧбіре

Палалары — Лариса Николаевна Уланова (Тиникова), Станислав Николаевич Тиников^[3].

Алған орын

↑ Тиников Николай Егорович (рус.). Национальная библиотека им. Н. Г. Домжакова. Дата обращения: 1 Кічіг хырлас айы 2025.
↑ Юбилею основателя театр «Читiген» посвящает свой новый спектакль (рус.). Министерство культуры Республики Хакасия (9 Чарыс айы 2014). Дата обращения: 1 Кічіг хырлас айы 2025.
↑ Этот значимый день (рус.). abakan.bezformata.com. Дата обращения: 1 Кічіг хырлас айы 2025.

Ссылкалар

Литературы народов России: XX в.: словарь / Н. С. Надъярных. — М.: Наука, 2005. — С. 315. — 365 с. — 1100 экз. — ISBN 5-02-010208-3.
Абаканский городской портал (рус.). Абаканский городской портал. Дата обращения: 1 Кічіг хырлас айы 2025.
Тиников Николай Егорович (рус.). Национальная библиотека им. Н. Г. Домжакова. Дата обращения: 1 Кічіг хырлас айы 2025.

[1] Тиников Николай Егорович (рус.). Национальная библиотека им. Н. Г. Домжакова. Дата обращения: 1 Кічіг хырлас айы 2025.

[2] Юбилею основателя театр «Читiген» посвящает свой новый спектакль (рус.). Министерство культуры Республики Хакасия (9 Чарыс айы 2014). Дата обращения: 1 Кічіг хырлас айы 2025.

[3] Этот значимый день (рус.). abakan.bezformata.com. Дата обращения: 1 Кічіг хырлас айы 2025.

[1]

[2]

[3]