Майнагашев, Степан Дмитриевич

Степан Дмитриевич Майнагашев
Степан Дмитриевич Майнагашев
Тӧреен кӱні	8 кӱрген айы 1886
Тӧреен чирі	Минсуғ округы[d], Ким губерниязы, Россия империязы[d];
Ӱреен кӱні	29 хосхар айы 1920 (34 час)
Ӱреен чирі	Минсуғ, Минсуғ уезді, Ким губерниязы, РСФСР[d];
Хазна	Россия империязы[d]; Сибирская республика[d];
Наука сферазы	этнография[d], фольклористика[d] и тюркология[d]
Ӱгредии	Томсктағы университет[d] (1911); Москва городтың чон университеді[d] (1911);
Нименең сабланча	этнограф-востоковед, хакас пічиинің паза автономиязының тӧстегҷізі
Сайт	memory.pvost.org/pages/m…

Степа́н Дми́триевич Майнага́шев (8 кӱрген айы 1886, Минсуғ округы^[d], Ким губерниязы — 29 хосхар айы 1920, Минсуғ, Ким губерниязы) — Россиядағы этнограф, халых паза политика деятельі, хакас пічиинің паза автономиязының тӧстегҷізі.

Чуртас чолы

1886 чылның кӱрген айының 8-ҷі кӱнінде (иргі оңдайнаң 1885 чылның улуғ хырлас айының 27-ҷі кӱнінде) піріктірілген родтарның Асхыстағы чазы Думазының Иресов аалында тӧреен^[1]. Асхыстағы инородецтер устанызының Казанов родынаң сыххан кізі.

Майнагашевтің сӧӧгі — томнар, субэтнос группазы — сагайлар.

1906—1907 чылларда Хызылчардағы духовнай семинарияда ӱгренген.

1907—1910 чылларда Асхыстағы инородецтер устанызында служба ирткен.

1910—1911 чылларда Томсктағы университеттің (орыс) (рус. занятиелерін изерге чӧрҷең.

1911 чылда А. Л. Шанявскийнің адынаң Москвадағы городтың чон университедінің хазых-юридическай цикл пӧлиинің студенті полған.

1913 чылда тіл паза этнография материалларын Минсуғ уездінде чыып пастаан.

1914 чылда Минсуғзар паза Ачинск уездінзер ікінҷі тоғыс чорығы узарадылған.

1915 чылның кӱрген айының 31-ҷі кӱнінде Пермь губерниязының Красноуфимск городындағы С. М. Парываева хысты алған.

1917 чыл — Хакас чонның пастағы Чыылииның тӧстегҷізі. «Хакастар» этнонимнең чонны адирға чӧпті кирген.

1917 чылның от айының 20-ҷі кӱнінде Национальнай комитетке табылған, комитеттің толдырҷаң бюрозынаң устаан.

1917 чылның кічіг хырлас айының 8-17 кӱннерінде Томскта ирткен Сибирь облазының пастағы чыылииның тоғызында араласхан.

1917 чылның кічіг хырлас айының 17-ҷі кӱнінде Минсуғда ирткен Тоғысчыларның, кресеннер паза солдаттар депутаттарының Чӧбінің III-ҷі Чыылиинда араласхан.

1917 чылның улуғ хырлас айының 7-15 кӱннерінде сағыбаан Сибирьнің Чыылиинда араласхан, анзыСибирь облазының Думазын тӧстеп алған.

1918 чылның кӱрген айында Минсуғда ирткен Тоғысчыларның, кресеннер паза солдаттар депутаттарының Чӧбінің IV-ҷі Чыылиинда араласхан, исполкомның чарғыҷылар пӧлиинзер табылған, сілкер айында — чонға полызығ пирҷең пӧлиинзер.

1918 чылның хандых айында Советтернің VII Чыылииның уездтер комиссариадына кірген.

1918 чылның от айында хакас чонның VI-ҷы Чыылиинда айландырылған Чазы думазының кнезіне паза айландырылған Сибирь облазының думазының депутадына табылған.

1919 чылда Совет ӱлгӱзіне тоғырланған чӧрімнің араласчызы полған.

1920 чылның кӧрік айының 10-ҷы кӱнінде Иресов аалда милиция отряды аны туғаннарынаң хада индір парыбысхан.

1920 чылның хосхар айының 24-ҷі кӱнінде Минсуғ уездінің ЧК-ның коллегиязы, контреволюция киреенде араласхан ӱчӱн, Майнагашевті атысха чарғылабысхан (29 апрельде атыс иділ парғанынаңар искіргеннер).

2000 чылның орғах айының 28-ҷі кӱнінде — Хызылчар крайының прокурорының чарадиинаң ахталған.

С. Д. Майнагашевтің тоғыстары

С. Д. Майнагашев суурған палалығ хакас ипчілернiң сомы

Из материалов по шаманству у сагайцев и соседних племён. // Живая старина. — Выпуск III—IV. — Петроград, 1913.
Борьба с шаманством в Минусинском крае. // «Сибирь», 20 декабря, 1913.
Отчёт по поездке к турецким племенам долины реки Абакан летом 1913 года // Известия Русского комитета для изучения Средней и Восточной Азии в историческом, археологическом и этнографическом отношениях. — Серия II, № 3. — Петроград, 1914.
Отчёт по поездке к турецким племенам Минусинского и Ачинского уездов Енисейской губ. летом 1914 года С. Д. Майнагашева // Там же. С. 117—128.
Очередные итоги поземельного устройства инородцев Минусинского уезда // «Минусинский листок», 24 мая, 1914.
Сказка о купеческом сыне и боярском сыне // Живая старина. Приложение № 3, Петроград, 1915. С. 45—50.
Песня духу огня // «Минусинский листок», 1 марта, 1915.
Загробная жизнь по представлению турецких племён Минусинского края // Известия Русского географического общества. / Живая старина. — Том XXIV, Выпуск 3. — Москва, 1915. С. 275—292.
К вопросу о сокращении скотоводческого хозяйства Минусинских инородцев // «Труд». — № 148, 1916.
Жертвоприношение Небу у бельтиров // Сборник Музея антропологии и этнографии имени Петра Великого при Императорской академии наук. Петроград, 1916. Том XIV, Выпуск 3. С. 93—102.
Мелкий кредит среди инородческого населения Минусинского края // Труд. 1916. 14, 16, 19, 21 июня.
Инородцам Минусинского и Ачинского уездов // Свобода и труд. 20 апреля 1917 г.

Литература

Гладышевский А. Н. Степан Дмитриевич Майнагашев. 1886—1920: Очерк жизни и деятельности. Абакан, 1999
Гладышевский А. Н. Ученый и общественный деятель С. Д. Майнагашев // Вест. ХГУ им. Н. Ф. Катанова. Вып. III. Сер.3. История. Право. — Абакан, 1997. — С. 27-31
Майнагашев Степан Дмитриевич // Люди и судьбы. Биобиблиографический словарь востоковедов — жертв политического террора в советский период (1917—1991). Изд. подготовили Я. В. Васильков, М. Ю. Сорокина. СПб.: Петербургское Востоковедение, 2003. 496 с (Социальная история отечественной науки о Востоке)
Мамышева Е. П. Общественно-политическая деятельность С. Д. Майнагашева // Россия и Хакасия: 290 лет совместного развития. — Абакан, 1998. — С. 126—131
Книга памяти Республики Хакасия. Абакан, 2000. С. 130.
Шекшеев А. П. «Бандитское движение» и борьба с ним на территории Ачинско-Минусинского района // Ежегодник ИСАТ ХГУ им. Н. Ф. Катанова. Вып. I. — Абакан, 1997.
Нилогов А. С. Документальная реконструкция родословной С. Д. Майнагашева (к 135-летию со дня рождения) // Томский журнал лингвистических и антропологических исследований (Tomsk Journal of Linguistics and Anthropology). 2021. Вып. 4 (34). С. 148—158.

Алған орын

↑ Нилогов А. С. Документальная реконструкция родословной С. Д. Майнагашева (к 135-летию со дня рождения) // Томский журнал лингвистических и антропологических исследований (Tomsk Journal of Linguistics and Anthropology). — 2021. — Вып. 4 (34). — С. 148—158.

Ссылкалар

Первый хакасский этнограф // Государственное бюджетное учреждение культуры Республики Хакасия «Национальная библиотека имени Н. Г. Доможакова»

[1] Нилогов А. С. Документальная реконструкция родословной С. Д. Майнагашева (к 135-летию со дня рождения) // Томский журнал лингвистических и антропологических исследований (Tomsk Journal of Linguistics and Anthropology). — 2021. — Вып. 4 (34). — С. 148—158.

[1]