Кунучаков, Михаил Сергеевич

Михаил Сергеевич Кунучаков
Михаил Сергеевич Кунучаков
Кізідеңер искіріг
Пол	ир кiзi[d]
Хазна	СССР Россия
Специализация	кӱрес
Тӧреен кӱні	21 кічіг хырлас айы 1949
Тӧреен чирі	Тастып аймағы, Хакас автоном облазы, Хызылчар крайы[d], РСФСР[d], СССР[d] или ; Пыдырах[d], Тастып аймағы, Хакас автоном облазы, Хызылчар крайы[d], РСФСР[d], СССР[d];
Ӱреен кӱні	3 ӱртӱн айы 2024 (74 года)
Ӱреен чирі	Ағбан, Россия[d];

Михаил Сергеевич Кунучаков (21 кічіг хырлас айы 1949, Тастып аймағы, Хызылчар крайы^[d] алай Пыдырах^[d], Хызылчар крайы^[d] — 3 ӱртӱн айы 2024, Ағбан) — совет паза Россия спортсмені, тренер-ӱгретчізі, Хакас Республиканың физическай культуразының паза спортының саблығ тоғынҷызы, істеніс ветераны.

Чуртас чолы

Тастып аймаандағы Пыдырах аалда тӧреен. Пасталығ класстарда пос аалында ӱгренген, улуғ класстарны 1966 чылда Таштыптағы ортымах школада тоосхан. Аның соонда ікі чыл Асхыс аймаандағы Ӧӧк пилтірі аалда физкультура ӱгретчізі полған. 1968 чылдаң сығара 1970 чылға теере Хакас облазының ӱгредіг пӧлиинде кӱрестің классика стильінҷе тренер полып тоғынған.

1970 чылда Хызылчардағы ӱгретчілер хазна институдының физкультура ӱгредии факультедінзер ӱгренерге кірген. Аны тоозып, 1974—1983 чылларда

1974—1983 чылларда ДЮСШ-таң устаан. Ол туста Олғаннарның спорт школазы Хакасияда паза Хызылчар крайында иң артыхтар санында полған^[1].

1983 чылда Михаил Кунучаковты Ағбандағы городтың толдырығ комитедінің физическай культураҷа паза спортча комитет кнезіне хығырғаннар.

1993 чылдаң 2009 чылға теере Ағбандағы Культура, чииттер, спорт устанызының спорт пӧлиинің устағҷызы полып істенген. Пии (1988), Тадар Тис (1990), Сыра (1992) аалларда ирткен спорт ойыннарын иртірген. 1986 чылда ирткен СССР-ның чоннарының VI хысхы спартакиадазын, 1990 чылда Ікі хати Олимп ойыннарының чемпионы И.С. Ярыгиннің сыйиина чарыдылған чоннар аразындағы арға-мӧрійні тимнирге паза иртірерге полысхан^[2].

1960-1970 чылларда Россия паза Тиксі Союз синіндегні кӱресче марығларда араласхан. Грек-рим кӱрезінҷе республика категориязынҷа спорт чарғыҷызы полған.

Сыйыхтар

«РСФСР-ның чон ӱгредиинің отличнигі» танығ (1978);
Хакас Республиканың физическай культуразының паза спортының саблығ тоғынҷызы аарластығ ат (1995);
Россия Федерациязының физическай культураҷа паза туризмҷе хазна комитедінің «Физическай культураның паза спорттың тилізіндегі киректер ӱчӱн» танығ (1999);
«Россияның Госкомспортына 80 чыл» медаль (2004);
«Аарлас паза туза» медаль (2006);
«Хакасияның Россия хазназына пос кӧңнінең кіргенiне 300 чыл» танығлығ медаль (2007);
Хакасиядағы Улуғлар чӧбінің «Чахсы киректер ӱчӱн» ордені (2009);
«Хакасияның Істеніс сабланызы» медаль (2020)^[3]

Алған орын

↑ Кунучаков Михаил Сергеевич/А. Н. Асочаков//Энциклопедия "Хакасия" (Хакасско-Минусинская котловина): в 5 т. Т. 5: Кто есть кто? — Абакан, 2022, с. 270.
↑ Абакан скорбит: ушёл из жизни легендарный работник спорта Михаил Кунучаков
↑ Михаил Кунучаков удостоен медали «Трудовая доблесть Хакасии»

Ссылкалар

[1] Кунучаков Михаил Сергеевич/А. Н. Асочаков//Энциклопедия "Хакасия" (Хакасско-Минусинская котловина): в 5 т. Т. 5: Кто есть кто? — Абакан, 2022, с. 270.

[2] Абакан скорбит: ушёл из жизни легендарный работник спорта Михаил Кунучаков

[3] Михаил Кунучаков удостоен медали «Трудовая доблесть Хакасии»

[1]

[2]

[3]