Ирбицкий, Леонид Акимович

Леонид Акимович Ирбицкий
Леонид Акимович Ирбицкий
Тӧреен кӱні	8 орғах айы 1922
Тӧреен чирі	Вурманкас[d], Эльбарус аал чирі[d], Мариинскай Посад аймағы[d], Чуваш АССР[d], СССР[d];
Ӱреен кӱні	21 сілкер айы 1965 (42 час)
Ӱреен чирі	Ӱӱс[d], Орджоникидзе аймағы, Хакас автоном облазы, Хызылчар крайы[d], РСФСР[d], СССР[d];
Гражданство	СССР
Айғасчатхан кирее	тракторист

Леонид Акимович Ирбицкий (8 орғах айы 1922, Вурманкас^[d], Чуваш АССР^[d] — 21 сілкер айы 1965, Ӱӱс^[d], Хызылчар крайы^[d]) — совет аал хониинда алнында парчатхан кізі, Хакас автоном облазындағы Орджоникидзе аймаандағы СССР-ның совхозтар министерствозының «Июсский» совхозының тракторизі, Социалистическай Ӏстеніс Матыры (1949).

Чуртас чолы

1922 чылның орғах айының 8-ҷі кӱнінде Чуваш автоном облазының Чебоксар уездінің Вурманкас аалында — амғы туста Чувашия республиканың Мариинскай Посад аймағы — чуваш кресен сӧбірезінде тӧреен. 1927 чылда сӧбіре Сибирь крайынзар кӧс парыбысхан, Хакас округындағы Ужур аймааның Петропавловка аалында чуртап сыххан. Сӧбіре аал хониинаң айғасхан. 1934 чылда Сыра аймаандағы Коммунар хонииның Тонаков участогынзар парыбысхан. 1938 чылдаң сығара Ӱӱстегі совхозта істенген. Леонид Акимович Ӱӱс аалдағы школада пис класс тоос салып, Хызылчар крайының Сыра аймаандағы «Июсский» совхозтың 4 № фермазында хара тоғыстарда тоғын сыххан. 1940 чылның кічіг хырлас айынаң сығара 1941 чылның хосхар айына теере Минсуғдағы механизаторлар школазында ӱгренген. 1941 чылның улуғ хырлас айында фронтха хығыртылған^[1].

Илбек Адалығ чаада 1942 чылдаң сығара араласхан. Чааҷы чолын 959-ҷы атығҷылар полкы санында ирткен. Аар палығлатхан. Азахха турып алып, 1944 чылның корік айында уйан хазии хоостыра чааҷы службазынаң позыдылған. Ӱӱс аалзар айлан киліп, совхозта анаң андар тракторист-комбайнёр полып тоғын сыххан^[1].

1948 чылның салтарынҷа пуғдайның чахсы тӱзімін — 180 гектар чирдең полған на гектардаң 30,05 центнер — алған. Трактор бригадазының сығарҷаң тоғызының ортымах синінең 36 % ас парыбысхан^[1].

1948 чылда пуғдайның чахсы тӱзімін алған ӱчӱн СССР-ның Ӧӧркі Чӧбінің Президиумының 1949 чылның кӧрік айының 8-ҷі кӱнінде сыххан чахиинаң Леонид Акимович Ирбицкийге Социалистическай Ӏстеніс Матыры (орыс) (рус. ат паза Ленин орденінең «Серп и Молот» алтын медаль пирілген^[2].

Ирбицкий істеніс чолын узаратхан, тоғыста пӧзік салтарлар кӧзіткен.

Хакасиядағы Орджоникидзе аймааның Ӱӱс аалында чуртаан, 1965 чылның сілкер айының 21-ҷі кӱнінде ол аалда ӱреен^[3]. Сыра аалның сыырадында сӧӧгі чатча^[1].

Сыйыхтар

Ӏстеніс чидіглері ӱчӱн сыйыхтатхан:

«Социалистическай Ӏстеніс Матыры» аарластығ ат (08.03.1949),
«Серп и Молот» алтын чылтыс ((08.03.1949),
Ленин ордені (08.03.1949),
пасха медальлар.

Хумартхы

Ирбицкийнің ады Ағбандағы Социалистическай Ӏстеніс Матырлары аллеязындағы хумартхы таста^[4], ідӧк 2023 чылның орғах айында азылған Копьёв посёлоктағы «Орджоникидзе аймааның Социалистическай Ӏстеніс Матырлары» хумартхы чардыда пазылых^[5].

Алған орын

↑ ¹ ² ³ ⁴ Сергей Кузоватов. Леонид Акимович Ирбицкий (рус.). «Герои страны» сайт. Дата обращения: 8 Ӱртӱн айы 2022.
↑ Энциклопедия | Ирбицкий Леонид Акимович (неопр.) . www.enc.cap.ru. Дата обращения: 21 Кӱрген айы 2026.
↑ 100 лет со дня рождения Леонида Акимовича Ирбицкого (рус.). Национальная библиотека им. Н. Г. Доможакова. Дата обращения: 21 Кӱрген айы 2026.
↑ Ирбицкий Леонид Акимович (рус.). МБУК «Абаканская централизованная библиотечная система». Дата обращения: 21 Кӱрген айы 2026.
↑ Сегодня в торжественной обстановке состоялось открытие мемориальной доски Герои Социалистического труда Орджоникидзевского района (рус.). infoabakan.ru (23 Орғах айы 2023). Дата обращения: 21 Кӱрген айы 2026.

Литература

Трудовая доблесть Хакасии. — Абакан, 2018. — С. 72.

Ссылкалар

Леонид Акимович Ирбицкий (рус.). «Герои страны» сайт.

[вх-1] ¹ ² ³ ⁴ Сергей Кузоватов. Леонид Акимович Ирбицкий (рус.). «Герои страны» сайт. Дата обращения: 8 Ӱртӱн айы 2022.

[2] Энциклопедия | Ирбицкий Леонид Акимович (неопр.) . www.enc.cap.ru. Дата обращения: 21 Кӱрген айы 2026.

[3] 100 лет со дня рождения Леонида Акимовича Ирбицкого (рус.). Национальная библиотека им. Н. Г. Доможакова. Дата обращения: 21 Кӱрген айы 2026.

[4] Ирбицкий Леонид Акимович (рус.). МБУК «Абаканская централизованная библиотечная система». Дата обращения: 21 Кӱрген айы 2026.

[5] Сегодня в торжественной обстановке состоялось открытие мемориальной доски Герои Социалистического труда Орджоникидзевского района (рус.). infoabakan.ru (23 Орғах айы 2023). Дата обращения: 21 Кӱрген айы 2026.

[1]

[2]

[3]

[4]

[5]