Боргояков, Михаил Иванович

Михаил Иванович Боргояков
Михаил Иванович Боргояков
Тӧреен кӱні	5 сілкер айы 1930
Тӧреен чирі	Индіркі Тӧӧ[d], Ӱс чул аал чӧбі, Асхыс аймағы, Хакас округы, Сибирь крайы[d], РСФСР[d], СССР[d];
Ӱреен кӱні	15 чарыс айы 1983 (53 час)
Ӱреен чирі	Ағбан, Хызылчар крайы[d], РСФСР[d], СССР[d];
Хазна	СССР[d];
Учёнай степеньі	филология наукаларының докторы[d]

Михаил Иванович Боргояков (5 сілкер айы 1930, Индіркі Тӧӧ^[d], Сибирь крайы^[d] — 15 чарыс айы 1983, Ағбан, Хызылчар крайы^[d]) — хакас тілі істезігҷізі, филология наукаларының докторы.

Чуртас чолы

Ағбандағы хазна ӱгретчілер институдын тоос салған. 1952 чылда істеніс чолын Хакас книга издательствозында пастаан. Ленинградтағы хазна университедінің тӱрк филологиязы факультедінің аспирантуразына ӱгренерге кіріп алған. 1961 чылда «Хакас тіліндегі кӧні толдырығ» темаҷа кандидат диссертациязын арачылап алған, анаң Хакасияның тіл, литература паза тархын наука-істезігліг институдында улуғ наука тоғынҷызы полып тоғынған, соонаң сектор устағҷызы полған^[1].

Хакас тілін аймах саринаң істес салған, кӧп наука статьяларын чарыхха сығарыбысхан, аймах тюркология конференцияларында араласхан. «Учёные записки ХакНИИЯЛИ» осхас наука сығарыстарын тӱзетчең тоғыста араласхан, [[[хакас тілі|хакас тілінің]] грамматиказын, школада, ӱгретчілер тимнеҷең училищеде паза институтта тузаланҷаң ӱгредіг программаларын паза пособиелерін тимнеен. Боргояковтың наука ис-пайына 70 азыра наука тоғызы кірче. Наука сығарыстарының улуғ чардығы хакас тілінің лексика паза грамматика сурығларына, хакас чонның сыхханына паза тархынына чарыдылча. Учёнай пурунғы пічіктерні паза чонның пазылбин пӱткен чайаачызын істескен^[2].

1976 чылда Боргояковтың падеж категориязының тилізіне чарыдылған «Развитие падежных форм и их значений в хакасском языке» тіп монографиязы сыххан. Ӱс чыл пазынаң, 1979 чылда, «Проблемы формирования и развития хакасского языка» темаҷа доктор диссертациязын арачылап алған. 1981 чылда хакас тілінің кӧні паза тоғыртын толдырығларның оңдайын алғыда кӧзітчеткен «Источники и история изучения хакасского языка» тіп темаҷа монографиязы чарыхха сыххан^[3].

Істезіг тоғызынаң пасха, ідӧк Ағбандағы ӱгретчілер институдында ӱгретчі полған, хакас тілінің тархынынҷа, хакас диалектологиязынҷа теория курстарын хығырған.

1976 чылдаң сығара Тюркологтарның совет комитедінде (орыс) (рус. Сибирь тюркологиязы адынаң араласхан.

Хумартхы

Хакасияда Боргояковтың хығырығлары иртірілчелер. Кӧп чыллар тоғынған ХакНИИЯЛИ-ның туразында М. И. Боргояковха хумартхы чарды хызылған^[4]^[5].

Хакасияда чыл сай М. И. Боргояковтың адынаң хакас тілінҷе паза литературазынҷа регион олимпиадазы иртірілче^[6].

Алынҷа изданиелері

Источники и история изучения хакасского языка / М. И. Боргояков. — Абакан: Хакасское отд-ние Краснояр. кн. изд-ва, 1981.-144 с.
Прямое дополнение в хакасском языке: Автореферат диссертации на соискание ученой степени кандидата филологических наук. — Томск, 1961. — 19 с.
Развитие падежных форм и их значений в хакасском языке. — Абакан: Хакасское отделение Красноярского кн. изд-ва, 1976. — 160 с.

Алған орын

↑ Выдающийся ученый-тюрколог мирового уровня. 05.09.2025 года Михаилу Ивановичу Боргоякову исполнилось бы 95 лет (рус.). en.khakniiyali.ru. Дата обращения: 14 Кӱрген айы 2026.
↑ Боргояков Михаил Иванович (90 лет со дня рождения) (рус.). Национальная библиотека им. Н. Г. Доможакова. Дата обращения: 30 Кӱрген айы 2026.
↑ Боргояков Михаил Иванович (к 75-летию со дня рождения) (орыс). — Абакан: Хакасский научно-исследовательскии институт языка, литературы и истории, 2005. — 20 с.
↑ Елена Владимирова. Памяти лингвиста (рус.). abakan.bezformata.com. Дата обращения: 14 Кӱрген айы 2026.
↑ В Хакасии увековечат память выдающихся деятелей (рус.). sibnovosti.ru (9 Улуғ хырлас айы 2011). Дата обращения: 14 Кӱрген айы 2026.
↑ Выявлены победители олимпиады по хакасскому языку (рус.). gazeta19.ru (21 Кӧрік айы 2025). Дата обращения: 14 Кӱрген айы 2026.

Литература

Боргояков Михаил Иванович: (К 75-летию со дня рождения). — Абакан, 2005. — 20 с.
Актуальные проблемы саяно-алтайской тюркологии : материалы регион. науч.-практ. конф., посвящ. 80-летию со дня рождения М. И. Боргоякова (Абакан, 8 июня 2010 г.). — Абакан, 2010.
Энциклопедия Республики Хакасия : [в 2 т.] / Правительство Респ. Хакасия; [науч.-ред. совет.: В. А. Кузьмин (пред.) и др.]. — Абакан : Поликор, 2007. Т. 1 : [А — Н]. — 2007. — 430, [2] с. : ил., портр. — Библиогр. в конце слов. ст. С. 89-90.

[1] Выдающийся ученый-тюрколог мирового уровня. 05.09.2025 года Михаилу Ивановичу Боргоякову исполнилось бы 95 лет (рус.). en.khakniiyali.ru. Дата обращения: 14 Кӱрген айы 2026.

[2] Боргояков Михаил Иванович (90 лет со дня рождения) (рус.). Национальная библиотека им. Н. Г. Доможакова. Дата обращения: 30 Кӱрген айы 2026.

[3] Боргояков Михаил Иванович (к 75-летию со дня рождения) (орыс). — Абакан: Хакасский научно-исследовательскии институт языка, литературы и истории, 2005. — 20 с.

[4] Елена Владимирова. Памяти лингвиста (рус.). abakan.bezformata.com. Дата обращения: 14 Кӱрген айы 2026.

[5] В Хакасии увековечат память выдающихся деятелей (рус.). sibnovosti.ru (9 Улуғ хырлас айы 2011). Дата обращения: 14 Кӱрген айы 2026.

[6] Выявлены победители олимпиады по хакасскому языку (рус.). gazeta19.ru (21 Кӧрік айы 2025). Дата обращения: 14 Кӱрген айы 2026.

[1]

[2]

[3]

[4]

[5]

[6]