Асочаков, Андрей Серафимович

Андрей Серафимович Асочаков
Андрей Серафимович Асочаков
Россия Федерациязының Федеральнай Чыылииның Федерация Чӧбінің депутады
	с 1994-1996
Тӧреен кӱні	6 ӱртӱн айы 1955 (70 час); Апчинай[d], Асхыс аал чӧбі[d], Асхыс аймағы, Хакас автоном облазы, Хызылчар крайы[d], РСФСР[d], СССР[d];
Партия	КПСС, Единая Россия
	Медиафайлы на РУВИКИ.Медиа

Андрей Серафимович Асочаков (тӧр. 6 ӱртӱн айы 1955, Апчинай^[d], Хызылчар крайы^[d]) — хазна паза халых деятельі, историк, экономист, История наукаларының кандидады, Россияның социальнай паза экономика тархынының 30 азыра наука статьязының авторы.

Россияның Федеральнай чыылииның Федерация Чӧбінің пастағы хығыртииның депутады (1994—1996).

Хакас Республика Пазы — Хакас Республиканың Правительство Кнезінің пастағы орынҷызы (2018—2019).

Чуртас чолы

1955 чылның ӱртӱн айының 6-ҷы кӱнінде Хакасияның Асхыс аймаандағы Апчанай аалында тӧреен. 1970 чылда Пилтірдегі сигіс класстығ школа соонаң Асхыстағы ортымах школада ӱгренген. Аны тоозып, тимір чолның Ағбандағы пӧлиинің Асхыс станциязындағы вагоннар депозында ӱгренҷі, анаң токарь полған.

1973 чылда Хызылчардағы педагогика хазна университедінің (орыс) (рус. история факультедіне ӱгренерге кіріп алған. Аны тоозып, Асхыс аймааның Калининдегі ортымах школазында тархын ӱгретчізі полған.

1977 чыл тоозылчатханда, Асхыс аймааның комсомол комитедінің ікінҷі хачызына табылған, 1979 чылда Сыра аймаандағы комитеттің ікінҷі хачызына. 1980 чылда Хакас облазының ВЛКСМ комитедінің ікінҷі хачызына табылған, 1982—1986 чылларда Хакас обкомының пастағы хачызы полған.

1986 чылдаң сығара 1989 чылға теере КПСС-тың ЦК-ның Халых наукаларының академиязының аспирантуразында ӱгренген. «Участие рабочих промышленности Восточной Сибири в развитии научно-технического прогресса» тіп темаҷа кандидат диссертациязын арачылап алған.

Анаң КПСС-тың Хакас облазындағы комитеттің партия паза кадрлар тоғызы пӧлиинің устағҷы орынҷызы полып істенген. 1990 чылның орғах айынаң 1992 чылның кӧрік айына теере Ағбандағы ӱгретчілер тимнеҷең хазна институдының тархын паза право кафедразының устағҷы тоғызын толдырған, улуғ преподаватель полған.

1992 чылның кӧрік айында Хакас Республиканың Ӧӧркі Чӧбі Андрей Асочаковты Хакас Республиканың Министрлер Чӧбінің Кнес орынҷызына — РФ-ның Президентінің Хакас Республика кізізіне — турғысхан. Хакас Республиканың Ӧӧркі Чӧбінің 1-ғы паза 2-ҷі хығыртииның депутады полған.

1994—1996 чылларда Россия Федерациязының Федеральнай Чыылииның Федерация Чӧбінің депутадына табылған. Федерация паза региондағы политика киректері комитедінің кнес орынҷызы полып тоғынған.

1997 чылдаң сығара «СБС-Агро» банктың Хакасиядағы пӧлиинің директоры полған (Ағбан), 2000—2004 чылларда — Хызылчардағы филиал директоры, «Сибирское ОВК» банктың директорының пастағы орынҷызы (Хызылчар г.), 2004—2011 чылларда «Акцепт» КБ генеральнай директорының пастағы орынҷызы (Новосибирск г.).

2011—2018 чылларда — «Молоко» АО-ның генеральнай директоры (Минсуғ, Хызылчар крайы).

2018 чылның ӱртӱн айының 9-ҷы кӱнінде Хакас Республиканың Ӧӧркі Чӧбінің 7-ҷі хығыртииның депутадына табылған^[1].

2018 чылның улуғ хырлас айының 12-ҷі кӱнінде Хакас Республика Пазы — Хакас Республиканың Правительство Кнезінің пастағы орынҷызына чарадылған соонда, депутат мандадын пирібіскен (2018 чылның улуғ хырлас айынаң сығара улуғ хырлас айының 12-ҷі кӱніне теере республика пазының пастағы орынҷызының тоғызын ӱр нимеске толдырған)^[2].

СМИ-ның танығларынаң, 2019 чылның хандых айының 24-ҷі кӱнінде Хакасия пазының пастағы орынҷызы Андрей Асочаков отпускха парып, тоғыстаң сыхчатханы искірілген^[3].

2021 чылның сілкер айынаң сығара 2023 чылның сілкер айына теере — пос идінҷек. 2022 чылның кӧрік айынаң сығара Хакас чонның Улуғлар Чӧбінің Кнезінің пастағы орынҷызы. «Востоковедтер пірігізі» ХРОО-ның кнезі.

Ипчіліг. Ікі пала ӧскір салған.

Алған орын

↑ Информация об избранных депутатах Верховного Совета Республики Хакасия седьмого созыва (рус.). Хакасия (газета) (16 Кічіг хырлас айы 2018). Дата обращения: 16 Ӱртӱн айы 2025.
↑ Андрей Асочаков утвержден на пост Первого вице-губернатора Хакасии (рус.). Агенство информационных сообщений. Дата обращения: 16 Ӱртӱн айы 2025.
↑ Первый заместитель хакасского губернатора-коммуниста покинет пост (рус.). Коммерсантъ (24 Хандых айы 2019). Дата обращения: 16 Ӱртӱн айы 2025.

Ссылкалар

Асочаков А. С.
Стало известно о скорой отставке Андрея Асочакова // Газета «Хакасия»
Андрей Асочаков рассказал, почему ушел из правительства // Пульс Хакасии. — 2019. — 12 июля.

[1] Информация об избранных депутатах Верховного Совета Республики Хакасия седьмого созыва (рус.). Хакасия (газета) (16 Кічіг хырлас айы 2018). Дата обращения: 16 Ӱртӱн айы 2025.

[2] Андрей Асочаков утвержден на пост Первого вице-губернатора Хакасии (рус.). Агенство информационных сообщений. Дата обращения: 16 Ӱртӱн айы 2025.

[3] Первый заместитель хакасского губернатора-коммуниста покинет пост (рус.). Коммерсантъ (24 Хандых айы 2019). Дата обращения: 16 Ӱртӱн айы 2025.

[1]

[2]

[3]