Асочаков, Андрей Серафимович
| Андрей Серафимович Асочаков | ||
|---|---|---|
 | ||
|
| ||
|
Россия Федерациязының Федеральнай Чыылииның Федерация Чӧбінің депутады
|
||
| с 1994-1996 | ||
|
|
||
| Тӧреен кӱні |
1955 (69 час)
|
|
| Партия | КПСС, | |
| Ӱгредии |
Хызылчардағы педагогика хазна университеді, КПСС-тың ЦК-ның Халых наукаларының академиязы, РФ-зы Правительствозының Финанстар Академиязы, Новосибирсктегі экономика паза устаныс хазна университеді |
|
 Медиафайлы на РУВИКИ.Медиа | ||
Андрей Серафимович Асочаков (1955 чылда, Апчанай аал, Асхыс аймағы, Хакас Республика) — хазна паза халых деятельі, историк, экономист, История наукаларының кандидады, Россияның социальнай паза экономика тархынының 30 азыра наука статьязының авторы.
Россияның Федеральнай чыылииның Федерация Чӧбінің пастағы хығыртииның депутады (1994—1996).
Хакас Республика Пазы — Хакас Республиканың Правительство кнезінің пастағы орынҷызы (2018—2019).
Чуртас чолы
1955 чылда Апчанай аалында тӧреен. 1970 чылда Пилтірдегі сигіс класстығ школа соонаң Асхыстағы ортымах школада ӱгренген. Аны тоозып, тимір чолның Ағбандағы пӧлиинің Асхыс станциязындағы вагоннар депозында ӱгренҷі, анаң токарь полған. 1973 чылда Хызылчардағы педагогика хазна университедінің история факультедіне ӱгренерге кіріп алған. Аны тоозып, Асхыс аймааның Калининдегі ортымах школазында тархын ӱгретчізі полған.
1977 чыл тоозылчатханда, Асхыс аймааның комсомол комитедінің ікінҷі хачызына табылған, 1979 чылда Сыра аймаандағы комитеттің ікінҷі хачызына. 1980 чылда Хакас облазының ВЛКСМ комитедінің ікінҷі хачызына табылған, 1982-1986 чылларда Хакас обкомының пастағы хачызы полған.
1986 чылдаң сығара 1989 чылға теере КПСС-тың ЦК-ның Халых наукаларының академиязының аспирантуразында ӱгренген. «Участие рабочих промышленности Восточной Сибири в развитии научно-технического прогресса» тіп темаҷа кандидат диссертациязын арачылап алған.
Анаң КПСС-тың Хакас облазындағы комитеттің партия паза кадрлар тоғызы пӧлиинің устағҷы орынҷызы полып істенген. 1990 чылның орғах айынаң 1992 чылның кӧрік айына теере Ағбандағы ӱгретчілер тимнеҷең хазна институдының тархын паза право кафедразының устағҷы тоғызын толдырған, улуғ преподаватель полған.
1992 чылның кӧрік айында Хакас Республиканың Ӧӧркі Чӧбі Андрей Асочаковты Хакас Республиканың Ӧӧркі Чӧбінің 1-ғы паза 2-ҷі хығыртииның депутады полған.
1994—1996 чылларда Россия Федерациязының Федеральнай Чыылииның Федерация Чӧбінің депутадына табылған. Федерация паза региондағы политика киректері комитедінің кнес орынҷызы полып тоғынған.
1997 чылдаң сығара «СБС-Агро» банктың Хакасиядағы пӧлиинің директоры полған (Ағбан г.), 2000—2004 чылларда — Хызылчардағы филиал директоры, «Сибирское ОВК» банктың директорының пастағы орынҷызы (Хызылчар г.), 2004—2011 чылларда «Акцепт» КБ генеральнай директорының пастағы орынҷызы (Новосибирск г.).
2011—2018 чылларда — «Молоко» АО-ның генеральнай директоры (Минусинск г., Хызылчар крайы).
9 сентябрьда 2018 чылда Хакас Республиканың Ӧӧркі Чӧбінің 7-ҷі хығыртииның депутадына табылған. Хакас Республика Пазы — Хакас Республиканың Правительство Кнезінің пастағы орынҷызына турғызылған соонда, депутат полномочиелерін суурыбысхан (2018—2019).
2021 чылның хандых айынаң сығара пос идінҷек. 2022 чылның кӧрік айынаң сығара Хакас чонның Улуғлар чӧбінің пастағы орынҷызы. Ипчіліг. Ікі пала ӧскір салған.
Алған орын
Ссылкалар
- Асочаков А. С.
- Стало известно о скорой отставке Андрея Асочакова // Газета «Хакасия»
- Андрей Асочаков рассказал, почему ушел из правительства // Пульс Хакасии. — 2019. — 12 июля.