Хакас Республиканың чон узы
Хакас Республиканың чон узы (орыс. Народный мастер Республики Хакасия) — Хакас Республиканың хазна сыйыхтарына кірчеткен аарластығ ады.
Тархын
Хакас Республиканың 4 мартта 2002 чылда сыххан 5 № «Хакас Республиканың аарластығ аттарынаңар» Законы хоостыра, «Хакас Республиканың чон узы» аарластығ ат тӧстелген[1][2].
Аарластығ ат статузы
Аарластығ ат чонның хоос чайаачызының прай кӧстеглерінең паза жанрларынаң айғасчатхан кізілерге (тахпахчыларға, хайҷыларға, чон тиріглерінің устарына паза аның толдырығҷыларына, декоративнай паза прикладной искусство устарына, хоосчыларға, кибелісчілерге, композиторларға) пирілче. Олар чонның пазылбин пӱткен чайаачызын, кибірліг культуразын хайраллап, тилітчеткен киректе, декоративнай паза прикладной искусствоның ундудылчатхан паза чіт парған кӧрімнерін айландырарында, искусствоның чон формазын ӱгредіг, тынағ системазына кирерінде улуғ чидіглерге читкен ӱчӱн чон аразында пӧзік паалағ аларға киректер.
Аарластығ атха хоос программаларында араласчатхан аймах марығларның чиңісчілері, лауреаттары, ус холлығ кізілер турысчалар. Аарластығ атты алчатхан кізінің ӱгредии паза айғасчатхан кирее санға алылбинча.
Аарластығ атха турысхан устарның изерізі
- Раиса Абдина
- Альбина Курбижекова (2021)[3]
- Тамара Ощепкова (2022)[4]
- Ефросинья Сагалакова
- Анна Спирина
- Тогочакова Вера
- Тодышева Валентина
- Пётр Топоев
- Сергей Чарков
- Степан Чертыков