Тодышева, Валентина Ивановна

Валентина Ивановна Тодышева
Валентина Ивановна Тодышева
Тӧреен кӱні	10 орғах айы 1943 (81 час)
Тӧреен чирі	Тастып аймағы
Хазна	Россия[d];
Айғасчатхан кирее	прозаик, кибелісчі, ӱгретчі, хоосчы, чон узы

Валентина Ивановна Тодышева (тӧр. 10 августта 1943 чылда, Чыланнығ аал, Хакас автоном облазы) — ӱгретчі, прозаик, кибелісчі, декоративно-прикладной искусство хоосчызы, Хакас Республиканың чон узы, Россия Федерациязының Хоосчылары пірігізінің кізізі, Асхыс аймааның аарластығ кізізі, Россияның Писательлер пірігізінің кізізі.

Чуртас чолы

Валентина Тодышева Тастып аймаандағы Чыланнығ аалда тӧреен. 1957 чылда Тастыптағы читі класс школазын тоозып, Ағбандағы ӱгретчілер тимнеҷең училищезер ӱгренерге кіріп алған. Ӱзінҷі курс соонаң Сыра аймаандағы Азах Сӧӧт аалның пасталығ класстар ӱгретчізіне ызылған. Тӧртінҷі курсты заочнай оңдайнаң тоос салған, 1968 чылда маңнаныстығ Хызылчардағы ӱгретчілер хазна институдының география факультедінің заочнай пӧлиин тоос салған.

Хакас Республиканың школаларында отыс чыл істен салған. 1992—1995 чылларда Асхыс аймааның Культура туразының устағҷызы полған, 1995 чылдаң сығара 1996 чылға теере — олох аймахтың культура устанызының пастығы, 1998—1999 чылларда Россияның культуры чыындызының Хакасиядағы пӧлиинің ӧӧн специализі полып тоғынған^[1].

Чайаачы чолы[тӱзедерге | код тӱзедерге]

1980 чылларда Валентина Тодышева хакас чонның кибірліг узанызынаң айғас сыххан. 100 азыра поғо чайап салған, 60 азыра улуғ-кічіг кибістің авторы полча. Устың хоостарының полтазы хакас чонның алыптығ нымахтарынаң («Алтын арығ» кибіс), орыс чонның нымахтарынаң («Тас чахайах»), литература произведениелерінең алылған. Тӧрт чыл тимнелген «Элегия» кибісте философия сағыстары кӧзіділче. Тодышеваның тоғыстары Хакасияның аймах-городтарындағы, Россияның городтарындағы музейлерде, пірігістерде (Новосибирск, Хызылчар, Москва, Санкт Петербург, Калиниград), пасха хан чиріндегі (Болгария, Германия, Швейцария, Польша, Украина, Литва паза пасхазы) чыындыларда хайраллалчалар^[2].

Валентина Тодышева республика, край синіндегі, чоннар аразындағы кӧзідіглернің араласчызы полча. Оларның санында Женевада ирткен «Сибирское соглашение» программа, Санкт-Петрбургтағы «Народные дома России» форум, Новосибирсктегі «Турсиб» чоннар аразындағы ярмарка^[1].

В. И. Тодышеваның хоостаан поғозы
В. И. Тодышеваның «Сағыстар толча» кибізі (150x120)
В. И. Тодышеваның «Хакасия» паннозы (90x120)

1998 чылда Тодышева Хакас Республиканың Чон узы атха турысхан. 2001 чылда Россияның Хоосчылар пірігізінің кізізі полыбысхан^[3]^[4].

Валентина Тодышева кибелістер, нымахтар, чоохтар, сарыннар авторы полча. 2001 чылда «Голос сердца» тіп пастағы киндезі чарыхха сыххан. М. Ю. Лермонтовтың, С. А. Есениннің, И. А. Буниннің, Л. Катаеваның пасха авторларның кибелістеріне кӧг пас салған, хакас сарыннарының авторы полча. Прай 10 кинде чарых кӧрген. 2014 чылда Россияның Писательлер пірігізінің кізізі полыбысхан^[5].

Сыйыхтар

2003 чылда «Хакас Республиканың духовнай ис-пайына хозым иткен ӱчӱн» номинацияда «Общественное признание» республика сыйиина турысхан. 2013 чылда миротворец полчатхан паза чонға полызығ пирчеткен ӱчӱн Россиядағы амыр чуртас чыындызының «Алтын медальынаң» сыйыхтатхан. Олох чылда Хакас чонның Улуғлар Чӧбінің «Чахсы киректер ӱчӱн» орденнең таныхтатхан, Асхыс аймааның аарластығ кізізі полыбысхан. 2017 чылдаң сығара — Литвадағы Скоудас городтың искусство школазының ӧмезінің аарластығ кізізі^[1].

Хысхаҷахти библиографиязы

Голос сердца = Vote of Heart / В. И. Тодышева. — Абакан : Роса, 2001. — 12 с. : ил.
Кружева души моей / В. И. Тодышева. — Абакан : Издательство Хакасского государственного университета, 2003. — 76 с. : ил.
За облаками всегда есть солнце / В. И. Тодышева. — Абакан : Издательство Хакасского государственного университета, 2004. — 68 с. : ил.
Себе ли простишь? = Постың пырозын ундударбын... : сборник песен / В. И. Тодышева. — Абакан : Хакасское книжное издательство, 2005. — 56 с.
Звезды не гаснут : повесть / В. И. Тодышева. — Абакан : Хакасское книжное издательство, 2012. — 276, [1] с. : ил., цв. ил.
Айан паза Тағ ээзi : нымахтар : рассказы, сказки для детей / В. И. Тахтобина-Тодышева ; ответственный за выпуск Л. В. Костякова. — Абакан : Бригантина, 2014. — 38 с. : цв. ил., портр.
Успас чылтыстарым : чоохтар, кибелiстер, сарыннар, хоостар : сборник рассказов / В. И. Тодышева-Тахтобина. — Абакан : Бригантина, 2014. — 123, [1] с. : ил., портр., ноты.
Чарғылаба = Не суди : сборник песен / В. И. Тодышева-Тахтобина. — Абакан : Бригантина, 2016. — 61 с.
Ковры — судьба моя и любовь / В. И. Тодышева-Тахтобина. — Абакан : Бригантина, 2017. — 85 с. : ил., цв. ил., портр.
Хызыл дон : сборник песен, переводы / В. И. Тодышева-Тахтобина ; автор вступительной статьи Н. К. Баранова. — Абакан : Бригантина, 2018. — 38, [1] c. : ил., ноты.

Алған орын

↑ ¹ ² ³ 10 августа Тодышева Валентина Ивановна (к 80-летию) (неопр.) . https://nbdrx.ru/. Национальная библиотека имени Н. Г. Доможакова. Дата обращения: 6 Кӧрік айы 2025.
↑ Пополнение фондов Хакасского национального краеведческого музея им. Л. Р. Кызласова (неопр.) . abakan.bezformata.com. Дата обращения: 6 Кӧрік айы 2025.
↑ Мастера и ремесленники Хакасии (неопр.) . https://centr-kadisheva.ru/. Дата обращения: 6 Кӧрік айы 2025.
↑ Из небольшой деревни в Хакасии вышло много талантливых людей (неопр.) . 19rusinfo.ru (15 Кӱрген айы 2025). Дата обращения: 6 Кӧрік айы 2025.
↑ Тодышева Валентина Ивановна (орыс.). — Энциклопедия Республики Хакасия : в 2 томах. — Абакан., 2008. — Т. 2. — С. 188.

Ссылкалар

Пу материал «РУВИКИ» интернет-энциклопедия» АНО холында.
Пу материалнаң пасха сайттарда «РУВИКИ» интернет-энциклопедия» АНО чарадиинаң на тузаланарға чарир.

[:0-1] ¹ ² ³ 10 августа Тодышева Валентина Ивановна (к 80-летию) (неопр.) . https://nbdrx.ru/. Национальная библиотека имени Н. Г. Доможакова. Дата обращения: 6 Кӧрік айы 2025.

[2] Пополнение фондов Хакасского национального краеведческого музея им. Л. Р. Кызласова (неопр.) . abakan.bezformata.com. Дата обращения: 6 Кӧрік айы 2025.

[3] Мастера и ремесленники Хакасии (неопр.) . https://centr-kadisheva.ru/. Дата обращения: 6 Кӧрік айы 2025.

[4] Из небольшой деревни в Хакасии вышло много талантливых людей (неопр.) . 19rusinfo.ru (15 Кӱрген айы 2025). Дата обращения: 6 Кӧрік айы 2025.

[5] Тодышева Валентина Ивановна (орыс.). — Энциклопедия Республики Хакасия : в 2 томах. — Абакан., 2008. — Т. 2. — С. 188.

[1]

[2]

[3]

[4]

[5]