Сагалаков, Юрий Гаврилович
| Юрий Гаврилович Сагалаков | |
|---|---|
 | |
| Тӧреен кӱні | 8 кӧрік айы 1964 |
| Тӧреен чирі | Тастып аймағы, Хакас автоном облазы |
| Ӱреен кӱні | 28 хосхар айы 2025 (61 час) |
| Ӱреен чирі | Ағбан |
| Айғасчатхан кирее | ӱгретчі, устағҷы, Хакасияның ӱгредіг паза наука министрінің орынҷызы |
Юрий Гаврилович Сагалаков (8 кӧрік айы 1964, Харағай[d], Хызылчар крайы[d] — 28 хосхар айы 2025, Ағбан) — ӱгретчі, Хакас Республиканың ӱгредіг паза наука министрінің орынҷызы (2013—2025). Хакас Республиканың саблығ ӱгретчізі.
Чуртас чолы
Юрий Сагалаков Тастып аймаандағы Харағай аалда тӧреен. 1981—1986 чылларда Ағбандағы ӱгретчілер хазна институдының физика-математика факультедінің «Математика паза физика» специальнозынҷа ӱгренген[1].
Тоғыс чолын 1987 чылда Тастыптағы 2 № школада физика ӱгретчізі полып пастаан. 1988 чылдаң сығара 1994 чылға теере Кічіг Арбыттағы ортымах ӱгредігліг школада устағҷы полып тоғынған. Аның соонда Тастыптағы 2 № ортымах школада 2001 чылға теере устағҷы полып істенген.
2001 чылда Н. Ф. Катановтың адынаң хакас национальнай гимназияның устағҷызына турғызылған. Республика синіндегі аймах мероприятиелерде ӧткін араласчаң, Хакас Республиканың Ӱгредіг паза наука министерствозының коллегиязының кізізі, ӱгредіг сурығларынҷа халых чӧбінің, ідӧк пасха пірігістернің араласчызы полған.
2013 чылда улуғ опыды, пілістері санға алылып, Сагалаков Хакас Республиканың ӱгредіг паза наука министрінің орынҷызына турғызылған[2].
2017 чылның чарыс айында Сагалаков Хакас Республиканың ӱгредіг паза наука министрінің орынҷызына хатап турғызылған[3].
Сагалаков кӧп чыллар министерствоның наука, национальнай, аймах культуралар ӱгредии, хоза ӱгредіг, воспитание, спорт, чазы читкелектернің опека паза попечительство спорты кӧстеглерінде тоғынған[4].
Халых тоғызы
Халых чуртазында ӧткін араласхан: Хакас чонның Улуғлар чӧбінің кізізі полған[5]. Спортнаң айғасчаң, ветераннар аразында волейболҷа регионнар аразындағы марығны иртірҷең[6][7].
Юрий Сагалаков 2025 чылның хосхар айының 28-ҷі кӱнінде ӱр ағырған соонда ах чарыхтаң парыбысхан[6].
Сыйыхтар
- Хакас Республиканың саблығ ӱгретчізі аарластығ ат;
- Хакас Республиканың Ӱгредіг паза наука министерствозының аарластығ пічии;
- Хакас Республиканың Аарластығ пічии;
- Россия Федерациязының Просвещение министерствозының аарластығ пічии;
Хумартхызы
Юрий Сагаловты хумартхызына чарадылып, 2025 чылның кічіг хырлас айының пастағы кӱннерінде Хакас национальнай гимназияда спорт ветераннары аразында волейболҷа регионнар аразындағы азых марығ ирткен. Ағбан городтың ӧмезі чиңісчі полыбысхан[8].
Алған орын
- ↑ Юрий Сагалаков. khsu.ru. Дата обращения: 28 Хосхар айы 2025.
- ↑ Новое назначение в министерстве образования и науки Хакасии. 19rus.ru (9 От айы 2013). Дата обращения: 28 Хосхар айы 2025.
- ↑ Глава Хакасии назначил заместителей министра образования и науки республики. news.re19.ru (18 Чарыс айы 2017). Дата обращения: 28 Хосхар айы 2025.
- ↑ Ушел из жизни заместитель министра образования и науки Хакасии Юрий Сагалаков. gazeta19.ru (28 Хосхар айы 2025). Дата обращения: 28 Хосхар айы 2025.
- ↑ В Хакасии простятся с экс-директором школ, замминистра образования Юрием Сагалаковым. shansonline.ru (28 Хосхар айы 2025). Дата обращения: 28 Хосхар айы 2025.
- ↑ 1 2 Ушел из жизни замминистра образования и науки Хакасии Юрий Сагалаков. mk-hakasia.ru (28 Хосхар айы 2025). Дата обращения: 28 Хосхар айы 2025.
- ↑ Встреча старых друзей. gazeta19.ru (8 Кічіг хырлас айы 2024). Дата обращения: 11 Кічіг хырлас айы 2025.
- ↑ Ариша Гаранина. В Хакасии завершились соревнования по волейболу среди ветеранов (7 Кічіг хырлас айы 2025). Дата обращения: 11 Кічіг хырлас айы 2025.