Пойар тағның пічіктері

Пойар тағның кічіг хайа хоозы^[1]

Пойар тағның пічіктері (орыс. Боярская писаница) — тагар археология культуразының хоос искусствозының памятнигі. Культура ис-пайының федеральнай синдегі объекті^[2].

Чарыдығ

Памятник хайа хоостарының ікі группазынаң пӱтче: Пойар тағның (орыс. Священная гора») ӱстӱнзархы-кидеркі чардығындағы улуғ паза кічіг хайа хоостарынаң. Хакас Республикадағы Боград аймааның Троицкай аалынаң іскеркі саринзар 6 км оортах чирде Ким суғның сол хазынҷа тартылча.

Пойар тағның кічіг хайа хоозы, 2020 чыл

Пойар тағның хайа хоостарын 1904 чылда А. В. Адрианов (орыс) (рус. азып істескен. 1962 чылда Москвадағы Пӧзік ӱгредігліг хоос-промышленность училищезінің студенттері Пойар тағның улуғ хайа хоостарын хобыра хоостап алғаннар паза сомға суурып алғаннар. 1960—1970 чылларда М. А. Дэвлет пу объектті хатап істескен паза «Большая Боярская писаница» тіп киндені чарыхха сығарыбысхан.

Пойар тағ пічіктері пістің тус алнындағы VII—III чӱс чыллардаңнар паза тагар культуразына кірчелер тіп саналча, чардыхти ол пістің тус алнындағы II—I чӱс чылларнаң, таштык культуразынаң, палғалыстығ.

Пойар тағның кічіг хайа хоозы, 2008 чыл

М. А. Дэвлеттің сомнарына сылтанза, пирілген хоостарны полтазы хоостыра піди чарыдарға чарир: киик — 22, ӧскі — 12, чыңма — 3, пуға — 9, адай — 1, кізі — 24, хазаннар хоостары — 17, туралар — 28, чалаң кізі — 6, ідізек — 7, охчаалығ кізі — 1 паза пасхазы. Прай 151 хоос пирілче. Аңңар хоозы — 47, оларға хоостарның ӱзінҷі чардығы килісче. Пойар тағның улуғ хайа хозында иң кӧп чурттар учурапча, алынҷа турчатхан тураларның саны ла 28-ке читче. Чурттарны киртіктерге паза ибіҷектерге чарарға чарир. М. А. Дэвлеттің кӧрізінең, пу контекстте ибіҷектерні Ӱстӱнзархы Сибирьдегі (орыс) (рус. кӧс чӧрҷең чоннарның кибірліг чурттары паза Моол чиріндегі чазыда чуртапчатханнарның «гэр» чіли кӧрерге кирек, киртілген тураларны — тайға чиріне олаңай полчатхан ағас туралар чіли. Хайадағы памятникте амғы хакастар итчеткен оңдайнаң пазылған ағас ибіҷектер кӧзіділіктер.

Пойар тағның кічіг хайа хоостарына чурттарның, кізее тӧӧй нименін, кииктернің, ӧскілернің, аттарның 40 азыра хоозы кірче. Хоостарның пол килгенін С. В. Киселёв (орыс) (рус. мал ӧскіргенінең чир тоғынчатханына кіргенінең чарытча. Ол кӧрістең М. П. Грязновтың чоохтаан сағызы пасхалалча, ол памятниктің тузазын киртініс объекті чіли кӧр салған. Ол ікі кӧріс ибіре — «сын посёлок» алай «ӧбекелер посёлогы» — онарлап чыл наука таластары парча.

Туризм

Хайа хоостарының чирі чонға азых паза андар чыл тооза чӧрерге чарир, че туристтерге килістіре инфраструктура чоғыл. 2025 чылда РАН-ның Сибирьдегі пӧлиинің Археология паза этнография институды Пойар тағның пічіктіг хайаларынҷа виртуальнай тур тимге сығарыбысхан^[3].

Алған орын

↑ Степная полоса Азиатской части СССР в скифо-сарматское время / Ответственный редактор тома доктор исторических наук М. Г. Мошкова. — Археология СССР. — Москва: Наука, 1992.
↑ Боярская писаница (рус.). ookn19.ru. Дата обращения: 2 Азығ айы 2026.
↑ Институт археологии и этнографии СО РАН создал онлайн-тур по петроглифам Хакасии (рус.). Коммерсантъ (3 От айы 2025). Дата обращения: 2 Азығ айы 2026.

Литература

Адрианов А. В. Писаница Боярская // Известия Русского комитета для изучения Средней и Восточной Азии. № 6. СПб., 1906. С. 53-59.
Дэвлет М. А. Большая Боярская писаница. М., 1976. 39 с.
Киселёв С. В. Разложение рода и феодализм на Енисее // Известия Государственной академии истории материальной культуры. 1933. Вып. 65. С. 20.
Грязнов М. П. Боярская писаница // Проблемы истории материальной культуры. 1933. № 7.
Савинов Д. Г. К интерпретации изображений Боярских писаниц // Археология Южной Сибири. Новосибирск, 2003. С. 100—105.
Мартынов А. И. Лесостепная тагарская культура. Новосибирск, 1979. С. 134.
Бутанаев В. Я. Древнее искусство Саяно-Алтая. — Абакан, 2020. — C.49-50.

Ссылкалар

Большая Боярская писаница (рус.). web.archive.org. Дата обращения: 2 Азығ айы 2026.
Боярская писаница (рус.). Хакасия.Земля пяти стихий. Дата обращения: 2 Азығ айы 2026.

[1] Степная полоса Азиатской части СССР в скифо-сарматское время / Ответственный редактор тома доктор исторических наук М. Г. Мошкова. — Археология СССР. — Москва: Наука, 1992.

[2] Боярская писаница (рус.). ookn19.ru. Дата обращения: 2 Азығ айы 2026.

[3] Институт археологии и этнографии СО РАН создал онлайн-тур по петроглифам Хакасии (рус.). Коммерсантъ (3 От айы 2025). Дата обращения: 2 Азығ айы 2026.

[1]

[2]

[3]