Пахтаева, Ефросинья Тодоровна

Рувики тiп сайттаң
Ефросиния Тодоровна Боргоякова (Пахтаева)
Пахтаева (Боргоякова) Ефросинья Тодоровна.jpg
Тӧреен кӱні 15 от айы 1927({{padleft:1927|4|0}}-{{padleft:7|2|0}}-{{padleft:15|2|0}})
Тӧреен чирі
Ӱреен кӱні 20 улуғ хырлас айы 2004({{padleft:2004|4|0}}-{{padleft:12|2|0}}-{{padleft:20|2|0}}) (77 час)
Ӱреен чирі
Подданство  СССР
Айғасчатхан кирее аал хонии
Сыйыхтар паза премиялар

Ефросиния Тодоровна Боргоякова (ирі хоостыра — Пахтаева; 15 от айы 1927, Картой[d], Сибирь крайы[d] — 20 улуғ хырлас айы 2004, Кызлас[d], Хакас Республика) — аал хонииндағы Россияның істенҷізі, Хызылчар крайының Хакас автоном облазындағы Асхыс аймааның Сталиннің адынаң колхозының звеньевойы. Социалистическай Ӏстеніс Матыры (1948)[1].

Чуртас чолы

1927 чылда Картой аалда (амғы туста Хакас Республиканың Асхыс аймағы) тӧреен. Пірее пічіктерде паза искіріглерде пабазының ады Павловна чіли пирілче[2]. Хакас ипчі[1].

Истегі пасталығ класстар школазын тоос салып, Илбек Адалығ чаа пасталғанда, орындағы Сталиннің адынаң колхозха кірібіскен (ідӧк «Аргыз Сталин» адалча), Ефросиния Макарованың чазы звенозында істенген. Звенодағы урожай ӧскеннең ӧзіп одырған, чаа тузындағы аар чылларда даа, техника, таарығ ӱрен паза тоғысчы холлары чидіспенчеткенде дее, иң пӧзік саннар кӧзіткен[3].

Соонаң Ефросиния Боргоякова позы тоңас ӧскірҷең комсомол-чииттер звенозынаң устап сыххан.

1946 чыл хуруғ пол парып, тоңас чахсы сыхпаан, пазағы 1947 чылда, тізең, полған на 76,95 гектар чирдең 31,8 центнер пуғдай сабылған. Ол туста регионда гектар чирдең ортымахти 11 центнер алылған.

Ефросиния Боргоякованың звенозы колхозта иң артығы полыбысхан: 1947 чылдағы тоғыс салтары хоостыра ол 32,23 гектар чирнің полғанынаң на 33,4 центнер пуғдай алған[1].

СССР-ның Ӧӧркі Чӧбінің 1948 чылның кӱрген айының 7-ҷі кӱнінде сыххан чахиинаң «1947 чылда пуғдайнаң арыстың пӧзік сығызын алған ӱчӱн» Боргоякова Ефросиния Тодоровнаа Социалистическай Ӏстеніс Матыры  (орыс) (рус. пӧзік ат, Ленин ордені паза «Серп и Молот» алтын медаль пирілген. Чахығда пабазының ады «Ефросинья» чіли таныхталарға айабас[1].

Олох чахығда пӧзік атха аның кӧстегҷізі Е. П. Макарова паза колхоз кнезі И. С. Чазыбаев турысханнар.

Пазағы чылларда Е. Т. Пахтаеваның (ир фамилиязы) звенозы тоңастың пӧзік урожайын анаң андар ал турған[1].

Ӏстеністегі чидіглері ӱчӱн «Аарлас Тании» орденнең сыйыхтатхан (1976). Собірезінең хада Абрамнар аалда чуртаан, халғанҷы чылларда — Асхыс аймааның Кызлас аалында[4]. 2004 чылның улуғ хырлас айының 20 кӱнінде ӱреен[2]. Сӧӧгі Ылырсы аалдағы сыыратта чатча.

Сыйыхтар

  • «Серп и Молот» алтын медаль (№ 302; 07.01.1948);
  • Ленин ордені (№ 19618; 07.01.1948);
  • «Аарлас тании» орден  (орыс) (рус. (25.12.1976);
  • «Ӏстеністегі артығы ӱчӱн» медаль;
  • дипломнарнаң паза аарластығ пічіктернең таныхталған.

Сӧбіре

Хада хонғаны — Терентий Иосифович Пахтаев, Илбек Адалығ чаа араласчызы, аал хониинда істенген. Ирепчі читі пала ӧскір салған, оларның аразында ӱгретчі, имҷі, аал хониинда істенчеткен идінҷек пар[4].

Алған орын

  1. ↑ 1 2 3 4 5 Сайт «Герои страны».
  2. ↑ 1 2 Пахтаева (Боргоякова) Ефросинья Павловна. МБУК «Абаканская централизованная библиотечная система». Дата обращения: 26 Кӧрік айы 2026.
  3. ↑ Боргоякова Ефросинья Тодоровна. Наследие. Дата обращения: 26 Кӧрік айы 2026.
  4. ↑ 1 2 Тореен чирим. Ефросинья Боргоякова - Герой Соцтруда (хак.). yandex.ru (12 Азығ айы 2024). Дата обращения: 26 Кӧрік айы 2026.

Литература

  • Музалевский М. В. Герои Социалистического Труда. Биобиблиографический словарь. — М.: РИЦ «Кавалер», 2008. — Т. 2. — 200 с.
  • Трудовая доблесть Хакасии. — Абакан, 2018.
  • Сибиряки. Герои социалистического труда Красноярского края. — Красноярск, 1976.

Ссылкалар

Алған орны - https://kjh.ruwiki.ru/w/index.php?title=Пахтаева,_Ефросинья_Тодоровна&oldid=151219