Макарова, Ефросинья Порфирьевна

Ефросинья Порфирьевна Макарова
Ефросинья Порфирьевна Макарова
Тӧреен кӱні	12 от айы 1918
Тӧреен чирі	Табат[d], Пии аймағы, Хакас автоном облазы, Кидеркі Сибирь крайы[d], РСФСР[d];
Ӱреен кӱні	ӱртӱн айы 2007 (89 час)
Ӱреен чирі	Ағбан, Россия[d];
Хазна	СССР[d]; Россия[d];
Айғасчатхан кирее	чазы тоғызы

Ефроси́нья Порфи́рьевна Мака́рова (12 от айы 1918, Табат^[d], Кидеркі Сибирь крайы^[d] — ӱртӱн айы 2007, Ағбан) — аал хонииндағы совет тоғынчызы, Социалистическай Ӏстеніс Матыры (1948).

Чуртас чолы

Ефросинья Макарова 1918 чылның от айының 12-ҷі кӱнінде Табат аалда (амғы туста — Хакас Республиканың Пии аймағы) кресеннер сӧбірезінде тӧреен. Аал хонииның коллективизациязы (орыс) (рус. тузында пастағылар санында колхозха кірген паза чазы бригадазында тоғынған. 1938 чылда звеньевойның тоғызына сығарылған. Илбек Адалығ чаа паза аның соондағы чылларда тамахты ӧскірҷең тоғыста чахсы істенген. Позы устаан ӧмені алнында парчатханнар санына сығарыбысхан^[1].

Улуғ чидіглерге 1947 чылда читкен, андада Макарованың устаандағы звено аның хайиина кірген 25 гектар чирдең полғанынаң на ортымахти 33,9 центнер пуғдай чыып алған^[1].

Пазағы даа чылларда маңнаныстығ тоғынған. 1951 чылда устағчыларны ікі чыл тимнепчеткен аал хонии школазын тоос салған. Аның соонда Хызылчар крайының Хакас автоном облазындағы Алтай аймааның Калининнің адынаң колхозында істенген, ол хоныхта ӱӱчіктегі тамахты, садтағы ӧзімнерні ӧскіргенінде чидіглерге читкен. 1962 чылдаң сығара Ағбанда чуртаан, тынаға сыхханҷа, Ағбандағы ит комбинадында тоғынған. Халых киреенең айғасхан, Хакас облазы чӧбінің депутадына, КПСС-тың Хызылчар крайының комитедінің кізізіне табылған. 90 чазын апарчадып, 2007 чылның ӱртӱн айында ӱреен^[1].

Сыйыхтар

340 номерліг Социалистическай Ӏстеніс Матыры (орыс) (рус. хазна сыйиинаң хада Ленин ордені паза «Серп и Молот» медаль пирілген (1948 чылның кӱрген айының 7-ҷі кӱні, «1947 чылда пуғдайнаң арыстың пӧзік тӱзімін алған ӱчӱн»)^[2];
2 Ленин ордені (1948 чылның кӱрген айының 7-ҷі кӱні, 1949 чылның азығ айының 21-ҷі кӱні);
Ӏстеніс Хызыл Знамя ордені (1950 чылның чарыс айының 19-чы кӱні);
медальлар^[1].

Алған орын

↑ ¹ ² ³ ⁴ Ефросинья Порфирьевна Макарова (рус.). «Герои страны» сайт.
↑ Кирьянов В. В. Ефросинья Порфирьевна Макарова : Бригадир полеводческой бригады колхоза им. Сталина, Аскизск. района.. — Красноярск: Краснояр. краев. изд-во, 1952. — 48 с.

[wh-1] ¹ ² ³ ⁴ Ефросинья Порфирьевна Макарова (рус.). «Герои страны» сайт.

[2] Кирьянов В. В. Ефросинья Порфирьевна Макарова : Бригадир полеводческой бригады колхоза им. Сталина, Аскизск. района.. — Красноярск: Краснояр. краев. изд-во, 1952. — 48 с.

[1]

[2]