Захаров, Роман Григорьевич

Роман Григорьевич Захаров
Тӧреен кӱні	5 кӱрген айы 1906({{padleft:1906|4|0}}-{{padleft:1|2|0}}-{{padleft:5|2|0}})
Тӧреен чирі	Танов аал, амғы Свияжск уезді, Казань губерниязы
Ӱреен кӱні	31 кӧрік айы 1975({{padleft:1975|4|0}}-{{padleft:3|2|0}}-{{padleft:31|2|0}}) (69 час)
Ӱреен чирі	Наа аал, Орджоникидзе аймағы, Хакасия
Хазна	Россия империязы[d]  СССР[d]
Айғасчатхан кирее	ат ӧскірҷең кізі
Сыйыхтар паза премиялар

Рома́н Григо́рьевич Заха́ров (5 кӱрген айы 1906, Свияжск уезді^[d], Казань губерниязы^[d] — 31 кӧрік айы 1975, Наа аал^[d], Хызылчар крайы^[d]) — аал хонииндағы совет тоғынҷызы, Социалистическай Ӏстеніс Матыры (1949).

Чуртас чолы

Роман Григорьевич Захаров 1906 чылның кӱрген айының 5-ҷі кӱнінде Россия империязының Казань губерниязындағы Свияжск уездінің Танов аалында (амғы туста — Татарстан Республиканың чирі) тӧреен. 1912 чылда сӧбірезінең хада Локшин аалзар (амғы туста — Хызылчар крайының Ужур аймағы) кӧс парыбысхан. Он сигіс частығдан сығара «Коммунар» рудниктің алтынны аныҷаң фабриказының пӱдіриинда араласхан. 1936 чылның сілкер айында Хызылчар крайының Хакас автоном облазындағы Орджоникидзе аймаандағы «Июсский» совхозта тоғын сыххан, узанҷы полған, соонаң — улуғ ат кӧрҷең кізі.

1941 чылның орғах айында Хакас автоном облазындағы Сыра аймааның чаа комиссариадынаң сығара Тоғысчы-кресен Хызыл Армиязына службаа тартылған. 1944 чылның азығ айынаң сығара — Илбек Адалығ чаа фронттарында. 37-ҷі армияның 66-ҷы атығҷылар корпузының 225-ҷі алынҷа корпус сапёр батальонының сапёры полып чааласхан. Чаалазығларда махачызын нинҷе-нинҷе хати кӧзіткен. Ӏди, 1944 чылның от айының 20-ҷі кӱнінің хараазынаң 21-ҷі кӱніне 333-ҷі атығҷылар дивизиязының 1120-ҷі атығҷылар полкының арачыланысча пастағы линиязы алнында туюххан ыырҷынаң тоғыр 120 мина сал салған, соонаң пасха чирде — 148. 1944 чылның орғах айының 19-ҷы кунінің хараазынаң 20-ҷі кӱніне немец арачыланызын талабысхан туста 61-ҷі гвардия атығҷылар дивизиязы кірчеткен полосада Захаров, ыырҷы атызы тузында хайынып, 77 немец миназын сайбаа чох идібіскен, іди ол пехотанаң техникаа ол участокта хорағлар чох иртчең оңдай пирген.

Чаа соонаң Захаров демобилизацияа кірген. «Июсский» совхозтағы тоғысха айланған, аттар ӧскірҷең 2 № ферманаң устап сыххан. Тӧреен хулуннарның чӱс процентін ӧскіріп алған, аттар саны чыл сай ікі хати кӧп пол парҷаң. Иң маңнаныстығ ағаа 1948 чыл пол парған, андада ол фермазының ат хазааларында 24 пиидең 24 хулунны ӧскіріп алған.

Совхозта анаң андар тоғынған. 1966 чылның сілкер айында тынаға сых парған. 1975 чылның сілкер айының 31-ҷі кӱнінде ӱреен, сӧӧгі Хакасияның Орджоникидзе аймаандағы Наа аалның сыырадында чатча.

Сыйыхтар

• Социалистическай Ӏстеніс Матыры хазна сыйиинаң хада Ленин орденінең паза 4191 номерліг «Серп и Молот» медальнаң сыйыхтатхан (1949 чылның от айының 16-ҷы кӱнінде, «совхоз, хазнаа мал-хусты паза тамахты план синінҷе пиріп паза малның прай кӧрімнерінҷе мал ӧскірізінҷе хазна планын толдырып, 1948 чылда мал ӧскірізінде пӧзік тӱзімге читкен ӱчун»);
• 3-ҷі синніг Сабланыс ордені (1944 чылның орғах айының 28-ҷі кӱні);
• «Махачызы ӱчӱн» медаль (1944 чылның орғах айының 28-ҷі кӱні) паза пасха медальлар.

Хумартхы

• Захаровың ады Ағбандағы Социалистическай Ӏстеніс Матырлар аллеязындағы таста хумартхылалған.

Алған орын