Забелин, Юрий Николаевич

Юрий Николаевич Забелин
Юрий Николаевич Забелин
Тӧреен кӱні	29 хандых айы 1931
Тӧреен чирі	Чита[d], Іскеркі Сибирь крайы[d], РСФСР[d], СССР[d];
Ӱреен кӱні	1 хосхар айы 2012 (80 час)
Ӱреен чирі	Ағбан, Россия[d];
Хазна	СССР[d]; Россия[d];
Айғасчатхан кирее	хабарҷы, продюсер
Сыйыхтар паза премиялар

Юрий Николаевич Забелин (29 хандых айы 1931, Чита^[d], Іскеркі Сибирь крайы^[d] — 1 хосхар айы 2012, Ағбан) — хабарҷы, халых паза культура деятельі, продюсер. СССР-ның (1967) паза Россияның Хабарҷылар пірігізінің кізізі. Россияның Писательлер пірігізінің Хакасиядағы пӧлиинің Хоос литература пропагандазы бюрозының устағҷызы. Хакас Республиканың культуразының саблығ тоғынҷызы (1997).

Чуртас чолы

Казактардаң сыххан ӱгретчі Николай Андреевич Забелиннің сӧбірезінде тӧреен. Ӱс частығдаң сығара «Баргузинзолото» комбинаттың Карафтит руднигінің Ивановскай приискінде чуртаан, пабазы анда школа устағҷызы полып тоғынған^[1].

1945 чылдаң сығара — Ағбанда. Кинорежиссёр Иван Пырьевтің (орыс) (рус. чӧбінең 1950 чылда ВГИК-сар ӱгренерге кіріп алған, сценарий факультедінде ӱгренген. 1955 чылда ӱгредіг заведениезін тоос салып, «Красноярский комсомолец» хабарҷызы полып тоғынған, анаң Тастып аймаандағы школада ӱгретчі полған, соонаң Сыра посёлоктағы аймахтың газетазында литература тоғынҷызы полып істенген. 1964 чылның кӧрік айынаң сығара — Хакас телерадиокомитедінің редакторы (Иркутскта 1972 чылда ирткен Сибирьдегі радио хабарҷылары фестивальында пастағы сыйыхты алған; Хызылчарда 1972 чылда ирткен радио хабарҷыларының регион синіндегі мариинда Сойан-Сус ГЭС-тың пӱдіриинеңер репортажтары ӱчӱн пастағы сыйыхты алған). Тоғыстары журналларда чарых кӧргеннер. 1980 чылда хакас чонның «Тун пайрам» ӱлӱкӱнін айландырған пастағҷылар санына кірген.

1987 чылда — Россияның Писательлер пірігізінің Хакасиядағы пӧлиинің Хоос литературазы пропагандазы бюроның устағҷызы. «История Хакасии» монографияның, Анатолий Преловскийнің кибеліс тілбестеглерінің «Поэзия древних тюрков VI—XII веков» киндезінің, «Древняя письменность саяно-алтайских тюрков» ӱгредіг пособиезінің продюсері полған. 1996 чылда чыл сай иртірілчеткен «Тӱрк пічиинің паза культуразының кӱннері» ӱлӱкӱнні пастағызын иртірген кізілер санына кірген (аны иртірҷең закон РФ-да пастағызын на Ӧӧркі Чӧптің паза Хакас Республиканың Правительствозының чарадиинаң 2004 чылда алылған). 2008 чылда Забелин Хакасияның Чайаачы интеллигенциязы клубының устағҷызына табылған^[2].

Забелиннің устаанда пис Сойан-Алтай этнос чарыдығлығ экспедиция иртірілген (Хакасия, Кидеркі Монголия, Тыва, Тағлығ Шория, Тағлығ Алтай)^[3].

«Істеніс ветераны» медальнаң сыйыхтатхан (1998).

Сӧбіре

Оолғы — Забелин Олег Юрьевич, 1957 чылның орғах айының 7-ҷі кӱнінде тӧреен.

Алған орын

↑ Татьяна Верещагина, Надежда Антуфьева. Русский Тюрк (орыс) // Центр Азии. — 2004. — № 47. Архивировано 4 Кӧрік айы 2016 года.
↑ Клуб творческой интеллигенции Хакасии (рус.). Абаканский городской портал. Дата обращения: 29 Улуғ хырлас айы 2025.
↑ Баранова Н. К. Забелин Юрий Николаевич // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 206. — 5000 экз. — ISBN 978-5-91502-001-5.

Литература

Баранова Н. К. Забелин Юрий Николаевич — Энциклопедия Республики Хакасия. Т. 1. — Абакан, 2007. — С. 206.
Татьяна Верещагина, Надежда Антуфьева. Русский Тюрк (орыс) // Центр Азии. — 2004. — № 47. Архивировано 4 Кӧрік айы 2016 года.
Юрий Забелин, А. Анненко. Тун пайраму — 25! И века… История возрождения праздника. — Абакан: Хакасское книжное издательство, 2005. — 16 с.
А. Н. Анненко. Юрий Забелин: просветитель, пассионарий, подвижник / Республика Хакасия как субъект Российской Федерации. Материалы Всероссийской научно-практической конференции, посвященной 20-летию образования Республики Хакасия (23-24 июня 2011 г.). — Абакан, 2011. — С. 208—211.
Алексей Анненко. Подвижник культуры Хакасии // Республиканская газета «Хакасия». 2011, 29 июня.

Ссылкалар

Татьяна Верещагина, Надежда Антуфьева. Русский Тюрк (орыс) // Центр Азии. — 2004. — № 47. Архивировано 4 Кӧрік айы 2016 года.
Валерий Полежаев. За такой находкой стоило проехать несколько тысяч верст… (рус.) web.archive.org. Дата обращения: 25 Улуғ хырлас айы 2025.
Скончался известный хакасский журналист Юрий Забелин (рус.). web.archive.org. Дата обращения: 25 Улуғ хырлас айы 2025.
Лариса Катаева. Вы для меня навеки останетесь живым… (рус.) abakan.bezformata.com. Дата обращения: 25 Улуғ хырлас айы 2025.

[1] Татьяна Верещагина, Надежда Антуфьева. Русский Тюрк (орыс) // Центр Азии. — 2004. — № 47. Архивировано 4 Кӧрік айы 2016 года.

[2] Клуб творческой интеллигенции Хакасии (рус.). Абаканский городской портал. Дата обращения: 29 Улуғ хырлас айы 2025.

[3] Баранова Н. К. Забелин Юрий Николаевич // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 206. — 5000 экз. — ISBN 978-5-91502-001-5.

[1]

[2]

[3]