Голощапов, Фёдор Тимофеевич

Фёдор Тимофеевич Голощапов
Тӧреен кӱні	15 ӱртӱн айы 1893({{padleft:1893|4|0}}-{{padleft:9|2|0}}-{{padleft:15|2|0}})
Тӧреен чирі	Кошны аал, амғы Боград аймағы, Хакасия
Ӱреен кӱні	4 орғах айы 1976({{padleft:1976|4|0}}-{{padleft:8|2|0}}-{{padleft:4|2|0}}) (82 час)
Ӱреен чирі	Чорба пилтірі[d], Знаменка аал чӧбі, Боград аймағы, Хакас автоном облазы, Хызылчар крайы[d], РСФСР[d], СССР[d]
Хазна	Россия империязы[d]  СССР[d]
Айғасчатхан кирее	свиновод
Сыйыхтар паза премиялар

Фёдор Тимофе́евич Голоща́пов (15 ӱртӱн айы 1893, Минсуғ уезді, Ким губерниязы — 4 орғах айы 1976, Чорба пилтірі^[d], Хызылчар крайы^[d]) — аал хонииндағы совет тоғынҷызы, Социалистическай Ӏстеніс Матыры (1949).

Чуртас чолы

Фёдор Голощапов 1893 чылның ӱртӱн айының 15-ҷі кӱнінде Кошны аалда (амғы туста — Хакас Республиканың Боград аймағы) кресеннер сӧбірезінде тӧреен. Кічігдең сығара иб аразындағы тоғыста хайынған. Пастағы тилекей чаада араласхан. Чаалазығларның пірсінде, газ атаказына кір парып, герман частьтарының пленіне кірген. Чаада сӱріге сӱр парыбысхан кізілернің Германиядағы лагерьінде полған, орындағы шахтада аттарнаң тоғынған.

Коллективизация тузында Копены аалда тӧстелген (Боград аймағы, Хакас автоном облазы, Хызылчар крайы) «По заветам Ильича» колхозха кірібіскен. 1937 чылдаң сығара хоныхтың сосхалар фермазынаң устаан.

Он чыл аразына тӧл салҷаң сосхаларны азырап, оларның селекциязында улуғ салтарларға читкен. Аның кӱстенізінең «По заветам Ильича» колхозтың фермазы Хакас автоном облазында иң чахсызы полыбысхан. Голощапов ах иттіг наа породаны сығарыбысхан, аның пірее ине сосхалары 400 килограммға читчеңнер. Фермада ӧскірілген сосхалар саны 25 муң пасха читкен, оларның кӧп сабазы хазнаа итті сатчаң планны толдырарына ла нимес, ідӧк пасха колхозтарнаң совхозтарзар ӧскірерге парҷаң. 1949 чылда ферманың тоғысчылар ӧмезі Голощаповтың устаанда ортымахти полған на ине сосхадаң 29 сосха палазын ӧскіріп алған, ікі айлығ сосхаларның тіріг кӧдірімі ортымахти 15,3 килограмға читчең. Фёдор Тимофеевич паза аның хада тоғынған кізілер нинҷе-нинҷе хати Чон хонии чидіглерінің кӧзідиинде араласханнар.

1968 чылда тынаға сых парған, союз синіндегі пос пенсионері статусты алған.

83 чазын апарчадып, 1976 чылның орғах айының 4-ҷі кӱнінде уреен, Хакас Республиканың Боград аймаандағы Чорба пилтірі аалдағы сыыратта сӧӧгі чатча.

Сыйыхтар

• 4296 номерліг Социалистическай Ӏстеніс Матыры хазна сыйиинаң хада Ленин орденінең паза «Серп и Молот» медальнаң сыйыхтатхан (1949 чылның орғах айының 10-ҷы кӱнінде, «мал ӧскірізінде пӧзік салтарларға читкен ӱчӱн »);
• Істеніс Хызыл Знамя ордені (1950 чылның чарыс айының 19-ҷы кӱні);
• медальлар, ол санда ВДНХ медальлары.

Алған орын