Чаа палаларына хумартхы тас (Саяногорск)

Рувики тiп сайттаң
Пу терминнің пасха даа тузалары пар, кӧр. Чаа палаларына хумартхы тас.
Памятник
Чаа палаларына хумартхы тас
Памятник детям войны (Саяногорск).jpg
Хазна  Россия
Орныхханы Саяногорск
Скульптор Андрей Секунда
Тӧстелген кӱні 2020
Материал хола

Памятник детям войны — Саяногорсктағы чаа палаларына чарыдылған хумартхы тас[1]. Чиңіс паркында орныхча[2].

Чарыдығ

Хумартхы тасха ӱс панорама кірче, анда чааның хорғыстығ кизектері кӧзіділік, хости олғаннарның скульптуразы турғызылых — хости турчатхан хыс туңмазын холынаң чаабысхан оолағас. Илбек Адалығ чаа тузындағы олғаннарға чарыдылған Хакас Республикадағы пастағы хумартхы тас полыбысхан.

Тархын

Скульптураны итчең сағыс 2017 чылда пол килген[3]. Ол киректің пастағҷызы — «Чаа палалары» Тиксі Росссиядағы халых пірігізінің Саяногорсктағы пӧлиинің кнезі Юрий Юровтың устаанда. 2019 чылда халых пірігізі хумартхы тасты пӱдірерге тіп ахча чыырынаңар чарлабысхан[4][5].

Хумартхы тасты пӱдірерге паза турғызарға ахчанаң ӱс муң азыра кізі хабасхан, 800 муң салковай чыып пирген. Халған ахчазын Хакас Республика Правительствозы, «Саяномолоко» паза «СаянКамень» компаниялар, Саяногорск город чӧбінің депутаттары паха ветераннар пірігістері пиргеннер[6].

Хумартхы тасты пӱдірҷең, аны турғысчаң паза аның ибіркі чирін иптеҷең сурығларнаң паза ахчанаң хабасханнар Хакас Республиканың Ӧӧркі Чӧбінің 2-6 хығыртығларының депутады Валерий Левицкий паза Хакас Республиканың Ӧӧркі Чӧбінің 7-ҷі хығыртииның депутады Евгений Челтыгмашев[3].

Хумартхы тастың проектін марығ хоостыра таллап алғаннар. Аның чиңісчізі Хакас Республиканың саблығ хоосчызы, скульптор Андрей Секунда полыбысхан[7][8].

2020 чылның хандых айының 24-ҷі кӱнінде городтың Чиңіс паркында «Чаа палаларына» хумартхы тас пайрамни азылған. Ол тусха Саяногорскта чуртапчатхан 2200 азыра чаа палазы саналған[9].

Хумартхы тасты пайрамни асхан чӧрімде Хакасияның пазы, республиканың Ӧӧркі Чӧбінің кнезі, Саяногорск городтың пазы, ветераннарның паза халых пірігістерінің кізілері араласханнар. «Визит» культура ӧргезінің артисттері ойын кӧзіткеннер. Чааҷылар формазын кис салған артисттер нааҷылалған ЗИС-5  (орыс) (рус. чаа автомобильінің кузовынаң ада чир-сууна чарыдылған сарыннарны толдырғаннар.

Мероприятиелер

Хумартхы тастың хыринда чыл сай чаа паза ада чир-сууна чарыдылған чӧрімнер иртірілчелер. Оларның ӧӧн пӧгіні — чонны хазнаның тархынына тартары полча.

Алған орын

  1. ↑ Память войны 1941-1945: мемориалы, памятники, обелиски Хакасии. nbdrx.ru. Дата обращения: 30 От айы 2025.
  2. ↑ В Саяногорске открыли мемориал в честь детей войны. Дата обращения: 30 От айы 2025.
  3. ↑ 1 2 Сегодня в Саяногорске торжественно открыт памятник детям войны. Верховный Совет Республики Хакасия. Дата обращения: 30 От айы 2025.
  4. ↑ В Саяногорске продолжают собирать средства на памятник «Детям войны». Хакасия (31 Кӱрген айы 2019). Дата обращения: 30 От айы 2025.
  5. ↑ В Саяногорске собираются воздвигнуть памятник «Детям войны». Репаблик. Дата обращения: 30 От айы 2025.
  6. ↑ Анастасия Пачина. Памятник "Детям войны" открыли в Саяногорске. Хакасия (24 Хандых айы 2020). Дата обращения: 30 От айы 2025.
  7. ↑ Александр Рыков. Валентин Коновалов и «Дети войны»: законом не помог, но ленточку разрезал - Пульс Хакасии, Пульс Хакасии (25 Хандых айы 2020). Дата обращения: 4 От айы 2024.
  8. ↑ В Хакасии торжественно открыли новый памятник, посвящённый детям войны. МК Хакасия (25 Хандых айы 2020). Дата обращения: 30 От айы 2025.
  9. ↑ Маленькие герои большой войны. Хакасия (26 Хандых айы 2020). Дата обращения: 30 От айы 2025.
Алған орны - https://kjh.ruwiki.ru/w/index.php?title=Чаа_палаларына_хумартхы_тас_(Саяногорск)&oldid=147209