Соох апсах

Рувики тiп сайттаң
Presidential-library-icon.svg

Тузаланылған материаллар

Б. Н. Ельциннің адынаң Президент библиотеказынаң алылғаннар

Пу статьяда Б. Н. Ельциннің адынаң Президент библиотеказының чыындызының
материаллары тузаланылча
Соох апсах
Ded Moroz.jpg
Мифология іскеркі славяннарның город фольклоры
Аттың тузызы хысхы матыры
Ат пасха тіллерде
Пол ир кізі
Палалар Хар хызыҷах[1][2]
Палғалыстығ матырлар пархазы Хар хызыҷах, преемнигі Наа чыл оолағас
Палғалыстығ оңнағлар наа чыл сыбызы, сыйыхтар
Палғалыстығ киректер Наа чыл
Атрибуттар тайах, тон, мелейлер, киис ӧдіктер, сағал, хап
Пасха культураларда кӧр. Санта-Клаус паза Соох апсахха тӧӧй матырлар
Логотип РУВИКИ.Медиа Медиафайлы на РУВИКИ.Медиа

Соох апсах (орыс. Дед мороз) — Наа чыл орыс ӱлӱкӱннің нымағындағы ӧӧн матыр, Кӧлеедеде сыйыхтар читірчеткен матырның орыс версиязы[3].

Славяннарның нымахтарының паза мӱчел кибірлерінің матыры Соохха[4][5] паза Кидеркі Европадағы Кӧлееде матырларына (Санта-Клаус паза пасх.)[4] тӧстенче. Ол ах-арығ Николай Чудотворецтің омазына тӧӧй[6]. Соох апсахты 1840 чылдаң сығара ідӧк Мороз Иванович чіли пілчелер[3]. Наа чылның ӧӧн матыры совет тузында 1930 чылларның соонзар пол килген. Андада нинҷе-де чыл чарадылбаан соонда, наа чылы сыбызы хатап айландырылған[7].

Соох апсах аймах ӧңніг (кӧгілбей, тигір кӧк, хызыл алай ах) тоннығ, узун ах сағаллығ, холында тайахтығ, киис ӧдіктіг кӧзіділче. Ол ӱс хосталған атнаң чӧредір. Анынаң хада удаа Хар хызыҷах, совет тузында Наа чыл оолағазы хада полҷаңнар. Соох апсахнаң хада арығдағы аң-хустар чӧредірлер.

Славяннарның пазылбин пӱткен чайаачызы паза кибірлері

Алғыда кӧр. Соох (мифология)
«Дед Мороз», В. М. Васнецов, 1885

XVIII—XIX чӱс чылларда Соох апсах аттығ матырны алай соох худын орыс кресеннер пілбееннер. Ол язычество худайы полчатханы версия соонаң килген[6].

Соохты чир-чайаанның чардығы чіли оңарчатханы іскеркі славяннарның «соохты» ӱлӱкӱн стол кистіне хығырчатхан кибірінде (кутьяға, кисельге) таныхталча. Ол кибір Славяннар кибіріндегі Хызыл нымырха  (орыс) (рус. комплекзіне кірче. Хырадағы асты паза ӱӱчіктегі ас-тамахты тоортпас ӱчӱн, Соохты кибірліг ас-тамахнаң хайди даа азырирға киректелген. Кибір хоостыра, пайрамнығ столға ағалар  (орыс) (рус., сӧбіренің чахсы чуртазы ӱчӱн нандырчатхан ӱреен ӧбекелер, хығыртылҷаңнар. Андағ ӧбекеге ас-тамах читірҷеңңер паза аны пан Соох алай Соох Васильевич адаҷаңңар[5]. Ас-тамаан артызып, чахсы ас-тамах сығарын сағыҷаңнар[8].

Соох прай славян кибірлерінде кӧзіділген, ӧӧнінде аны сӧспек-сиспектерде табарға чарир[4]. Іскеркі славяннарның нымахтағы Соох — матыр, тимір узы, суғны «тимір» соохтарынаң тытча.

Тоғырхы кӧзідімнерде Соох прай славян кибірлерінде кӧзіділік, ӧӧнінде — сӧспек-сиспектерде[4]. Іскеркі славяннарның нымахтағы Соох матыр — алып, тимір узы, сооғынаң суғны тоортча. Чағын кӧрістер тимір устарнаң палғалыстығ чех паза серб-хорват кибірлерінде таныхталчалар. Орыс нымағында Кӱннең паза Чилнең хада парчатхан паза позына тоғас парған иренні тоңдыр саларға итчеткен нымахтағы Соох (Трескун, Студенец) пус ибде чуртапчатхан, нымахтағы полысчының тоғызын толдырчатхан, позынзар килген кізіні сыйыхтапчатханға тӧӧй поларға айабас[4].

А. Н. Афанасьевтің чарыхха сыххан нымахтарында 1856 чылда Морозко кӧзіділче. Ол — хысхының худы, хысхы арығда тоғас парған ікі хысха чахығлар пирче[6].

Соох пӧзік (алай уғаа чабыс) сыннығ, узун ах сағаллығ апсах полчатханы, алтынзарыхтаң киліп, чазыларны ибіріп, тайағынаң тазылама соохтар хығырчатханы соондағы этнография паза фольклор искіріглерінде киречілелбинче[5].

Омазының пӱткені

Революция алнындағы ах-арығ Николай Чудотворец омалығ рождество открытказы

С. Б. Адоньева позының істезіг тоғызында[7] Соох апсахнаң пархаҷаа Хар хызыҷахнаң наа чыл ӱлӱкӱнінің ӧӧн матырлары полчатханы совет тузында, 1930 чылларның соонзар, кирілгенін таныхтапча. Андада нинҷе-де чыл пазынаң чарадылбаан соонда, пайрам сыбызы айландырылған. Е. В. Душечкина пу кӧріснең чаразып,[3], оманың пурунғы тархынын таныхтапча.

Соох апсах литературазар А. Н. Афанасьев тимнеен нымахтар чыындызынаң (1856) ирте арах кірген[6]. В. Ф. Одоевскийнің «Сказки дедушки Иринея» (1840) чыындызына «Мороз Иванович» нымах кирілген[9], анда пастағызын на фольклордағы паза кибірлердегі Соохтың омазы литература оңнағларынаң чарыдылған[3][10]. Одоевскийнің омазы таныс наа чыл матырына ам даа тӧӧй нимес. Мӱчел хоостыра, ол часхынаң палғалыстығ. Соох Иванович соох хазнада чуртапча, андар хутухча кірчелер. Соох Ивановичсер палалар постары килчелер. Сыйыхтар итпинче, че часхы тоғыс ӱчӱн сыйыхтапча. Аннаңар алғыда алынҷа киндеде кӧзітче. Е. В. Душечкина[3] пасча:

… матырның омазы таныс: «нымзах чӱректіг Соох Иванович» — «хып-хыр пастығ» апсах, «пазын чайхабыссох — састарынаң хыро тӱсче»; пус ибде чуртапча, нымзах хар орғанда чатча. Ус холлығ хысты чахсы тоғызы ӱчӱн «пір оос пис кӱмӱс ахчанаң» сыйлапча, че Арғаас хысты тоортпинча хысты (нымахтағы Морозко инейнің хызын чіли), че кӱмӱс орнына пус пиріп ӱгретче… Одоевскийнің педагогика нымағында кибірліг Соох паза нымахтағы Морозко нымзах чӱректіглер, че сынға ӱгретчеткен воспитательлер паза кӧстегҷілер.

Соохтың орыс чонның омазы Н. А. Некрасовтың  (орыс) (рус. «Мороз Красный Нос» (1863) поэмазында кӧзіділче[4][6]. Кресен Дарьяның ирі ӱреп парча. Хысхы чағдап килгенде, Дарья, палаларын арачылап алар ӱчӱн, одың соонҷа арығзар парча. Анда соохха тооп парча. Аның воевода Соохтаң тоғасчатханы кӧзіділген. Соохтың омазы «Морозко» нымахтаң алылған. Некрасовтың сооғы ідӧк ағастарҷа чӧріп, матырны сурып, сынапча: «Чылығ ба сағаа, чиит хыс?»[6]

Ӱр тус Соох Иванович паза Наа чылның сыбызы палғалыстығ полбааннар. Оларның омалары XIX чӱс чылның ікінҷі чардығында піріккеннер, андада Россияның городтарында кидеркі хазналардағы Николай Угодник чіли орыс палаларға сыйыхтар сыйлапчатхан «кӧлееде апсағын» тӧстеп кӧргеннер. II Александрның тузында «старый Рупрехт  (орыс) (рус.» (1861), ах-арығ Николай Чудотворец алай «Николай аға» (1870) адалчалар, ол кибірлер кирілбееннер. Олох туста ах-арығ Николайның чон омазы соонаң Соох апсахтың омазынаң палғалыс парғанох[11]. 1886 чылда пастағызын на «Морозко» таныхталча. 1880 чылларда олғаннарны сыйлапчатхан Соох апсахтың омазы уламох пиктелче[12]. XX чӱс чылның пастағы чылларында Соох апсахтың таныс омазы чайалча. Андадох Валерий Карриктің хоостығ тілбестіглері хоостыра Морозкодаңар нымахтаңар англия тілліг хығырығҷылар піліп алчалар. Тілбестегде Морозко «Король Мороз» полча (англ. King Frost)[13]. 1914 чылда Сергей Есенин «Сиротка» кибелізінде Соох апсахты кӧзітче, анзы ӧкіс хысха жемчуг сыйлапча. 1910 чылларда Соох апсах позы наа чыл сыбыларында аралас сыхча.

Соох апсахтың наа омазы совет кинематографы хоостыра пиктелген[14].

  • Киртіністең тоғыр совет пропагандазы, 1928

    Киртіністең тоғыр совет пропагандазы, 1928

  • Соох апсахтың совет фигуразы 1960 чыллар

    Соох апсахтың совет фигуразы 1960 чыллар

Совет тузында Соох апсахнаң хада пірееде Хар хызыҷахнаң паза аң-хустарнаң пасха Наа чыл оолағас чӧрҷең. Ол хызыл тоннығ паза пӧріктіг полҷаң (кип-азааның пірее чардығында наа чыл кӧзіділҷең). Оолағас 1950 чыллар соондағы — 1980 чылларның ортызындағы открыткаларда удаа кӧзіділҷең. Мультфильмнернің пірсінде ол Соох апсахның самолётта учухчатхан пархазы чіли кӧзіділген. Амғы туста ол матыр ундудыл таа парған.

Амғы Россияда

Велик Устюгтағы Соох апсахтың ибі

Россияда Соох апсахнаң палғалыстығ нинҷе-де алынҷа проект пар. Соох апсахтың пастағы тӧреен чирі Архангельск полча. Ол ВЛКСМ обкомының пастаанаң пол килген. Андада, 1980 чылларда, аны Архангельсктегі талай садығ портының, Севмашзавод паза пасха улуғ предприятиелер устағҷылары чаратханнар. 1991 чылларда «Соох апсахтың ибі» ЗАО-зы паза «Соох апсахтың почтазы» ТОО-зы тӧстелгеннер паза товар танығлары пічікке кирілгеннер[15]. 1995 чылда Кольскай чарым олтырыхтағы Лапландия заповеднигінің устағ-пастаа «Нымахтағы Лапландия — Соох апсахтың чирлері» проектті чуртасха кирген. Аның хоостыра, Соох апсахтың резиденциязы Чунозерскай усадьбада орныххан[16]. Москваның мэрі полған Юрий Лужковтың пастаанаң Вологда облазында 1998 чылдаң сығара «Великий Устюг — Соох апсахтың тӧреен чирі» тіп хазна туризм проекті тоғынча[17]. Ол проект хоостыра, 2005 чылдаң сығара «пічікке кирілген» Соох апсахтың тӧреен кӱні кічіг хырлас айының 18-ҷі кӱнінде таныхталча[18]. Пу кӱнде Великий Устюгта пастағы тазылама соохтар килчелер, аннанар ол кӱн тӧреен кӱніне табылған[18].

1999 чылның улуғ хырлас айының 25-ҷі кӱнінде Великий Устюгта «Соох апсахтың ибі» пайрамни азылған. Городсар Москвадаң, Санкт-Петербургтаң, Вологдадаң, пасха даа городтардағы туристтер поездтері парчалар. Вологда облазының губернаторы полған В. В. Позгалёвтың чооғынаң, пастағы ӱс чыл аразына (1999—2002) Великий Устюгсар килген туристтер саны 2 муңнаң 32 муңа теере ӧс парған. Соох апсахха пічік проект пасталғанынаң сығара аймах хазналардағы олғаннардаң миллион азыра пічік килген. Город тоғыс чохтарның саны хызырылған[19].

2011 чылның улуғ хырлас айы соонзар Мурманскта нымахтағы резиденция пол килген. Соох апсахтың Лапландиядағы туразы «Огни Мурманска» парк чирінде пӱдірілген[20].

2021 чылдаң сығара «РЖД» ОАО-наң  (орыс) (рус. хада-пірге «Соох апсах поезді» проект тоғынча, поезд чыл сай Россияның онарлап городында чорыхтаң пол парыбысча[21][22]. 2025 чылда «Соох апсахтың тематика паркы» тіп алынҷа экономика зоназын тӧстирінеңер чарлалған[23]

Совет паза Россия кинематографы

Хоос фильмнер
  • «Морозко» (1965) — Морозконы Александр Хвыля толдырча;
  • «Снегурочка» (1968) — Пётр Никашин;
  • «Зигзаг удачи» (1968) — Евгений Леонов толдырча;
  • «Новогодние приключения Маши и Вити» (1975) — Соох апсахты Игорь Ефимов толдырча;
  • «Чародеи» (1982) — Валерий Золотухин толдырча;
  • «Снегурочку вызывали?» (1985) — Владимир Меньшов толдырча;
  • «Ирония судьбы. Продолжение» (2007) — Михаил Ефремов;
  • «Срочно требуется Дед Мороз» (2007) — Леонид Неведомский;
  • «Дедушка в подарок» (2008) — Александр Михайлов;
  • «Страна ОЗ» (2015) — Юлия Незлученко;
  • «Дед Мороз. Битва магов» (2016) — Фёдор Бондарчук.
  • «SOS, Дед Мороз, или Всё сбудется!» (2015) — Россияның кинофильмі, сценарийні пасхан Андрей Курейчик.
  • «Секретарь Деда Мороза» (2023) — режиссёр паза актёр Денис Баженовтың пастағы толдыра фильмі.
Мультфильмнер
  • «Новогодняя ночь» (1948)
  • «Когда зажигаются ёлки» (1950)
  • «Снеговик-почтовик» (1955)
  • «Новогоднее путешествие» (1959)
  • «Дед Мороз и лето» (1969)
  • «В лесу родилась ёлочка» (1972)
  • «Ну, погоди!», наа чыл выпускы (1974)
  • «Дед Мороз и серый волк» (1978)
  • «Новогодняя песенка Деда Мороза» (1983)
  • «Маша и Медведь» (мультсериал, с 2009) — «Раз, два, три! Ёлочка, гори!» серияда
  • «Белка и Стрелка. Озорная семейка» (мультсериал, 2012) — 1-ғы сезон 3-ҷі выпуск 6 -ҷы серия «Настоящий Дед Мороз»
  • «Смешарики» — «Операция „Дед Мороз“» серияда.
  • «Три богатыря и принцесса Египта» (2017)

Примечания

  1. ↑ Островский А. Н. Снегурочка (рус.): Весенняя сказка в четырёх действиях с прологом // Снѣгурочка: журнал историко-политических наук / под ред. М. М. Стасюлевич, Д. Н. Овсянико-Куликовский — СПб.: Михаил Матвеевич Стасюлевич, Овсянико-Куликовский, Дмитрий Николаевич, 1873.
  2. ↑ Снегурочка (рус.) — 1850.
  3. ↑ 1 2 3 4 5 Душечкина, 2001.
  4. ↑ 1 2 3 4 5 6 Иванов, Топоров, 1988.
  5. ↑ 1 2 3 Виноградова, 2004, с. 302—303.
  6. ↑ 1 2 3 4 5 6 Архипова, 2021.
  7. ↑ 1 2 Адоньева 1999
  8. ↑ Левкиевская Е. Е. Представления о «том свете» у восточных славян // Славянский альманах. — 2004.
  9. ↑ Одоевский В. Ф. Мороз Иванович // Сказки дедушки Иринея.
  10. ↑ Шигарова, Юлия. Мороз или Санта? // Аргументы и факты — СтоЛичность. — 2013. — № 19 (49) за 18 декабря. — С. 4.  (Дата обращения: 9 Кӱрген айы 2016)
  11. ↑ Голодяев И. К. Никольские церкви города Ново-Николаевска (Новосибирска) // Баландинские чтения. — 2017. — Т. XII. — С. 173—178.
  12. ↑ Душечкина Е. В. Русская ёлка. История, мифология, литература. — Москва, 2024.
  13. ↑ Carrick V. King Frost // More Russian picture tales. — 1914.
  14. ↑ Лесков С. Дед Мороз и клаустрофобия. // Известия науки (28 Улуғ хырлас айы 2006). Дата обращения: 1 Улуғ хырлас айы 2011. Архивировано 30 Кӱрген айы 2009 года.
  15. ↑ Алексей Титков. Экономическая география Деда Мороза («Российский региональный бюллетень». livejournal.com (13 Кӱрген айы 2003). Дата обращения: 31 Чарыс айы 2025.
  16. ↑ «В России появилась ещё одна родина Деда Мороза». Дата обращения: 31 Чарыс айы 2025.
  17. ↑ Великий Устюг — родина Деда Мороза. Правительство Вологодской области. Архивировано 15 Хосхар айы 2016 года.
  18. ↑ 1 2 Черемушкина И. Российский Дед Мороз отпразднует день рождения 18 ноября. РИА Новости (17 Кічіг хырлас айы 2009). Архивировано 31 Чарыс айы 2025 года.
  19. ↑ 17 ноября вологжане отметят в Петербурге день рождения Деда Мороза. Аргументы и факты — Северо-Запад (16 Кічіг хырлас айы 2011). Дата обращения: 31 Чарыс айы 2025.
  20. ↑ Новости ТВ-21. Дата обращения: 31 Чарыс айы 2025. Архивировано 7 Кӱрген айы 2014 года.
  21. ↑ Иван Некрасов. Праздник на рельсах: поезд Деда Мороза возвращается на маршруты России. URA.RU (8 Кічіг хырлас айы 2025). Дата обращения: 7 Улуғ хырлас айы 2025.
  22. ↑ Поезд Деда Мороза посетит Петербург в январе 2026 года. Piter.TV (9 Кічіг хырлас айы 2025). Дата обращения: 7 Улуғ хырлас айы 2025.
  23. ↑ В Великом Устюге создадут особую экономическую зону «Тематический парк Деда Мороза». Объясняем.РФ (6 Азығ айы 2025). Дата обращения: 7 Улуғ хырлас айы 2025.

Литература

  • Мороз / В. В. Иванов, В. H. Топоров // Мифы народов мира : Энцикл. в 2 т. / гл. ред. С. А. Токарев. — 2-е изд. — М. : Советская энциклопедия, 1988. — Т. 2 : К—Я. — С. 176.
  • Мороз / Л. Н. Виноградова // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2004. — Т. 3: К (Круг) — П (Перепёлка). — С. 302—303. — ISBN 5-7133-1207-0.
  • Адоньева С. Б. История современной новогодней традиции // Мифология и повседневность : сборник. — СПб.: ИРЛИ РАН, 1999. — Вып. 2. — С. 372.
  • Logo-bie.svg Божерянов, И. Н. Как праздновал и празднует народ русский Рождество Христово, Новый год, Крещение и Масленицу: исторический очерк И. Н. Божерянова. — Санкт-Петербург : издание М. Ледерле и К°, 1894 (обл. 1895).
  • Георгий Бородин. Образ Деда Мороза в российской анимации

. animator.ru (окт. 2001 - окт. 2007). Дата обращения: 31 Чарыс айы 2025. Архивировано 23 Ӱртӱн айы 2015 года.

Ссылкалар

  • Архипова Александра. 12 вопросов о Деде Морозе

. Arzamas (2021). Дата обращения: 31 Чарыс айы 2025.

Алған орны - https://kjh.ruwiki.ru/w/index.php?title=Соох_апсах&oldid=153850