Соох апсах поезді
| литер № «Соох апсах поезді» | |
|---|---|
 | |
| Ӧӧн танығлар | |
| Категория | Фирма |
| Компания | РЖД |
| Маршрут | Сибирь, Ыраххы Восток, Урал, Россияның Алтынзархы паза Европа чардығы |
| Тохтағ орыннар саны | 70 |
| Иң улуғ городтар | Комсомольск-на-Амуре, Южно-Сахалинск, Хабаровск, Владивосток, Улан-Удэ, Иркутск, Красноярск, Омск, Челябинск, Магнитогорск, Уфа, Нижний Новгород, Екатеринбург, Москва, Санкт-Петербург, Петрозаводск, Мурманск |
| Узуны | 20000 азыра км |
| Удаа тузаланылғаны | Чыл сай |
| Техническай танығлар | |
Соох апсах поезді (орыс. Поезд Деда Мороза) — Россиядағы тимір чоллар компаниязының ӱлӱкӱнге чазалған ӧнетін тимір чол составы. Ол «Соох апсахтың кӧс чӧрчеткен резиденциязы» тиксі Россияҷа чорыхтаң пол парыбысча. Поезд Соох апсахтың «тӧреен чирі» Вологда облазындағы Великий Устюгта тимнелче. Наа чылны таныхтир пӧгіннең Россияның 130 городынҷа чарыс айынаң сығара кӱрген айына теере чӧрче.
Поездте, «кӧс чӧрчеткен резиденциядаң» пасха, интерактивнай зоналығ вагоннар, «Нымах аалы», ойыннар паза наа чыл квесттерін иртірҷең вагоннар, сувенирліг вагон, алтынзарыхтағы ас-тамахтығ вагон, сомнар купезі, тоғынчатхан кізілер вагоннары парлар[1][2][3][4][5].
Тархын
Соох апсахтың поезді Наа чылны Россияның городтарында паза ыраххы регионнарында таныхтир пӧгіннең пастағызын на Великий Устюгтаң 2021 чылда чорыхха сыххан. Аның чолы «Соох апсахтың чуртапчатхан орнынзар» чит полбинчатхан чуртағҷыларзар салылған. Проект Россиядағы тимір чоллар паза Вологда облазының правительствозының пастаа полча[6][7]. Поездтің чайаачы кізілері аразында Великий Устюгта чурттығ Тиксі Россияның Соох апсағы, Костромадағы Хар хызыҷах, Аушка тётушка, Трескун апсах, гном, кроликтер, ала парыс, снеговик, шуршик нымах матырларын ойнапчатхан артисттер паза аниматорлар ӧмезі парлар. Тохтапчатхан полған на городта паза станцияда олар пайрамнығ программаны толдырчалар: ойыннар турғысчалар, теелбектер салчалар, алғыстастар читірчелер.
Соох апсахтың поездінде аалҷы поларға, станцияларда, вокзалларда, вокзал алнындағы ачыхтарда аның хайхастығ матырларын кӧріп аларға паза оларнаң хада ойнап аларға прайзына чарир. Ол тикке иділче. Поездте парып, пірее услугаларға паза сыйыхтар аларға билеттер киректер. Наа чыл чорығы кӱрген айында тоозыл парча, Соох апсахтың поезді Карелиязар читче. Анда Сортавала станцияның Морознай платформазында, пазағы хысхыдағы чорыхха сыхханҷа, кӧзідіг объекті пол парча[1][8].
Сезон 2025/2026
2025—2026 чыллардағы сезонда Соох апсахтың поездінің пизінҷі чорығы иртер. Пайрамнығ сезонда нымахтағы состав 22 вагоннығ полар, 2025 чылның кічіг хырлас айының 19-ҷы кӱнінде Владивостоктаң чорыхха сығар паза 2026 чылның кӱрген айының 11-ҷі кӱнінде Великий Устюгта чорығын тохтадар.
Чорых 54 кӱн иртер, ол тус аразына 20 муң азыра километр тобырар паза Россияның 70 городында пол парыбызар. Маршрутха Ыраххы Восток, Сибирь, Урал, Орыс Север паза хазнаның Европа чардығы кірер[9], Наа чылны ӧме Ивановода таныхтир[10].
2024/2025 сезон
2024—2025 сезонда Соох апсах поезді Россияҷа чорыхха Великий Устюгтаң кічіг хырлас айының 19-ҷы кӱнінде сыххан. Пастағы тохтағ станциязы Тайшет полған[11][12]. Кічіг хырлас айының 27-ҷі кӱнінде состав Комсомольск-на-Амуре городсар читкен[13]. 54 кӱн аразына 60 азыра город-посёлокта пол парыбысхан, поезд 30 муңҷа километр тобырған. Аның чолы Байкал-Амур магистральынҷа, Ыраххы Восток, Сибирь, Урал, Россияның Европа чардығы городтарыңҷа салылған[14]. Проекттің тархынында пастағызын на поезд Сахалин олтырыхта тохтаан[15].
Тиксі Россиядағы Соох апсах чорығынаңар чоохтап пирген[11]:
Мин тӧртінҷі хати хайхастығ поездтіг хазнаҷа чорыхха сыхчам. 60 азыра городта пол парыбызарбын, Сахалин олтырыхсар даа чидербін, кӱрген айының пастағы кӱннерінде ибімзер, Великий Устюгсар, айланарбын.
2023/2024 сезон
2023—2024 сезонда Соох апсах поезді Великий Устюгтаң кічіг хырлас айының 11-ҷі кӱнінде сыххан, улуғ хырлас айының 27-ҷі кӱнінде Москвада читкен. 64 кӱн аразына Россияның 80 азыра городын ирткен, 32 азыра муң километр тобырған. 2024 чылның кӱрген айының 13-ҷі кӱнінде Великий Устюгсар айланған.
2022—2023 сезон
2022—2023 сезонда Соох апсах поезді ӱс айлығ чорыхха чарыс айының 23-ҷі кӱнінде сыххан. Ол Великий Устюгтаң Владивостокха паза Россияның тимір чолларының иң тастыхти орныхчатхан орнына — Находкадағы Тихоокеанская станцияа — читкен. Чолның ікі саринзар тиксі узуны 33 муң километрге читкен. Поезд чолы БАМ паза Транссиб городтарынҷа, Россияның Европа чардығынҷа, Сочиҷе, Санкт-Петербургча паза Москваҷа салылған; 200 тохтағ орны кӧріл парған[8][16].
2021/2022 сезон
2021—2022 сезонда Соох апсах поезді 15 муң азыра километр иртібіскен, 36 городта пол парыбысхан. Станциялардағы паза вокзаллардағы наа чыл чӧрімнерінде 200 муңҷа кізі араласхан. Оларның аразында 10 муңҷа кізі поездте чӧрген.
Пайрам программазы
Городтарда тохтапчатхан туста пайрам араласчыларына ӱлӱкӱн программазы иртірілче, ол тикке паза ахча тӧлеҷең чардыхтарнаң пӱтче. Билеттер поезд турчатхан туста ӱтертчең программаларда аралазар ӱчӱн садылча[17].
Тикке чардыхта полғаны ла аралазар оңдайлығ, андар поезд алнындағы сценада иртчеткен анимация программазы, ідӧк Соох апсахтың изеннескені, ідӧк сувенирлер вагонынзар паза ресторан-вагонзар теесче иртері кірче.
Ахча тӧлеҷең программалар ікі час артиинаң турчатхан городтарда иртірілчелер. Андар кӧс чӧрчеткен резиденцияда ааллиры (пір сеанста 15 кізі аралазар оңдайлығ, ол санда олғаннарнаң улуғлар), «Нымах аалы» вагондағы квест, Соох апсахнаң паза Хар хызыҷахнаң тоғазығ, чей ізері паза сыйыхтар алары кірче. Алынҷа 45 пағатча иртчеткен кӧклӧлер театры вагонындағы ойынға билет алып аларға чарир. Вагонзар 26 кӧрігҷі кірче[18].
Соох апсах поездінің ӱтертчең программазы
Тохтағ тузы хоостыра ӱтертчең программа ікі кӧрімге чарылча:
Олаңай программа (3 азыра сағат):
- Соох апсахтың резиденциязында аалиры — араласчылар аниматорларның ӧмезінең хада квестті иртчелер, Великий Устюгтаң килген Соох апсахнаң тоғасчалар, Соох апсахтың тадылығ сыйиин алчалар, вагон-ресторанда чей ісчелер, нанҷыларға паза туған-чағыннарға открыткалар ысчалар.
- Кӧклӧлер театры вагонында 45 пағат хайхастығ кӧзідіг-ойын иртче. Анда Соох апсахтың поездінің кӧклӧлер матырлары араласчалар. Билет паазына ойын, Соох апсахтаң тадылығ сыйии паза аның видео пастыра сыйыхтазы кірчелер.
- Билетті аларға маңнанмаан улусха лавка-вагонда паза ресторан-вагонда теес хоостыра пол парыбызарға чарир. Поезд читкен соонда, Соох апсах, резиденциязынаң сығып, аалҷыларны удурлапча, чорыхха сығар алнында оларнаң анымҷохтасча.
Хысхаҷах программа (2 сағатха теере):
- Поездтің сценазындағы ойынны тикке кӧріп аларға чарир. Кӧклӧлер театрының ойынын резиденцияда кӧрер ӱчӱн, билеттер аларға киректелче.
Соох апсахтың поездіне билеттар паазы
Ахча тӧлеҷең программаларға билеттер РЖД ОАО сайтында паза кассаларда кибірли, поезд килгенҷе, 30 хоных алнынҷа садыл сыхча. Льготалар паза Пушкин картазы тоғынминча.
2025—2026 чылларда мындағ билеттер парлар:
- «Олған» (6 частаң 12 часха теере палаа, улуғлар чох) — 2950 салковай.
- «Олған паза улуғ кізі» (3—5 частығ палаа паза хада кірчеткен 13 частаң улуғ кізее) — 3450 рублей.
«Соох апсахтың кӧс чӧрчеткен резиденциязы» билет паазына кірче:'
- Поездтегі анимация программазы паза квест;
- Соох апсахнаң паза Хар хызыҷахнаң тоғазығ;
- Буфет-вагонда чей ізері;
- Соох апсахтаң тадылығ сыйых паза открытка алары.
«Кӧклӧлер театры»:
- 4 пағат иртчеткен ойын паза тадылығ сыйых.
Билет паазы — 2950 салковайдағ пасти. Аның программазында Соох апсахнаң тоғазығ кӧрілбеен[10].
Маршрут 2025
| № | Кӱн | Город |
|---|---|---|
| 1 | 19.11.2025 | Владивосток |
| 2 | 20.11.2025 | Уссурийск |
| 3 | 20.11.2025 | Ружино |
| 4 | 20.11.2025 | Дальнереченск |
| 5 | 21.11.2025 | Хабаровск |
| 6 | 22.11.2025 | Комсомольск-на-Амуре |
| 7 | 23.11.2025 | Постышево |
| 8 | 23.11.2025 | Наа Ургал |
| 9 | 24.11.2025 | Известковая |
| 10 | 24.11.2025 | Архара |
| 11 | 24.11.2025 | Бурея |
| 12 | 24.11.2025 | Завитая |
| 13 | 25.11.2025 | Благовещенск |
| 14 | 26.11.2025 | Белогорск |
| 15 | 27.11.2025 | Шимановская |
| 16 | 27.11.2025 | Магдагачи |
| 17 | 27.11.2025 | Сковородино |
| 18 | 28.11.2025 | Могоча |
| 19 | 28.11.2025 | Чернышевск |
| 20 | 29.11.2025 | Чита |
| 21 | 30.11.2025 | Петровский завод |
| 22 | 30.11.2025 | Улан-Удэ |
| 23 | 01.12.2025 | Слюдянка |
| 24 | 02.12.2025 | Иркутск |
| 25 | 03.12.2025 | Залари |
| 26 | 03.12.2025 | Нижнеудинск |
| 27 | 04.12.2025 | Канск-Енисейский |
| 28 | 05.12.2025 | Хызылчар |
| 29 | 06.12.2025 | Ачинск |
| 30 | 07.12.2025 | Кемерово |
| 31 | 08.12.2025 | Барнаул |
| 32 | 09.12.2025 | Кулунда |
| 33 | 09.12.2025 | Славгород |
| 34 | 09.12.2025 | Карасук |
| 35 | 10.12.2025 | Омск |
| 36 | 10.12.2025 | Ишим |
| 37 | 11.12.2025 | Тюмень |
| 38 | 12.12.2025 | Екатеринбург |
| 39 | 13.12.2025 | Челябинск |
| 40 | 14.12.2025 | Уфа |
| 41 | 15.12.2025 | Стерлитамак |
| 42 | 16.12.2025 | Оренбург |
| 43 | 17.12.2025 | Тольятти |
| 44 | 18.12.2025 | Тамбов |
| 45 | 19.12.2025 | Пенза |
| 46 | 20.12.2025 | Саранск |
| 47 | 21.12.2025 | Ульяновск |
| 48 | 22.12.2025 | Казань |
| 49 | 23.12.2025 | Йошкар-Ола |
| 50 | 24.12.2025 | Ижевск |
| 51 | 25.12.2025 | Пермь |
| 52 | 26.12.2025 | Киров |
| 53 | 27.12.2025 | Нижний Новгород |
| 54 | 27.12.2026 | Дзержинск |
| 55 | 28.12.2025 | Ковров |
| 56 | 29.12.2025 | Нерехта |
| 57 | 29.12.2025 | Кострома |
| 58 | 30.12.2025 | Ярославль |
| 59 | 31.12.2025 | Иваново |
| 60 | 02/03.01.2026 | Москва |
| 61 | 04.01.2026 | Великие Луки |
| 62 | 04.01.2026 | Дно |
| 63 | 05.01.2026 | Великий Новгород |
| 64 | 05.01.2026 | Чудово |
| 65 | 06/07.01.2026 | Санкт-Петербург (Наа Петергоф) |
| 66 | 08.01.2026 | Петрозаводск |
| 67 | 09.01.2026 | Мурманск |
| 68 | 10.01.2026 | Вологда |
| 69 | 11.01.2026 | Котлас Южный |
| 70 | 11.01.2026 | Великий Устюг |
Поезд составы
Вагоннар
РЖД чыл сай вагоннарны тимнепче: олар ӧнетін тимнег иртчелер паза чазалчалар. Істінең чазап, тиріглер турғысча Москвадағы «Циркон Сервис» наука-производство предприятиезі.
Составха прай 19-22 вагон кірче. Поездке мындағ ӧнетін вагоннар кірчелер[19][17]:
- Соох апсахтың аалҷыларны удурлаҷаң салоны;
- ойыннар паза квесттер иртірҷең «Нымах аалы» вагон;
- сцена-вагон;
- кӧклӧлер театр-вагоны;
- «Хар Королевазы» вагон (2025—2026 чыллардағы сезонға пол килген);
- сувенирлер сатчаң лавка-вагон паза сомнар купезі;
- алтызархы чирлернің ас-тамааның ресторан-вагоннары паза буфет-вагоны;
- техническай паза тоғынҷыларның узуҷаң вагоннары.
Состав полған на сай нааҷылалча: 2022 чылдағы сезонға вагоннарның чардығы наа оңдайларға айландырылған.
Локомотивтер
Поездтің локомотивтері аймах-пасхалар (паровозтар, тепловозтар паза электровозтар), олар аймах тимір чолларни полчалар. Удаа состав пазында ретро-паровоз турғызылча[20].
Проекттің ӧӧн локомотиві 2-4-2 ось формулалығ П-36 паровоз полча[21] — ол СССР-да 1950—1956 чылларда Коломна заводында сығарылған халғанҷы серия пассажир паровозы[22][23]. Ідӧк состав алнында пасха тузаланылча — 1956 чылдағы ЛВ0123 1956[20].
Статус паза ээзі
"Соох апсах поезді"РЖД ОАО-ның проекті полча. Тиксі Россиядағы турист проекті полча, аның вагоннары пір ле тимір чолни полбазалар даа, олар Великий Устюгта Алтынзархы тимір чолның чирінде пірікчелер[24]. Аны тимнепче паза тоғындырча РДЖ-ның дирекциязының аймах пӧліктері.
Техника сурығлары чорых тузында аймах локомотив деполарында пӧгілчелер[25][26].
Службазы хоостыра ол ӧнетін кӧстегліг турист поезді полча.
Тоғынҷылар
Чорых тузында поездте 100 азыра тимір чол тоғынҷызы істенче. Олар техниктер, тыхтағ тоғысчылары, машинисттер, поезд пастыхтары, проводниктер, устағ-пастағ кізілері, хадағҷылар, буфет паза ресторан тоғынҷылары, чарыхнаң тоғынчатхан кізілер паза пасхазы[1][8].
Хоза искіріг
2023 чылда Соох апсахтың поезді Россияның рекордтар киндезіне кірген. Ӱс ай аразына ол 33 686 км тобырған[27].
Тӧрт чыл аразында (2021—2025 чылларда) поезд Россияның 300 азыра городында пол парыбысхан, араласчылар саны ікі чыл аразына ла (2021—2023) 900 муң кізее читкен[28].
2022 чылның галереязы
Соох апсахтың поезді 2022 чылның улуғ хырлас айында
Соох апсахтың паза Хар хызыҷахтың кӧс чӧрчеткен резиденциязы
Соох апсахтың поезді чорых тузында. 2023 чыл
Поезд чолы дисплейде
Трескун апсах поезд вагонында
Соох апсахтың поездіндегі чей ісчең вагон
Айшка ууҷаның ибіҷегі поезд вагонында
Алған орын
- ↑ 1 2 3 Дед Мороз из Великого Устюга отправился в путешествие по стране. ТАСС (22 Чарыс айы 2022). Дата обращения: 9 Улуғ хырлас айы 2025.
- ↑ Поезд Деда Мороза отправится в рейс по 100 городам России. Известия (22 Чарыс айы 2022). Дата обращения: 9 Улуғ хырлас айы 2025.
- ↑ Поезд Деда Мороза из Великого Устюга отправился в турне по стране. Интерфакс (22 Чарыс айы 2022). Дата обращения: 9 Улуғ хырлас айы 2025.
- ↑ Из Великого Устюга стартует новогодний поезд. Российская газета (1 Улуғ хырлас айы 2021). Дата обращения: 9 Улуғ хырлас айы 2025.
- ↑ Дед Мороз отправился в большое путешествие по России на сказочном поезде. Первый канал (6 Улуғ хырлас айы 2022). Дата обращения: 9 Улуғ хырлас айы 2025.
- ↑ В РЖД раскрыли маршрут поезда Деда Мороза. URA.RU (22 Чарыс айы 2024). Дата обращения: 9 Улуғ хырлас айы 2025.
- ↑ Поезд Деда Мороза в 2025 году сделает остановку в Казани. БИЗНЕС Online. Дата обращения: 9 Улуғ хырлас айы 2025.
- ↑ 1 2 3 Поезд Деда Мороза отправился на Дальний Восток. Российская газета (5 Кічіг хырлас айы 2022). Дата обращения: 9 Улуғ хырлас айы 2025.
- ↑ Объявлен маршрут поезда Деда Мороза. Он проедет более 20 тыс. км, РБК Life. Дата обращения: 9 Улуғ хырлас айы 2025.
- ↑ 1 2 Поезд Деда Мороза. poezddedamoroza.ru. Дата обращения: 9 Улуғ хырлас айы 2025.
- ↑ 1 2 Поезд Деда Мороза отправится в путешествие по России 19 ноября, РБК Life. Дата обращения: 9 Улуғ хырлас айы 2025.
- ↑ Иванова, Т. Поезд Деда Мороза прибыл в Тайшет 19 ноября. Комсомольская правда (19 Кічіг хырлас айы 2024). Дата обращения: 9 Улуғ хырлас айы 2025.
- ↑ В Комсомольск-на-Амуре приехал поезд Деда Мороза. otr-online.ru (27 Кічіг хырлас айы 2024). Дата обращения: 9 Улуғ хырлас айы 2025.
- ↑ Поезд Деда Мороза сделает остановки на четырёх амурских станциях, Gzt-sv (11 Кічіг хырлас айы 2024). Дата обращения: 9 Улуғ хырлас айы 2025.
- ↑ «Поезд Деда Мороза» прибудет в Москву 3 января, Информационный Центр Правительства Москвы (21 Чарыс айы 2024). Дата обращения: 9 Улуғ хырлас айы 2025.
- ↑ Стало известно, когда в Петербург приедет волшебный поезд Деда Мороза. Фонтанка (5 Кічіг хырлас айы 2022). Дата обращения: 9 Улуғ хырлас айы 2025.
- ↑ 1 2 В Великом Устюге презентовали поезд Деда Мороза, TACC. Дата обращения: 15 Кічіг хырлас айы 2024.
- ↑ Поезд Деда Мороза в Новороссийске: расписание, билеты, программа. Наша газета: Новороссийск. Дата обращения: 9 Улуғ хырлас айы 2025.
- ↑ Стало известно, когда в Екатеринбург приедет поезд Деда Мороза. URA.RU. Дата обращения: 9 Улуғ хырлас айы 2025.
- ↑ 1 2 Поезд Деда Мороза. poezddedamoroza.ru. Дата обращения: 9 Улуғ хырлас айы 2025.
- ↑ Поезд Деда Мороза в 2025 году прибудет во Владивосток 19 ноября. URA.RU. Дата обращения: 9 Улуғ хырлас айы 2025.
- ↑ П36 — Список подвижного состава. RailGallery. Дата обращения: 9 Улуғ хырлас айы 2025.
- ↑ П36. history.rw.by. Дата обращения: 9 Улуғ хырлас айы 2025.
- ↑ Поезд Деда Мороза 2023. yartpp.ru. Дата обращения: 9 Улуғ хырлас айы 2025.
- ↑ Специалисты «ЛокоТех-Сервис» на Дальнем Востоке подготовили к рейсу паровоз для «Поезда Деда Мороза». ЛокоТех-Сервис. Дата обращения: 9 Улуғ хырлас айы 2025.
- ↑ Специалисты СЛД «Волхов» подготовили два тепловоза для «Поезда Деда Мороза». ЛокоТех-Сервис. Дата обращения: 9 Улуғ хырлас айы 2025.
- ↑ Поезд Деда Мороза вошел в Книгу рекордов России. Как он выглядит, РБК Life. Дата обращения: 11 Кічіг хырлас айы 2024.
- ↑ Поезд Деда Мороза. eventawardsrussia.com. Дата обращения: 9 Улуғ хырлас айы 2025.