Матросов, Александр Матвеевич

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар Матросов, Александр.
Александр Матвеевич Матросов
Alexander Matveyevich Matrosov.jpg
Тӧреен ады орыс. Александр Матвеевич Матросов
Тӧреен кӱні 5 азығ айы 1924({{padleft:1924|4|0}}-{{padleft:2|2|0}}-{{padleft:5|2|0}})[1]
Тӧреен чирi
Ӱреен чылы 27 азығ айы 1943({{padleft:1943|4|0}}-{{padleft:2|2|0}}-{{padleft:27|2|0}}) (19 лет)
Ӱреен чирi
Хазна  СССР
Войско кӧрімі Тоғысчы-кресеннернің Хызыл Армиязы[d]
Служба чыллары 1942—1943
Аарластығ ады хызыл армеец
Чаалазағлар/чаалар Илбек Адалығ чаа
Сыйыхтар паза премиялар
Совет Союзының Матыры
Ленин орденінең
Логотип РУВИКИ.Медиа Медиафайлы на РУВИКИ.Медиа

Александр Матвеевич Матросов (5 азығ айы 1924[1], Днепропетровск[d] — 27 азығ айы 1943, Чернушки[d], Тверь облазы[d]) — Совет Союзының Матыры (19 июньда 1943 чылда), хызыл армеец, Калинин фронтының генерал М. Н. Герасимовтың[ru]оперативнай группазының Сталиннің Сибирьдегі доброволецтернің 6-ҷы атығҷылар корпузының И. В. Сталиннің адынаң Сибирьдегі доброволецтернің 91-ҷі алынҷа атығҷылар бригадазының 2-ҷі алынҷа атығҷылар батальонының атығҷы-автоматчигі, ВЛКСМ кізізі. Немец ДЗОТ-ын кӧксінең чаап, взводының чааҷыларына ыырҷының атчатхан орнын чох идерге оңдай пирген. 19 частығда тыны ӱзіл парған. Аның махачы кирее газета-журналларда, литературада, кинода чарыдылған. Орыс тілінде пик палғалыстығ сӧс пірігізі пол парған («Александр Матросовтың махачызы», «Матросовтың махачызы»).

Чуртас чолы

[тӱзедерге | код тӱзедерге]

Пічік хоостыра, Александр Матросов 1924 чылның азығ айының 5-ҷі кӱнінде Украин ССР-ның Екатеринослав губерниязының Екатеринослав городында тӧреен[2].

1942 чылның ӱртӱн айының 30-ҷы кӱнінде Краснохолмскай пехота училищезінің 5-ҷі ротазында курсант полып ӱгрен сыххан. 1942 чылның кічіг хырлас айында комсомолға кірген. 1942 чылның улуғ хырлас айында училище курсанттарынаң хада Астраханьдағы (алай Астрахань облазындағы Харабали) чыылығ пунктына ызылған.

1943 чылның кӱрген айының 18-ҷі кӱнінде Чкалов облазының (амғы Оренбург облазы[ru]) Платовка станциязынаң училище курсанттарынаң хада Калинин фронты[ru] доброволец чіли парған. 1943 чылның азығ айының 12-ҷі кӱнінде Матросов частьха читкен, И. В. Сталиннің адынаң Сибирьдегі доброволецтернің 91-ҷі алынҷа атығҷылар бригадазының (соонаң Калинин фронтындағы 56-ҷы гвардияның атығҷылар дивизиязының 254-ҷі гвардияның мотострелковай полкы) 2-ҷі алынҷа атығҷылар батальонында служба ирткен (пасха танығларҷа 3-ҷі батальонның 1-ғы ротазында). Групкомсоргха табылған паза взвод агитаторына турғызылған. 1943 чылның азығ айының 15-ҷі кӱнінде, 18:00, 91-ҷі бригада Земцы[ru] станциядаң Локня город саринзар сыххан.

Фронтта[тӱзедерге | код тӱзедерге]

1943 чылның азығ айының 25-ҷі кӱнінде 91-ҷі бригада, ікі батальонға чарылып, Чёрное паза Брутово ааллар ӱчӱн чааласханнар. 1943 чылның азығ айының 26-ҷы кӱнінде 91-ҷі бригада 2 батальонның кӱзінең, Чернушка Северная аалны іскеркі саринаң иртіп, Плетень (Северные) аал чирінзер сыххан. Чааҷыларға Чернушки паза Чёрная аалларны арачылапчатхан ыырҷыны хыринаң чаалабызарға паза аалларны холға аларға пӧгін турғызылған. Фронттаң Чернушки аалзар 4-ҷі батальон кірген. Марш тузында ыырҷы батальонны 3 группаа чарыбысхан. Хатығ чаалас соонаң батальон группалары піріккеннер, батальон командирі капитан Афанасьев палығлатхан. Ыырҷы тоғырланған, ортымах паза аар миномёттарнаң, артиллериянаң атхан.

Махачы кирее

[тӱзедерге | код тӱзедерге]

1943 чылның азығ айының 27-ҷі кӱнінде 2-ҷі батальон Калинин облазының Локнянскай аймааның Чернушки аалы [Ч. 1] хыриндағы пунктха чаанаң кірерге чахығ алған. Совет солдаттары ағас аразынзар чидіп, арығ хазына сыхханнар, оларны ыырҷы ат сыххан — ДЗОТ-тың ӱс пулемёды аалзар чолны чапхан. Ыырҷыны тохтадар пӧгіннең, ікілер кізі штурм группалары ызылғаннар. Штурм группалары ікі фланг ДЗОТ-ын чох иткеннер. Ӧӧн ДЗОТ-тың пулемёды Плетень алнындағы чирні ат турған. Аны пас полбинчатханнар.

Андада ДЗОТ саринзар хызыл армеецтер Пётр Александрович Огурцовнаң (тӧр. 1920, Балаково город, Саратов облазы) Александр Матросов чызын парғаннар. ДЗОТ алнында Огурцов аар палығлатхан, Матросов операцияны чалғызан тоос саларға чаратхан. Хыринаң амбразуразар чидіп, ікі граната тастабысхан. Пулемёт атызын тохтатхан. Чааҷылар атакаа пар сыххандох, ДЗОТ-таң хатап ат сыхханнар. Андада Матросов турып, кинетін ДЗОТ-сар атығып, позынаң амбразураны чаабысхан. Тынын пир салып, подразделениее чааҷы пӧгінің толдырарға хабас пирген.

Ыырҷыны кӱс чох артыс салғанда, батальон алнынзар пар сыххан. Плетень аалны хыринаң 4-ҷі паза 2-ҷі батальоннар холға киргеннер. Чернушки аалзар чол азылған, 13:00 4-чі батальон кӱзінең аал холға алылған. Улуғ лейтенант Пётр Ильич Волков, 91-ҷі алынҷа атығҷылар бригадазының политика пӧлиинің агитаторы, А. Матросовтың махачызынаңар политика пӧлиинзер искірген. Аның искіриинде Матросов Калинин облазының Локнянскай аймаандағы Чернушки аал хыриндағы чаалазығда матыр чіли тудынғаны таныхталған[3]. Аал амды чоғыл, Плетень аалның чирі Михайловскай областьха кірче, Чернушки аал — Псков облазының Локнянскай аймааның Самолуковскай волозына.

Чернушки аал хыриндағы немец ДЗОТ, амбразуразын позынаң чаабысхан Александр Матросов

Махачы киреен хумартхылиры

[тӱзедерге | код тӱзедерге]

Печатьта Матросовтың махачы киреен пастағызын на совет хабарҷызы Михаил Бубеннов чарытхан[4]. Совет литературазында Матросовтың матыр тудынызы махачы киректің паза чааҷы поғдархазының, чалтанмазының, Ада чир-сууна хынызының тании полча.

Александр Матросовты пастап Чернушки аал хыринда чыып салғаннар, 1948 чылда сӧӧгін Великолукскай областьтың Велики Луки городта тыхтап салғаннар[Ч. 2].

Чернушки аал хыриндағы Александр Матросовтың сӧӧгі чатхан пастағы орны

СССР-ның Ӧӧркі Чӧбінің Президиумының 19 июньда 1943 чылда «немец азымахчыларынаң тоғыр кӱрезігде фронтта командованиенің чааҷы чахығларын турыстығ толдырған ӱчӱн паза пу киректе махачызын паза матыр хылиин кӧзіткен ӱчӱн» алылған «Хызыл Армияның пастыхтар паза рядовойлар составына Совет Союзының Матыры атты пирерінеңер» чахиинаң Совет Союзының Матыры атха ӱреен соонда турысхан[5][6].

Александру Матросовха Великие Луки городта турғызылған хумартхы тас, 25 июльда 1954 чылда азылған

СССР-ның арачыланыс чон комиссариадының 8 сентябрьда 1943 чылда сыххан 162 № чахиинда пазылған: «Товарищ Матросовтың илбек матыр кирее Хызыл Армияның прай чааҷыларына чааҷы поғдархазының паза махачызының кӧзідімі поларға кирек». Олох чахығҷа А. М. Матросовтың адынаң 254-ҷі гвардияның атығҷылар полкы адалған, позы хаҷанға даа пу полктың 1-ғы ротазының изерістеріне кирілген[7].

Александр Матросов часть изерістеріне хаҷанға даа кирілген пастағы совет чааҷызы полча.

Пасха версиялар

[тӱзедерге | код тӱзедерге]

Разведрота командирі полған Л. И. Лазаревтің кӧрізінең, гранатаны тастирға полып, Матросов тура хонғанда, пулемётнаң атырт салған, соондағы чааҷылар чааҷы постарын атыстаң арачылабызарға иткенін кӧр салғаннар.

Ол киректің киречілерінің пічіктеріне сылтанған писателя-фронтовик Виктор Астафьевтің[ru] сӧстерінең, Матросов амбразура ӱстӱне тӱзіп, хысхаҷах тус аразына пулемёттың узун стволын ээбізерге ит кӧрген, че немецтер стволны тартыбысханнар, Матросовтың тыны ӱзілген[8]. Матросовнаң хада немец ДЗОТ-ын чох идібізерге иткен Пётр Огурцов паза 4-ҷі батальонның чааҷы фельдшері Галина Суднова товарищтерінің пічік хоостыра махачы киреен киречілееннер.

Совет чааҷылар частьтарының паза вермахттың немец пічіктерін істескен Башкир историгі Айрат Багаутдиновтың салтары хоостыра, Александр Матросов матыр киреен иткен 1943 чылның азығ айының 25-ҷі кӱніндегі (27-ҷі кӱнінде нимес) пастағы паза халғанҷы чаалазиинда. 93-ҷі немец пехота дивизиязының чаалазығларының журналы совет войсколары немец арачыланыс линиязын Чернушки аалның ӱстӱнзархы-іскеркі саринда тобырғанын килечілепче. Александр Матросовтың 2-ҷі атығҷылар батальоны Чернушки аал хыриндағы Чёрное аалдаң алтынзархы-іскеркі саринзар 2 км оортах чирде немец линиязын азығ айының 25-ҷі кӱнінде талабысхан. Александр Матросовтың матыр киреенің чирін совет паза немец пічіктері хоостыра ілезіне сығарғаннар. Ол Чернушка аалның іскеркі саринзар 1 км 200 метр аар, арығ хазында полған. Ол немецтернің арачыланыс пунктына килісче[9].

Айрат Багаутдинов вермахттың пічіктерін істезіп, пастағызын на ілезіне сығырыбыхан : Чернушка (ӱстӱнзархы) паза Чернушка (алтынзархы) аалларны 1943 чылның азығ айының 10-ҷы кӱнінең пасти 27-ҷі кӱніне теере 285-ҷі хадағ дивизиязының 113-ҷі хадағ полкының 3-ҷі батальонының 11-ҷі немец ротазы арачылаан, ол Тиман группазының санында 93-ҷі пд-ның солында 3-ҷі батальонның командирі, майон Теодор Ванкенің устаанда чааласхан. 11-ҷі ротаның командирі гауптман Роберт Стратман полған. 11-ҷі ротаа ікі взвод кірген. Пастағы взводтың командирі обер-лейтенант Макс Доринг полған, ікінҷізінің — лейтенант Макс Рабл. Ікі взводтың пірсінің чааҷылары Чернушка аал хыриндағы дзотта полғаннар[9].

Андағох махачы киректер иткен кізілер

[тӱзедерге | код тӱзедерге]

Андағох махачы киректер чаа тузында 400 азыра кізі иткен[10]; істезігҷі Н. Н. Смирновтың искіриинең 2000 чылға андағох махачы кирек иткен 402 чааҷы ілезіне сығарыбысхан[11].

Сыйыхтар

[тӱзедерге | код тӱзедерге]

Хумартхызы

[тӱзедерге | код тӱзедерге]
Александр Матросовтың сомнығ почта конверті (1983)
Почта марказында (СССР, 1944 чыл)
Почта марказында (СССР, 1963 чыл)
А. Матросовтың орамазындағы хумартхы чарды, Санкт-Петербургта
Александр Матросовтың пастап сӧӧгі чатхан орынның схемазы

Чаа тузында «Окна ТАСС» «Подвиг комсомольца Александра Матросова» агитация плакаттары сығарылғаннар.

  • Великие Луки городтағы Матросовтың сӧӧк ойымындағы хумартхы тасты скульптор Е. В. Вучетич[ru] паза ӧӧн архитектор В. А. Артамонов иткеннер. Хола скульптураның пӧзии 4,2 метрге читче, гранит постаменті — 4,32. Хумартхы тас 1954 чылның от айының 25-ҷі кӱнінде азылған. Сӧӧгі чатчатхан ачых аның адынаң адалған[13].
  • 53129 МПК-332 Петропавловск-Камчатский в/ч изерізіне кирілген.
  • Матросовтың ады 1943 чылның ӱртӱн айының 8-ҷі кӱнінде 56-ҷы гвардияның атығҷылар дивизиязының 54-ҷі гвардияның атығҷылар полкына пирілген. Позы пу частьтың 1-ғы ротазының изерістеріне хаҷанға даа кирілген. Илбек Адалығ чаа соонаң полк Таллинде турыбысхан (92953 в/ч). 1994 чылда Совет Союзының Матыры Александр Матросовтың адынаң 254-ҷі гвардияның атығҷылар полкы Смоленск облазының Ельня городынзар кӧзірілген, 2000 чылға теере тарадылған. 2004 чылның азығ айының 23-ҷі кӱнінде Нижний Новгородтағы 3-ҷі мотострелковай дивизияның 752-ҷі мотострелковай полкы Александр Матросовтың адынаң 254-ҷі гвардияның мотострелковай полкы адал сыххан, соонаң 9-ҷы алынҷа мотострелковай бригадаа (54046 в/ч) айландырылған. 2010 чылға ол тарадыл парған. 2019 чылда тӧстелген Кидеркі чаа округының гвардияның мотострелковай полкына, хайзы 254-ҷі гвардияның атығҷылар полкының орнына халған, 2020 чылда «Александр Матросовтың адынаң» аарластығ ат пирілген[14].
  • Александр Матросовтың ӱреен орнында хумартхы комплекс турғызылған.
  • Александр Матросовтың адынаң Россияның паза СНГ-ның городтарындағы нинҷе-де орама паза парк адалған. 2015 чылда Александр Матросовтың барельефі Ульяновсктағы пионер-матырлар аллеязында турғызылған[15].
  • Александр Матросовтың адынаң Пассажирречтранс компанияның пассажир теплоходы, 1937-39 чылларда чуртаан Ульяновск облазындағы Ульяновск аймааның Ивановка олған туразы адалған[16].
  • 1978 чылдаң сығара Ульяновск облазында Совет Союзының Матыры А. Матросовха чарыдылған ниик атлетика чӱгӱрізі иртче[17].
  • Совет Союзының Матыры А. Матросовтың адынаң город тастындағы хазых пиктеҷең олған лагерьі (Станция-Охотничья) адалған[18]
  • РСФСР-ның Министрлер чӧбінің 27 февральда 1973 чылда сыххан чарадиинаң Александр Матросовтың ады Ульяновск облазының «Баратаевскай» совхозына пирілген[19].
  • Александр Матросовтың адынаң комсомол сабланызы музейі (Великие Луки). Совет Союзының Матыры А. Матросовтың адынаң хумартхы музейі (1960 чылда Ивановка аалда азылған). Москва городтағы Поклоннай тағда орныхчатхан чааҷы паза істеніс сабланызы музейлер изерізіне кирілген[20]. 1958 чылның азығ айының 8-ҷі кӱнінде Саша Матросов чуртаан турада хумартхы чарды азылған (Ивановка аал)[16]. СССР-ның почтазы 1944 паза 1963 чылларда почта маркаларын сығарыбысхан (сомнарны кӧр.). 1973 чылда СССР-ның Палғалыс министерствозы ХМК сығарыбысхан, анда кӧзіділген: «Совет Союзының Матыры Александр Матросовтың махачызы» скульптура, Ульяновск облазының Ивановка аалы[21]. 1983 чылда Александр Матросовтың ӱреенінең 40 чылына хоос маркалығ почта конверті сығарылған.

Хумартхы тастар[тӱзедерге | код тӱзедерге]

Александр Матросовха мындағ аал-городтарда хумартхы тастар турғызылғаннар:

  • Анжеро-Судженск;
  • Барнаул;
  • Великие Луки;
  • Днепропетровск (2023 чылның кӱрген айының 3-ҷі алай 4-ҷі кӱнінде чох иділген);
  • Дюртюли;
  • Ишеевка — поселоктың парктарының пірсінде;
  • Ишимбай — А. Матросовтың адынаң культура паза тынағ ӧӧн паркында (памятниктің ӱзінҷі версиязы);[22]
  • Коряжма;[23]
  • Краснодар — адын ал чӧрчеткен 14 № школада;
  • Хызылчар;
  • Курган — хумартхы тас (1987, скульптор Г. П. Левицкая);[24]
  • Октябрьский — Александр Матвеевич Матросовтың хумартхы тазы Нарышев посёлокта, городтағы орама аның адынаң адалған;
  • Салават — Матросовтың бюзы (1961), скульптор Л. Ю. Эйдлин;
  • Ленинград (амғы Санкт-Петербург) ;
  • Сибай;
  • Севастополь;
  • Стерлитамак;
  • Тольятти;
  • Ульяновск;
  • Ивановка;
  • Станция-Охотничья;[18]
  • Ульяновск облазындағы Баратаевка;[25]
  • Высококолковскай аал чирі — стела (2016);[26]
  • Уфа — Лениннің адынаң парктағы хумартхы тас (1951, скульптор Эйдлин Л. Ю.[27]); Уфадағы юридическай институттың чиріндегі бюзы; А. Матросовха паза М. Губайдуллинге Чинғс паркындағы хумартхы тас (1980, скульпторлар Л. Кербель, Н. Любимов, Г. Лебедев);
  • Харьков: Харьковтағы орамаларның пірсі Александр Матросовтың адынаң адалған;
  • Галле (Саксония-Анхальт) — ГДР (1971);[27]
  • Хумартхы тании: Михайло-Коцюбинское;[28]
  • Оренбург облазындағы Платовка аал — А. Матросовтың адынаң Платовкадағы ортымах школадағы бюст (скульптор — Николай Игнатьевич Колесников).

Галерея

[тӱзедерге | код тӱзедерге]
  • А. Матросовтың Армавирдегібюзы, Краснодар крайы

    А. Матросовтың Армавирдегібюзы, Краснодар крайы

  • А. Матросовха Галледегі хумартхы тас , Германия

    А. Матросовха Галледегі хумартхы тас , Германия

  • А. Матросовха Днепропетровсктағы (амғы Днепр) хумартхы тас, Украина

    А. Матросовха Днепропетровсктағы (амғы Днепр) хумартхы тас, Украина

  • А. Матросовтың Дятьковичидегі бюзы, Брянск облазы

    А. Матросовтың Дятьковичидегі бюзы, Брянск облазы

  • А. Матросовтың Ельнядағы бюзы, Смоленск облазы

    А. Матросовтың Ельнядағы бюзы, Смоленск облазы

  • А. Матросовха Краснодардағы хумартхы тазы

    А. Матросовха Краснодардағы хумартхы тазы

  • А. Матросовтың (Ш. Мухамедьянов) Кунакбаеводағы бюзы, Башкортостан

    А. Матросовтың (Ш. Мухамедьянов) Кунакбаеводағы бюзы, Башкортостан

  • А. Матросовтың Резекнедегі бюзы, Латвия

    А. Матросовтың Резекнедегі бюзы, Латвия

  • А. Матросовтың Салаваттағы бюзы, Башкортостан

    А. Матросовтың Салаваттағы бюзы, Башкортостан

  • А. Матросовха Санкт-Петербургтағы хумартхы тас

    А. Матросовха Санкт-Петербургтағы хумартхы тас

  • А. Матросовха Уфадағы хумартхы тас

    А. Матросовха Уфадағы хумартхы тас

  • А. Матросовтың Харьковтағы бюзы, Украина

    А. Матросовтың Харьковтағы бюзы, Украина

Искусствода

[тӱзедерге | код тӱзедерге]

Фильмнер[тӱзедерге | код тӱзедерге]

Произведениелер[тӱзедерге | код тӱзедерге]

  • Анвер Бикчентаев. Право на бессмертие'. — М.: Советский писатель, 1950. — 288 с.
  • Багаутдинов Айрат Маратович, Багаутдинов Рушан Айратович. Подвиг Александра Матросова: анализ советских и немецких документов. Монография. Уфа. РИЦ БашГУ. 2021. — 223 с. ISBN 978-5-7477-5317-4
  • Бикчентаев А. Г. Орёл умирает на лету. — Уфа, 1966.
  • Журба П. «Александр Матросов»
  • Пантелеев «Гвардии рядовой»

Музыкада[тӱзедерге | код тӱзедерге]

  • Александр Матросов упоминается в песне «Свобода» группы «Гражданская Оборона» («И чему посмеивался Санька Матросов…»).

Алған орын

[тӱзедерге | код тӱзедерге]

Чарыдығлар[тӱзедерге | код тӱзедерге]

  1. ↑ 1957 чылның чарыс айының 2-ҷі кӱнінең сығара Чернушки аал Псков облазының холына кірген.
  2. ↑ 1957 чылның чарыс айының 2-ҷі кӱнінең сығара Великие Луки Псков облазына кірче.

Источниктер[тӱзедерге | код тӱзедерге]

  1. ↑ 1 2 Aleksandr Matveyevich Matrosov // TracesOfWar
  2. ↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  3. ↑ Семен Экштут, доктор философских наук. Километры и секунды Александра Матросова. Полная реконструкция подвига, совершенного 75 лет назад. Публикуется впервые.
  4. ↑ Память народа
  5. ↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 19 июня 1943 года // Ведомости Верховного Совета Союза Советских Социалистических Республик : газета. — 1943. — 23 Хандых айы (№ 23 (229)). — С. 3.
  6. ↑ Наградной лист в электронном банке документов «Подвиг народа».
  7. ↑ О ПРИСВОЕНИИ 254-му ГВАРДЕЙСКОМУ СТРЕЛКОВОМУ ПОЛКУ ИМЕНИ АЛЕКСАНДРА МАТРОСОВА. Дата обращения: 14 От айы 2022. Архивировано 15 Чарыс айы 2019 года.
  8. ↑ Ужасная правда о войне без вымысла и мифов от писателя-фронтовика: Беседа В. Астафьева с кинорежиссёром Н. Михалковым. Дата обращения: 2 Хандых айы 2019. Архивировано 9 Кічіг хырлас айы 2018 года.
  9. ↑ 1 2 Багаутдинов, А. М. Подвиг Александра Матросова: анализ советских и немецких документов // Проблемы востоковедения : журнал. — 2021. — № 3 (93). — doi:10.24412/2223-0564-2021-3-15-23.
  10. ↑ «Герои Советского Союза» (По материалам книги: Иванов Г. Знаменитые и известные бежечане. В 3-х книгах. — М.: Вече, 2005.). Информационный сайт города Бежецк. Дата обращения: 8 Кӱрген айы 2016. Архивировано 13 Кӧрік айы 2010 года.
  11. ↑ Возможно, выйдет новая книга о героях. Об актах самопожертвования советских воинов в годы Великой Отечественной войны. // Военно-исторический журнал. — 2001. — № 3. — С.9.
  12. ↑ Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 30. Л. 228).
  13. ↑ Подвиг Александра Матросова.
  14. ↑ Единственному в ВС РФ гвардейскому мотострелковому полку ЗВО вернут почётное имя Александра Матросова и вручат и боевое знамя нового образца / mil.ru, 28 декабря 2019. Дата обращения: 29 Улуғ хырлас айы 2019. Архивировано 29 Улуғ хырлас айы 2019 года.
  15. ↑ В Ульяновске открыли Аллею пионеров-героев. Официальный сайт полномочного представителя Президента Российской Федерации в Приволжском федеральном округе. Дата обращения: 4 Кічіг хырлас айы 2020. Архивировано 24 Хандых айы 2020 года.
  16. ↑ 1 2 История детского дома - Ивановский детский дом. i-detdom.ru. Дата обращения: 8 Чарыс айы 2020. Архивировано 24 Чарыс айы 2020 года.
  17. ↑ Главная - Ивановский детский дом. i-detdom.ru. Дата обращения: 8 Чарыс айы 2020. Архивировано 14 Чарыс айы 2020 года.
  18. ↑ 1 2 О лагере. www.lagermatrosova.ru. Дата обращения: 8 Чарыс айы 2020. Архивировано 15 Чарыс айы 2020 года.
  19. ↑ Ульяновская правда, 27.2.1973 г. Совхозу - имя героя.
  20. ↑ История детского дома - Ивановский детский дом. i-detdom.ru. Дата обращения: 8 Чарыс айы 2020. Архивировано 24 Чарыс айы 2020 года.
  21. ↑ с.Ивановка СКУЛЬПТУРА МАТРОСОВА 1973 ХМК КТ9 конверт Ульяновск.область. meshok.net. Дата обращения: 8 Чарыс айы 2020.
  22. ↑ Никулочкин, Д. В. Хранители истории Ишимбая : ч. VI-II // Подметки+ : газ. / ред. Г. Р. Ямалова. — Ишимбай : РИК «Аспект», 2018. — № 20 (16 Сілкер айы). — С. 2. — ISSN 2220-8348.
  23. ↑ Коряжма. Памятники Архивная копия от 26 Ӱртӱн айы 2016 на Wayback Machine.
  24. ↑ Фотография памятника Александру Матросову в Кургане Архивная копия от 22 Хандых айы 2015 на Wayback Machine.
  25. ↑ 2GIS Captcha. captcha.2gis.ru. Дата обращения: 11 Чарыс айы 2020.
  26. ↑ В Ульяновской области открыли памятный знак Александру Матросову. 1ul.ru. Дата обращения: 11 Чарыс айы 2020. Архивировано 17 Чарыс айы 2020 года.
  27. ↑ 1 2 Изобразительное искусство. Дата обращения: 12 Кӱрген айы 2013. Архивировано 25 Чарыс айы 2012 года.
  28. ↑ Информация о памятнике. Дата обращения: 24 Хосхар айы 2013. Архивировано 24 От айы 2013 года.

Литература

[тӱзедерге | код тӱзедерге]
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Золотые звёзды Оренбуржья: биографический справочник / В. П. Россовский; ред. Е. А. Урбанович; рец. У. А. Батыров, Н. М. Румянцев. — изд. 2-е, перераб. и доп. — Оренбург: ИПК «Южный Урал», 2005. — С. 382—383. — 595 с. — ISBN 5-94461-009-3.
  • Оренбуржцы — Герои Советского Союза: библиографический указатель / Библиогр. отд.; сост. Н. А. Кузнецова. — 1. — Оренбург: Областная научная библиотека имени Н. К. Крупской, 1987. — С. 81—82. — 155 с.
  • Бикчентаев А. Г. Орёл умирает на лету. — Уфа : Башкирское книжное издательство, 1966. — 262 с. — 100 000 экз.
  • Бондаренко-Снитин О. Правда и вымысел // Ватандаш : журнал. — 2005. — № 2. — С. 107—112. — ISSN 1683-3554.
  • Бо­ри­сов Н. Бро­сок в бес­смер­тие // Жи­вая па­мять: Ве­ли­кая Оте­че­ст­вен­ная: прав­да о вой­не. М., 1995. Т. 1.
  • Вклад за­клю­чен­ных ГУЛага в по­бе­ду в Ве­ли­кой Оте­че­ст­вен­ной вой­не // Новая и новейшая история. 1996. № 5.
  • Коваленко А. П., Сгибнев А. А. Бессмертные подвиги. — М.: Воениздат, 1980. — 351 с.
  • Ко­ва­лен­ко А. П. Прав­да о Мат­ро­со­ве и мат­ро­сов­цах. М., 1994
  • 2194579 / Колганов А. М. // Маниковский — Меотида [Электронный ресурс]. — 2011. — С. 382. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 19). — ISBN 978-5-85270-353-8.
  • Легостаев И. Т. Бросок в бессмертие: к 40-летию подвига А. Матросова / предисл. И. С. Медникова. — 2-е изд., перераб. — М.: Молодая гвардия, 1983. — 111 с. — (Герои комсомола).
  • Имя с первой полосы. — М., 1985. — С. 540—548.
  • Молодые герои Великой Отечественной войны. — М., 1970. — С. 141—153.
  • Славные сыны Башкирии. — Уфа, 1965. — Т. 1. — С. 19—28.
  • Шкадаревич И. И. Подвиг Матросова. — М.: Воениздат, 1961. — 104 с.
  • Шкадаревич И. И. Бессмертный подвиг Александра Матросова. — М.: Просвещение, 1973. — 192 с.
  • Матросов, Александр Матвеевич // Золотые Звёзды : Книга о дважды Героях и Героях Советского Союза, уроженцах Днепропетровщины / сост. Н. С. Головин, В. Н. Петрищева ; при участии Ф. А. Матюшко, А. И. Посаднев ; ред. М. А. Штейн. — Днепропетровск : Промiнь, 1967. — С. 245—247. — 432 с. — (Герои Советского Союза).
  • Матросов, Александр Матвеевич // И генерал, и рядовой… : Очерки о Героях Советского Союза, уроженцах Днепропетровской области / Н. И. Воробьёв, С. А. Герасименко, В. Л. Головко и др. ; сост. А. Ф. Снитко ; ред. Г. В. Николенко, К. К. Чернышев. — Днепропетровск : Промiнь, 1983. — С. 313—317. — 567 с. — (Герои Советского Союза). — ББК 63.3(2Ук)722.78.
Алған орны - https://kjh.ruwiki.ru/w/index.php?title=Матросов,_Александр_Матвеевич&oldid=92246