Лютиков, Фёдор Павлович
| Фёдор Павлович Лютиков | |||
|---|---|---|---|
 | |||
| Тӧреен кӱні | 5 сілкер айы 1930 | ||
| Тӧреен чирі | Чынай, амғы Хакасия | ||
| Ӱреен кӱні | 27 хосхар айы 2016 (85 час) | ||
| Ӱреен чирі | Ымай тас | ||
| Гражданство |
 СССР, Россия |
||
| Айғасчатхан кирее | Комбайнёр | ||
| Сыйыхтар паза премиялар |
|
||
Фёдор Павлович Лютиков (5 сілкер айы 1930, Алтай аймағы, Кидеркі Сибирь крайы[d] — 27 хосхар айы 2016, Хакас Республика) — Хакас автоном облазындағы Алтай аймааның «Россия» совхозының комбайнёры. Социалистическай Ӏстеніс Матыры (1972).
Чуртас чолы
1930 чылның сілкер айының 5-ҷі кӱнінде Хызылчар крайындағы Алтай аймааның Чынай аалында кресен сӧбірезінде тӧреен. 1946 чылдаң сығара хойлар ӧскірчеткен «Россия» совхозта тоғын сыххан[1].
1953 чылдаң сығара чӧргісчі полып тоғынған, 1955 чылда — тракторист-комбайнёр.
1972 чылда «Сибиряк» комбайннаң чӧріп, тоғыста пӧзік кӧзідімнерге читкен, 660 гектар чирдең 12000 центнер тамах саап алған. Социалистическай марығ оңдайларынҷа ас кискені хоостыра ағаа «Гвардеец-72» аарластығ ат пирілген.
1972 чылның улуғ хырлас айының 13-ҷі кӱнінде сыххан чахығ хоостыра, ас кизіп, пӧзік кӧзідімнер пирген ӱчӱн Социалистическай Ӏстеніс Матыры сыйыхха турысхан, ағаа Ленин ордені паза «Серп и Молот» медаль читірілген.
Хойлар хырыхчаң туста Лютиков механик полҷаң.
Чуртазының халғанҷы чылларында Ымай тас посёлокта чуртаан. 2016 чылның хосхар айының 27-ҷі кӱнінде ӱреен[2][1].
Сыйыхтар
Мындағ сыйыхтар пар:
- 15139 номерліг Социалистическай Ӏстеніс Матыры ат (1972 чылның улуғ хырлас айының 13-ҷі кӱні, «производство ӧскірізінде паза хазнаа асты паза пасха тамахты садарында пӧзік чидіглерге читкен ӱчӱн паза асты кизерінде істеніс сабланызын кӧзіткен ӱчӱн»)[3];
- Ленин ордені (1972 чылның улуғ хырлас айының 13-ҷі кӱні);
- «Аарлас тании» орден (1971 чылның хосхар айының 8-ҷі кӱні).
Хумартхызы
Лютиковтың ады Саяногорсктағы Интернациональнай микрорайонда 9-ҷы турада хызылған чардыда хумартхылалған[4].
Алған орын
- ↑ 1 2 Фёдор Павлович Лютиков. «Герои страны» сайт.
- ↑ Душа радовалась от золота степей. bezformata.com (2 Хандых айы 2016). Дата обращения: 20 Кӱрген айы 2026.
- ↑ Солдаты Победы. — Абакан, 2010. — Т. 1. — С. 513. — 712 с.
- ↑ В Саяногорске открыли памятные доски Героям соцтруда. Первое городское. Дата обращения: 20 Кӱрген айы 2026.
Литература
- Сибиряки. Герои социалистического труда Красноярского края. — Красноярск, 1976.
Ссылкалар
- Лютиков Фёдор Павлович. Сайт Герои страны. Дата обращения: 20 Кӱрген айы 2026.