Лысенко, Вера Трофимовна
| Вера Трофимовна Лысенко | ||
|---|---|---|
 | ||
| Тӧреен кӱні | 1920 | |
| Тӧреен чирі | Новотроицкай, Хызылчар уезді, Ким губерниязы, РСФСР | |
| Ӱреен кӱні | 1995 | |
| Ӱреен чирі | Харатас, Хакасия, Россия | |
| Гражданство |
 СССР →  Россия |
|
| Айғасчатхан кирее | доярка | |
| Сыйыхтар паза премиялар |
|
|
Вера Трофимовна Лысенко (1920, Новотроицкай[d], Хызылчар крайы[d] — 1995, Харатас, Хакас Республика) — Хызылчар крайындағы Минсуғ аймааның Щетинкиннің адынаң машина-трактор станциязының комбайнёры, Социалистическай Ӏстеніс Матыры (1957).
Чуртас чолы
1920 чылда Ким губерниязындағы Хызылчар уездінің Новотроицкай аалында (амғы туста Хызылчар крайының Минсуғ аймағы)) кресеннер сӧбірезінде тӧреен[1].
Пасталығ класстар школазын тоозып, 1932 чылда орындағы «Наа быт» аттығ колхозсар кірген, анда аймах тоғыстарда істенген, ол санда інек сағҷаң.
1938 чылда Минсуғдағы механизаторлар школазының хойнындағы шофёр курстарын тоос салып, чӧргісчі тоғызына кірібіскен. Соонаң комбайнёрға ӱгреніп алған, 20 азыра чыл Минсуғ аймаандағы Щетинкиннің адынаң машина-трактор станциязында комбайннаң чӧріп тоғынған[1].
1956 чылда кӱннің сай иліг гектар пуғдай кисчең, иң улуғ кӧзідімі 62 гектар полған. Сезонға прай 476 гектар чир кизібіскен[2].
СССР-ның Ӧӧркі Чӧбінің Президиумының 1957 чылның кӱрген айының 11-ҷі кӱнінде сыххан чахиинаң «наа паза кӧлей чирлерні асханында саблығ чидіглері ӱчӱн, 1956 чылда асты маңнаныстығ чыып алған паза пилетеп алған ӱчӱн» Социалистическай Ӏстеніс Матыры атха турысхан, ағаа Ленин ордені паза «Серп и Молот» медаль пирілген[1].
Вера Лысенко 1964 чылда Харатассар кӧс парыбысхан, анда тынаға сыхханҷа электромеханическай мастерскойларда экспедитор полып тоғынған. 1975 чылдаң сығара — союз синшіндегі тынағдағы кізі. 1995 чылда ӱреен[1].
Ленин орденінең (11.01.1957) паза медальларнаң сыйыхтатхан[1].
Алған орын
- ↑ 1 2 3 4 5 С. Кузоватов. Лысенко Вера Трофимовна. «Герои страны» сайт. Дата обращения: 5 Азығ айы 2026.
- ↑ Минусинцы - Герои Социалистического Труда (Минусинский район). mbs-mr.ucoz.ru. Дата обращения: 16 Азығ айы 2026.
Литература
- Сибиряки. — Красноярск: Красноярское книжное издательство, 1976. — 351 с.