Лухман, Ксения Юрьевна
| Ксения Юрьевна Лухман | |
|---|---|
 | |
| Тӧреен ады | Ксения Юрьевна Буганова |
| Тӧреен кӱні | 23 сілкер айы 1978 (48 час) |
| Тӧреен чирі | |
| Гражданство | |
| Ӱгредіг | Хакас хазна университеді (2000) |
| Айғасчатхан кирее | Хакасиядағы тиксі Россиядағы чон фронтының региондағы пӧлиинің толдырығ комитедінің пазы |
| Сыйыхтар | «Репортёр» номинацияда тиксі Россиядағы «ТЭФИ-регион» телевидение марииның чиңісчізі |
Ксе́ния Ю́рьевна Лу́хман (тӧр. 23 сілкер айы 1978, Ағбан, Хызылчар крайы[d]) — Хакас Республикадағы тиксі Россияның чон фронтының региондағы толдырығ комитедінің устағҷызы. «Репортёр» номинацияда тиксі Россиядағы «ТЭФИ-регион» телевидение марииның 2020 чылдағы чиңісчізі. 2024 чылдағы табығларда Россия Федерациязының президентіне кандидат Владимир Путиннің киртістіг кізізі.
Чуртас чолы
Ксения Лухман 1978 чылның сілкер айының 23-ҷі кӱнінде Ағбанда тӧреен. Школа соонаң Н. Ф. Катановтың адынаң Хакас хазна университедінзер ӱгренерге кіріп алған, аны 2000 чылда тоос салған[1].
Университет соонаң ӱгретчі полып тоғынған. 2004 чылда кізі холындағы «Медведь» реклама агентствозында хабарҷы пол сыххан. 2013 чылда олох агентствода шеф-редактор тоғызын апар сыххан[1].
2015 чылдаң сығара 2017 чылға теере «Хакасия» искіріг агентствозында хабарҷы полып тоғынған. 2015 чылда, пос алынҷа кандидат полып, Харатас городтың пазына табығларда араласхан, че аның ӱчӱн пирілген табығҷылар ӱннері 5 % тобін полған[2][3].
2017 чылда республикадағы Пос киреене хабазығ кінінде устағҷы орынҷызы полыбысхан[1].
2018 чылда Хакасияда тиксі Россиядағы чон фронты чӧрімнің региондағы толдырығ комитедіне кірібіскен, анда Хабарлар таратчаң пірігістернең хада тоғынҷаң сурығларнаң айғасхан[1].
2019—2021 чылларда Хакас Республиканың Экономика тилізі министерствозында хабарҷыларнаң тоғынҷаң хачы полып істенген. Олох чылларда ТВ7 каналда «Разберёмся» социальнай программаның ведущайы полған. Программаның пӧгініне чонның юридическай пічиин кӧдірері кірген. «Разберёмся» проекттегі тоғызы ӱчӱн 2020 чылда Ксения Лухман «Репортёр» номинацияда «ТЭФИ-регион» сыйыхха турысхан[1].
2021 чылда ОНФ-тың Хакасиядағы пӧлиинің устағҷызына турғызылған. Хазых хайраллаҷаң сурығларға кӧп хайығ айландырча. 2022 чылдаң сығара СВО чиріне гуманитарнай полызығны читірерінең айғасча, чааҷыларның туған-чағыннарына хабазығ пирче[4].
2023 чылның улуғ хырлас айында Россияның президентіне кандидат Владимир Путиннің киртістіг кізілер изерізіне кирілген[5]. Пасха киртістіг кізілернең хада Халых Полызии Штабында чоннаң тоғазығлар иртірче[6].
Пос чуртазы
Ирі пар. Ирепчі ӱс пала ӧскірче[1].
Алған орын
- ↑ 1 2 3 4 5 6 Анастасия Васильева. Лухман Ксения Юрьевна. vsepersony.ru. Дата обращения: 12 Кӧрік айы 2026.
- ↑ Выборы главы муниципального образования город Черногорск. vyborypro.ru. Дата обращения: 12 Кӧрік айы 2026.
- ↑ Глава Черногорска узнал соперников. Коммерсантъ (6 От айы 2015). Дата обращения: 12 Кӧрік айы 2026.
- ↑ Глава Хакасии провёл рабочую встречу с руководителем исполкома Общероссийского народного фронта. tvrts.ru (13 Кічіг хырлас айы 2023). Дата обращения: 12 Кӧрік айы 2026.
- ↑ Доверенные лица. Сайт Владимира Владимировича Путина. Дата обращения: 12 Кӧрік айы 2026.
- ↑ Жители Хакасии выдвигают собственные инициативы по расширению федеральных программ. Единая Россия (19 Азығ айы 2024). Дата обращения: 12 Кӧрік айы 2026.