Колесников, Пимен Григорьевич

Пимен Григорьевич Колесников
Пимен Григорьевич Колесников
Тӧреен кӱні	24 от айы 1906
Тӧреен чирi	Николаев[d], Россия империязы[d];
Ӱреен чылы	26 кічіг хырлас айы 1996 (90 лет)
Ӱреен чирi	Минск[d], Белоруссия[d];
Хазна	СССР
Войско кӧрімі	авиация
Служба чыллары	1931—1957
Аарластығ ады
Часть	657-ҷі штурм авиация полкы
Чаалазағлар/чаалар	Илбек Ада чаа

Пимен Григорьевич Колесников (1906—1996) — Совет Армиязының полковнигі , Илбек Ада чаа араласчызы, Совет Союзының Матыры (1945).

Чуртас чолы

Пимен Колесников 11 июльда (наа оңдайҷа — 24 июльда) 1906 чылда Николаев облазының Николаев городында тӧреен. 1921 чылда Хызылчар крайынзар кӧс парыбысхан. Анда толдыра нимес ортымах школаны тоос салған, анаң аал хонии артелінде паза колхозта учётчик полып тоғынған. 1930 чылда Лениградсар кӧс парыбысхан, анда кондитер фабриказында істенген. 1931 чылда Колесников Тоғысчы-кресеннернің Хызыл Армиязына службаа тартылған. 1933 чылда Лениградтағы лётчиктернің чаа-теория школазын тоос салған, 1934 чылда — Оренбургтағы лётчиктернің паза лётчик-наблюдательлернің чаа авиация школазын. 1941 чылның улуғ хырлас айынаң сығара Илбек Ада чаа фронттарында чааласхан. Волхов, Ӱстӱнзархы, Алтынзархы Кавказ, Закавказье, Кидеркі. 1-ғы паза 2-ҷі Белорус фронттарындағы чаалазығларда араласхан, самоледы атыртхан, позы палығлатхан^[1].

Чаа тоозылчатханда, майор Пимен Колесников 2-ҷі Белорус фронтының 4-ҷі кии армиязының 4-ҷі штурм авиакорпузының 199-ҷы штурм авиадивизиязының улуғ штурманы полған. Чаа тузында чааҷы чахиин толдырып, ыырҷының чаа техниказының паза чааҷыларының штурмовказына 104 хати тигірзер кӧдірілген, ыырҷыға улуғ ӱрег ағылған^[1].

СССР-ның Ӧӧркі Чӧбінің Президиумының 18 августта 1945 чылда сыххан чахиинаң «фронтта немец азымахчыларынаң тоғыр кӱрезігде командовниенің чааҷы чахығларын турыстығ толдырған ӱчӱн паза пу киректе махачызын паза матыр киреен кӧзіткен ӱчӱн» майор Пимен Колесников Совет Союзының Матыры пӧзік атха турысхан, Ленин ордені паза 8744 номерліг «Алтын Чылтыс» медаль читірілген^[1].

Чаа соонаң Колесников Совет Армиязында службазын узаратхан. 1949 чылда Офицерлер составын тилітчең лётнай-тактическай пӧзік ӱгредіг курстарын тоос салған. 1957 чылда полковник званиеде Колесников запасха ызылған. Минскте чуртаан, Минсктегі ЭВМ заводында істенген (амғы ОАО «Интеграл»), соонаң ол «Белпромпроект» институттың механизация пӧлиинің пастығы полыбысхан. Белорус ССР-ның культуразының саблығ тоғынҷызы (26.06.1984, Коммунисттер партиязының паза совет чонының революция, чаа паза істеніс кибірлері хоостыра істенҷілерні ӱгредерінҷе, СССР-ның Тирігліг Кӱстеріндегі службаа чииттерні тимнирінҷе ӧткін тоғыс ӱчӱн).

Беларусь Республиканың Ӧӧркі Чӧбінің Президиумының 28 июньда 1996 чылда сыххан 414-XIII № чарадиинаң Чаа, істеніс, Тирігліг Кӱстер паза право хайраллаҷаң органнарның ветераннарының Белорус пірігізінде ӧткін тоғыс апарған ӱчӱн Пимен Григорьевич Беларусь Республиканың Ӧӧркі Чӧбінің Президиумының Аарластығ пічиинең сыйыхтатхан.

Пимен Колесников 1996 чылның кічіг хырлас айының 26-ҷы кӱнінде ах чарыхтаң парыбысхан. Минсктің Севернай сыырадында сӧӧгі чатча^[1].

Колесников ікі Ленин орденінең, тӧрт Хызыл Знамя орденінең, Адалығ чааның 1-ғы паза 2-ҷі степень орденнерінең, Хызыл Чылтыс орденінең, медальларнаң сыйыхтатхан^[1].

Хумартхызы

Пимен Григорьевич Колесниковтың хумартхы чардызы

Пимен Григорьевичтің адынаң Минсктің орамаларының пірсі адал парған.
Минскте Колесников орамазының 4 № тураның алны саринда хумартхы чарды хызылған.

Алған орын

↑ ¹ ² ³ ⁴ ⁵ Пимен Григорьевич Колесников (рус.). «Герои страны» сайт.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

[wh-1] ¹ ² ³ ⁴ ⁵ Пимен Григорьевич Колесников (рус.). «Герои страны» сайт.

[1]