Карамчакова, Инга Алексеевна
| Инга Алексеевна Карамчакова | |||||||||
|---|---|---|---|---|---|---|---|---|---|
 | |||||||||
| Кізідеңер искіріг | |||||||||
| Пол | ипчi[d] | ||||||||
| Хазна |
 СССР  Россия |
||||||||
| Специализация | ипчілер кӱрезі | ||||||||
| Тӧреен кӱні | 29 хосхар айы 1978 (48 час) | ||||||||
| Тӧреен чирі |
Тастып пилтірі аал, Асхыс аймағы, Хакас автоном облазы, СССР |
||||||||
| Пӧзии | 157 см | ||||||||
| Кӧдірімі | 50 кг | ||||||||
|
Сыйыхтар паза медальлар
|
|||||||||
Инга Алексеевна Карамчакова (тӧр. 29 хосхар айы 1978, Тастып пилтiрi[d], Хызылчар крайы[d]) — Россиядағы спортсмен, Россияның саблығ спорт узы (2002)[1].
Чуртас чолы
[1978 чылның хосхар айының 29-ҷы кӱнінде Хакас автоном облазындағы Асхыс аймааның Тастып пилтірі аалында тӧрт палалығ сӧбіреде тӧреен. Іҷезі ӱгретчі полып істенген, пабазы аалдағы совхозта тимір хабыстырҷаң полып тоғынған. Аның Наталья пиҷезі — саблығ спортсмен[2]. 9 класс тоозып, Ағбандағы Олимп резервінің училищезінзер ӱгренерге кірген, соонаң Хакас хазна университедінің Тархын паза право институдын тоосхан.
Спортха школа тузындох тартылған, пастап дзюдонаң айғасхан. Аның пастағы тренері В. Д. Челтыгмашев полған[3].
Россияның піріктірілген омезіне 1995—2006 чылларда кірген. Пӧзік спорт узы школазы ӱчӱн кӱрескен (Ағбандағы ШВСМ). Аның тренері Андрей Карамчаков полған[1].
Спорт карьеразын 2006 чылда тоос салған. 2008 чылдаң сығара Олимп резерві училищезінде воспитание киреенҷе устағҷының орынҷызы полып істенген. 2024 чылның сілкер айынаң сығара «Алтай аймаандағы спорт школазы» хоза ӱгредіг муниципальнай бюджет учреждениезінең устапча[4].
2023 чылдаң сығара — спорт кӱрезінҷе I категориялығ спорт чарғызы[5].
Спорт чидіглері
Тилекей чемпионаттары
| Арға-мӧрій | Піріктірілген ӧме | Кӧдірім категориязы | Орын |
|---|---|---|---|
| Кӱресче тилекей чемпионады 1998 | Россия |
46 кг |  Хола
|
| Кӱресче тилекей чемпионады 1999 | Россия |
46 кг | Хола
|
| Кӱресче тилекей чемпионады 2000 | Россия |
46 кг |  Кӱмӱс
|
| Кӱресче тилекей чемпионады 2001 | Россия |
46 кг | 10 |
| Кӱресче тилекей чемпионады 2002 | Россия |
48 кг | Кӱмӱс
|
| Кӱресче тилекей чемпионады 2003 | Россия |
48 кг | 8 |
Европа чемпионаттары
| Арға-мӧрій | Піріктірілген ӧме | Кӧдірім категориязы | Орын |
|---|---|---|---|
| Кӱресче Европа чемпионады 1998 | Россия |
46 кг |  Алтын
|
| Кӱресче Европа чемпионады 1999 | Россия |
46 кг | Алтын
|
| Кӱресче Европа чемпионады 2001 | Россия |
46 кг | Алтын
|
| Кӱресче Европа чемпионады 2002 | Россия |
48 кг | Алтын
|
Сыйыхтар паза аарластығ аттар
- Россияның саблығ спорт узы (2002)
- Хакас Республиканың Аарластығ пічии (2011)[1].
- Хакас Республиканың спорт, туризм паза чииттер политиказы министерствозының аарластығ пічии (2012);
- Хакас Республика Пазының алғыстазы (2022);
- пасха медальлар паза сыйыхтар.
Сӧбіре
Карамчакованың ирі пар. Ирепчі Эмиль аттығ оолны ӧскірче[2].
Алған орын
- ↑ 1 2 3 Карамчакова Инга Алексеевна. Дата обращения: 24 Кічіг хырлас айы 2025. Архивировано 2 От айы 2017 года.
- ↑ 1 2 Вольный ковёр: Инга Карамчакова. Дата обращения: 24 Кічіг хырлас айы 2025.
- ↑ Борьба до последнего. gazeta19.ru (8 Орғах айы 2019). Дата обращения: 24 Кічіг хырлас айы 2025.
- ↑ Министра выбирают публично. gazeta19.ru (3 Чарыс айы 2025). Дата обращения: 24 Кічіг хырлас айы 2024.
- ↑ Карамчакова Инга Алексеевна. kraysportinfo.ru. Дата обращения: 24 Кічіг хырлас айы 2025.
Ссылкалар
- Профиль на сайте FILA database (англ.)
- Петр Макарчук и Инга Карамчакова — кандидаты в факелоносцы от Хакасии Архивная копия от 8 Азығ айы 2019 на Wayback Machine
 |
|---|
