Карамчаков, Андрей Алексеевич

РУВИКИ проектте пу фамилиялығ пасха кізілердеңер статьялар парлар, кӧр. Карамчаков.

Андрей Алексеевич Карамчаков
Кізідеңер искіріг
Пол	ир кiзi[d]
Хазна	СССР  Россия
Специализация	ипчілер кӱрезі
Тӧреен кӱні	28 улуғ хырлас айы 1959({{padleft:1959|4|0}}-{{padleft:12|2|0}}-{{padleft:28|2|0}}) (66 час)
Тӧреен чирі	Сос пилтiрi[d], Улуғ Нонып аал чӧбі, Пии аймағы, Хакас автоном облазы, Хызылчар крайы[d], РСФСР[d], СССР[d]
Сыйыхтар паза медальлар Регион синіндегі сыйыхтар Спорттағы аарластығ аттар

Андрей Алексеевич Карамчаков (тӧр. 28 улуғ хырлас айы 1959, Сос пилтiрi^[d], Хызылчар крайы^[d]) — имҷі, совет паза Россия спортсмені паза тренері, Россияның саблығ тренері.

Чуртас чолы

1959 чылның улуғ хырлас айының 28-ҷі кӱнінде Хызылчар крайындағы Пии аймааның Сос пилтірі аалында он палалығ сӧбіреде тӧреен. Аның хыс туңмалары — Лидия паза Татьяна — саблығ спортсменнер.

1976 чылда Пии аймаандағы Бондарев аалның ортымах школазын тоос салған, 1983 чылда — Хызылчардағы имҷілер институдын.

Институтты тоосхан соонаң, 1983 чылда, Иркутскта олған поликлиниказында имҷі полып істенген, анаң — Ағбанда республиканың физкультура диспансерінде.

Институтта ӱгренген туста спортнаң айғасхан. СССР-ның самбоҷа спорт узы, СССР-ның олаңай кӱресче паза РСФСР-ның национальнай кӱрезінҷе спорт узы полыбысхан. Ікі хати Россияның чемпионы, СССР-ның Кубогында паза чемпионадында хола медаль алған, Тиксі Союзтағы Студенттер аразындағы универсиаданың чиңісчізі, Россияның Кубогының паза чемпионаттарының кӧп хати чиңісчізі, ВЦСПС профсоюзтарының чемпионадының чинісчізі паза призёры, Тиксі Союзтағы паза чоннар аразындағы турнирлернің кӧп хати чиңісчізі паза призёры.

Спорт марығларында араласпин сыхханда, тренер полыбысхан — кӧп чыл Россияның піріктірілген омезінің тренері паза Хакас Республикадағы ипчілер кӱрезінің ӧӧн тренері полча. Ипчілер кӱрезінҷе Хакас Республикадағы Спорт кӱрезінің федерациязының вице-президенті. 2016—2024 чылларда Республикадағы «Пiрдеӊ пiрге кӱрезіг спорт школазының» устағҷызы полған.

Карамчаков тимнеп салған:

• Олаңай кӱресче Россияның саблығ спорт устары Инга Карамчакованы паза Лилия Каскаракованы.
• Олаңай кӱресче Россияның чоннар аразындағы класстығ 5 спорт узы Татьяна Карамчакованы, Инга Карамчакованы, Наталья Карамчакованы, Лилия Каскаракованы, Светлана Ярошевичті.
• СССР-ның паза Россияның 15 азыра спорт узын.

Аның ӱгренҷілері утханнар Европа чемпионадын (7 хати), Тилекей чемпионадының кӱмӱс медальларын (4 хати), Тилекей чемпионадының бронза медальларын тӧрт хати. Ікі хати Тилекей Кубогының Кубогында сыйыхтығ орыннарға турысханнары, СССР-ның чемпионнары паза призёрлары полғаннар, Россияның Кубогын холға киргеннер.

Андрей Карамчаков 42 чыл тренер тоғызын апарған. 800 спортсменнің узын тиліткен, оларның санында 33 спорт узын, чоннар аразындағы класстығ 6 кізіні паза Россияның 2 саблығ спорт узын тимнеп салған.

Сыйыхтар паза аарластығ аттар

• 1990 чылдаң 2009 чылға теере чыл сай «Хакас Республиканың иң артых тренері» полыбысчаң.
• Хакасияда ипчілер кӱрезін тиліткен, аны сабландырған ӱчӱн, А. А. Карамчаковха «Россияның саблығ тренері» (1993), «Хакас Республиканың физическай культуразынҷа паза спортынҷа саблығ тоғынҷызы» аарластығ аттар пирілген(1998), Россия Федерациязының физическай культуразының саблығ тоғынҷызы (2020).
• Халых сыйыхтары — «Хакасияа чахсы киректер ӱчӱн» (2011) паза «Чахсы киректер ӱчӱн» орденнернең (2013) сыйыхтатхан.

Хынған кирее

Хоос кинделерін хығырарға хынча.

Алған орын

Ссылкалар

• Карамчаков Андрей Алексеевич  (рус.). beyakraeved.ucoz.ru. Дата обращения: 24 Кічіг хырлас айы 2025.
• Карамчаков Андрей Алексеевич  (рус.). nbdrx.ru. Дата обращения: 24 Кічіг хырлас айы 2025.