Ербягин, Александр Иосифович
| Александр Иосифович Ербягин | |||
|---|---|---|---|
 | |||
| Тӧреен кӱні | 1919 | ||
| Тӧреен чирі | |||
| Ӱреен кӱні | 30 орғах айы 1972 | ||
| Ӱреен чирі | |||
| Гражданство |
 СССР, Россия |
||
| Айғасчатхан кирее | Конюх | ||
| Сыйыхтар паза премиялар |
|
||
Алекса́ндр Ио́сифович Ербя́гин (1919, Сыра аймағы, Кидеркі Сибирь крайы[d] — 30 орғах айы 1972, Оспа аал[d], Хызылчар крайы[d]) — совет ат кӧрҷең кізізі, Социалистическай Ӏстеніс Матыры (1949). Илбек Адалығ чаа араласчызы.
Чуртас чолы
Александр Иосифович Ербягин 1919 чылда Сукин аалда (амғы туста — Хакасияның Сыра аймағы) тӧреен. Хара кічігдең сығара Кировтың адынаң колхозта хой хадарҷаң, анаң Хакас автоном облазының Орджоникидзе аймаандағы «Ӱӱстегі» совхозтың 4 № фермазында мал кӧрҷең полып істенген[1].
Илбек Адалығ чаа пасталғанда, Хакас автоном облазының Сыра аймаандағы чаа комиссариадынаң Тоғысчы-кресеннер Хызыл Армиязына службаа тартылған. 186-ҷы атығҷылар дивизиязы санында чааласхан, Карел-Фин Советскай Социалистическай Республикадағы чаалазығларда араласхан, алҷаас пол парып, сағба чох чіт парғанға саналған[2].
Чаа соонаң демобилизацияа кірген. Ада чирінзер айлан киліп, «Ӱӱстегі» совхозта анаң андар ат кӧрҷең полып тоғынған. Ағаа пирілген аттарны чахсы кӧріп, тӱзімніг тоғызын кӧзіткен. 1948 чылда ат хазаазында 32 пиидең 32 хулун ӧскіріп алған. Пазағы чылларда совхозта анаң андар істенген[1].
Орджоникидзе аймаандағы Оспа аалда чуртаан. 1972 чылның орғах айының 30-ҷы кӱнінде ӱреен[1][3].
Сыйыхтар
- Социалистическай Ӏстеніс Матыры хазна сыйиинаң хада Ленин ордені паза 4190 номерліг «Серп и Молот» медаль пирілген (1949 чылның от айының 16-ҷы кӱнінде, «1948 чылда мал ӧскірізінде пӧзік тӱзімге читкен ӱчӱн»);
- медальлар.
Хумартхы
Ербягиннің ады Ағбанның Матырлар аллеязында Социалистическай Ӏстеніс Матырларына турғызылған таста[4], ідӧк 2023 чылның орғах айында Копьёвта Орджоникидзе аймааның Социалистическай Ӏстеніс Матырларына азылған хумартхы чардыда пазылых[5].
Алған орын
- ↑ 1 2 3 Александр Иосифович Ербягин. «Герои страны» сайт.
- ↑ Донесение о потерях. Память народа. Дата обращения: 25 Кӧрік айы 2026.
- ↑ Календарь памятных и знаменательных дат Орджоникидзевского района. or19.ru. Дата обращения: 25 Кӧрік айы 2026.
- ↑ Ербягин Александр Иосифович. МБУК «Абаканская централизованная библиотечная система». Дата обращения: 25 Кӧрік айы 2026.
- ↑ Сегодня в торжественной обстановке состоялось открытие мемориальной доски Герои Социалистического труда Орджоникидзевского района. infoabakan.ru. Дата обращения: 25 Кӧрік айы 2026.