Евсеенко, Степан Максимович
| Степан Максимович Евсеенко | |||||
|---|---|---|---|---|---|
 | |||||
| Тӧреен кӱні | 1920 | ||||
| Тӧреен чирі | |||||
| Ӱреен кӱні | пілдізі чох | ||||
| Хазна | |||||
| Айғасчатхан кирее | чазы тоғызы | ||||
| Сыйыхтар паза премиялар |
|
||||
Степа́н Макси́мович Евсе́енко (1920, Піҷі пилтірі аал[d], Московскай аал чӧбі — пілдізі чох) — аал хонииндағы совет тоғынҷызы, Социалистическай Ӏстеніс Матыры (1949). Илбек Адалығ чаа араласчызы.
Чуртас чолы
Степан Евсеенко 1920 чылда Пічі пилтірі аалда (амғы туста — Хакасияның Ағбан пилтірі аймағы, пасха танығларнаң, амғы Хызылчар крайындағы Идринскай аймахтың Шадрин аалында) тӧреен. Школаның пасталығ класстарын тоос салып, Хызылчар крайындағы Хакас автоном облазының Ағбан пилтірі аймаандағы Кировтың адынаң колхозта тоғынған. 1940 чылның чарыс айында Тоғысчы-кресеннер Хызыл Армиязына службаа тартылған[1].
1941 чылның ӱртӱн айының 23-ҷі кӱнінең сығара Илбек Адалығ чаа фронттарында араласхан. 26-ҷы атығҷылар дивизиязында, 45-миллиметр тирігнің командирі полып, чааласхан. 1941 чылның кічіг хырлас айының 10-20 кӱннерінде аның холындағы расчёт, кӧні кӧстегнең атып, 8 блиндажнаң дзотты чох идібіскен. 1942 чылның азығ айының 25-ҷі кӱнінде Алтынзархы-Кидеркі фронтха чаанаң кірчеткен туста аар палығлатхан. Имненген соонаң хазии хоостыра служба иртерге чарабас пол парып, СССР-ның Тирігліг кӱстерінең сығарылған[2].
Ада чирінзер айланып, хатап Кировтың адынаң колхозта тоғын сыххан. Ӏстеністе пӧзік салтарға читкен, пос хониинда алнында парчатхан тоғысчылар санына кірген, чазы звенозының звеньевойына сығарылған[3]. Иң тӱзімніг тоғызын 1948 чылда кӧзіт пирген, андада аның устаандағы ӧме ағаа пирілген полған на 27,2О гектар чирдең ортымахти 31,6 центнер пуғдай алған.
Пазағы ӱлӱзі пілдістіг нимес[1].
Сыйыхтар
- Социалистическай Ӏстеніс Матыры хазна сыйиинаң хада Ленин ордені паза 3019 номерліг «Серп и Молот» медаль пирілген (1949 чылның азығ айының 21-ҷі кӱнінде, «пуғдайның пӧзік сығызы ӱчӱн»);
- 2 Ленин ордені (1948 чылның хосхар айының 12-ҷі кӱні, 1949 чылның азығ айының 21-ҷі кӱні);
- медальлар, ол санда «Махачызы ӱчӱн» медаль[1].
Алған орын
- ↑ 1 2 3 Степан Максимович Евсеенко. «Герои страны» сайт.
- ↑ Евсеенко Степан Максимович. Память народа. Дата обращения: 25 Кӧрік айы 2026.
- ↑ Вечная слава Героям Социалистического Труда! Красноярская газета. Дата обращения: 25 Кӧрік айы 2026.