Доможаков, Митрофан Николаевич

РУВИКИ проектте пу фамилиялығ пасха кізілердеңер статьялар парлар, кӧр. Доможаков.

Митрофан Николаевич Доможаков
Тӧреен кӱні	18 улуғ хырлас айы 1906({{padleft:1906|4|0}}-{{padleft:12|2|0}}-{{padleft:18|2|0}})
Тӧреен чирi	Томыҷахтар, амғы тустағы Ағбан пилтірі аймағы, Хакас Республика
Ӱреен чылы	28 хосхар айы 1990({{padleft:1990|4|0}}-{{padleft:4|2|0}}-{{padleft:28|2|0}}) (83 час)
Ӱреен чирi	Томыҷахтар аал, Ағбан пилтірі аймағы, Хакасская АО
Хазна	СССР
Войско кӧрімі	инженер войсколары
Служба чыллары	1941—1946
Аарластығ ады
Чаалазағлар/чаалар	Илбек Адалығ чаа
Сыйыхтар паза премиялар

Митрофан Николаевич Доможаков (18 улуғ хырлас айы 1906, Ағбан пилтірі аймағы — 28 хосхар айы 1990, Ағбан пилтірі аймағы, Хызылчар крайы^[d]) — Совет армиязының рядовойы, Илбек Адалығ чаа араласчызы, Сабланыс орденінің толдыра кавалері.

Чуртас чолы

Митрофан Николаевич Доможаков 1906 чылның улуғ хырлас айының 18-ҷі кӱнінде Томыҷахтар аалда (амғы туста — Хакас Республикадағы Ағбан пилтірі аймааның Томыҷахтар аалы) тӧреен. Школаның тӧрт клазын тоозып, совхозта чабан полып істенген. 1941 чылның чарыс айында Тоғысчы-кресен Хызыл Армиязына службаа тартылған паза [[[Илбек Адалығ чаа|Илбек Адалығ чааның]] фронтына ызылған. 13-ҷі гвардия атығҷылар корпузының 51-ҷі алынҷа сапёр батальонының сапёры полып, Кидеркі, Сталинградтағы, 4-ҷі Украина, 1-ғы Прибалтика, 3-ҷі Белорус фронттарында чааласхан.

Чаалазығларда нинҷе-нинҷе хати махачы хылиин кӧзіткен. Ӏди, 1945 чылның кӱрген айының 13-ҷі кӱнінің хараазынаң 14-ҷі кӱніне Доможаков, ыырҷының атызы тузында хайынып, Ӏскеркі Пруссияның Вальтер-Камен чирінде (амғы туста — Калининград облазындағы Гусев аймааның Ольховка посёлогы) немецтер эмектең иткен тулғағ ӧтіре иртчең чир идібіскен. Аның сылтаанда пехота атакаа пар сыххан паза сах андох траншеяларның пастағы чолын холға киріп алған. Аның ӱчӱн 1945 чылның азығ айының 11-ҷі кӱнінде Доможаков 3-ҷі синніг Сабланыс орденінең сыйыхтатхан.

1945 чылның азығ айының 21-ҷі кӱнінде Земланд чарым олтырығындағы Куменен чирде (амғы туста — Калининград облазының Зеленоград аймааның Кумачёв посёлогы) Доможаков ыырҷының танктар атаказы пасталар алнында миналар турғыс салған. Чаалазығның иң хыызында ол автоматнаң ыырҷының 2 солдадын ат салған, пасха десантниктерні тискірген. Дальвенен сариндағы 111,4 пӧзік чирні штурмға алчатханда, Доможаков пастағылар санында немец траншеяларынзар атығып, тудызып, ыырҷы солдадын чох иткн. Аның ӱчӱн 1945 чылның кӧрік айынын 21-ҷі кӱнінде 2-ҷі синніг Сабланыс орденінең сыйыхтатхан.

1945 чылның хосхар айының 5-6 кӱннерінде Доможаков Кёнигсбергтің штурмында араласхан. Позының участогында ыырҷаа кірер алнында арачыланыстың пастағы хырында миналарны маңнаныстығ хыя идібіскен. Город кварталлары ӱчӱн чаалазығлар тузында штурм отряды санында ыырҷы чиріне кинетін кіріп, граната тастабызып, ыырҷының пис солдадын чох идібіскен. 1945 чылның хосхар айының 7-ҷі кӱнінде Кёнигсберг ӱчӱн чаалазығда Доможаков аар палығлатхан. 1945 чылның хандых айының 29-ҷы кӱнінде СССР-ның Ӧӧркі Чӧбінің Президиумының чахиинаң 1-ғы синніг Сабланыс орденінең сыйыхтатхан.

1946 чылның сілкер айында Доможаков демобилизацияа кірген. Тӧреен чирінзер айланып, совхозта чабан тоғызын узаратхан. 1990 чылның хосхар айының 28-ҷі кӱнінде ӱреен, Хакас Республиканың Ағбан пилтірі аймаандағы Томыҷахтар аалындағы сыыратта сӧӧгі чатча.

Сыйыхтар

• 1-ғы синніг Адалығ чаа ордені (06.04.1985);
• 1-ғы синніг Сабланыс ордені (29.06.1945);
• 2-ҷі синніг Сабланыс ордені (21.03.1945);
• 3-ҷі синніг Сабланыс ордені (11.02.1945);
• «Махачызы ӱчӱн» (19.10.1944), «Чааласхан ӱчӱн» (21.10.1943), «Сталинградты арачылаан ӱчӱн» (11.03.1944) паза пасха медальлар.

Хумартхы

Сабланыс орденінің толдыра кавалері Доможаковтың ады Ағбандағы Чиңіс паркының Матырлар аллеязындағы хумартхы таста таныхталых.

Алған орын

Литература

• Кавалеры ордена Славы трёх степеней: краткий биографический словарь. — М., 2000.

Ссылкалар

• Митрофан Николаевич Доможаков  (рус.). «Герои страны» сайт.