Город-матырлар

Рувики тiп сайттаң
Сыныхталған статья
Пу терминнің пасха даа тузалары пар, кӧр. Город-матырлар (тузалар).
Город-матырлар (СССР-ның Европа чардығы)
Точка
   Брест
   крепозы
Точка
Ленинград
Точка
Волгоград
Точка
Одесса
Точка
Севастополь
Точка
Москва
Точка
Киев
Точка
Новороссийск
Точка
Керчь
Точка
Минск
Точка
Тула
Точка
Мурманск
Точка
Смоленск
СССР-ның Европа чардығының картазындағы город-матырлар

Город-матыр (Города-герои)[1] — аарластығ ат, ағаа 1941-1945 чыллардағы Илбек Ада чаада махачы арачыланызынаң саблан парған СССР-ның 12 городы паза 1 крепость турысхан[2].

Пу аарластығ ат пирілген мындағ городтарға: Москва[3], Ленинград ( 1991 чылдаң сығара — Санкт-Петербург), Сталинград (1961 чылдаң сығара — Волгоград), Киев, Одесса, Севастополь, Новороссийск, Керчь, Минск, Тула, Мурманск, Смоленск паза Брест крепозы (чалғыс крепость-матыр)[2].

Город-матыр аарластығ атха турысханнарға Ленин ордені, «Алтын чылтыс» медаль, СССР-ның Ӧӧркі Чӧбінің Президиумының пічии пирілче. Таныхтылған городтарда стелалар, СССР-ның Ӧӧркі Чӧбінің Президиумының Чахииның аарластығ атты пирердеңер тексттіг хумартхы тастар турғызылғаннар[4].

2023 чылда 9 город-матыр Россия Федерациязының чирінде орныхча, 2 —Белоруссияда, 2 — Украинада[2].

Тархын

[тӱзедерге | код тӱзедерге]

«Город-матырға Ленинградха» хумартхы тас, площадь Восстания, Санкт-Петербург

«Город-матыр» оңнағ пастағызын на СССР-ның Ӧӧркі главнокомандующийнің 1 майда 1945 чылда сыххан 20 № «СССР-ның 4 городының арачыланызы ӱчӱн медальларны тӧстирінеңер» (Ленинград, Сталинград, Севастополь паза Одесса) Чахиинда пол килген[5].

21 июньда 1961 чылда СССР-ның Ӧӧркі Чӧбінің Президиумының «„Киевтің арачыланызы ӱчӱн“ медальны тӧстирінеңер» Чахиинаң Город-матыр ат Киевке пирілген[6].

Хазна сыйии чіли Город-матыр аарластығ ат 8 майда 1965 чылда Илбек Ада чааның Чиңізіне 20 чылына удур СССР-ның Ӧӧркі Чӧбінің Президиумының Чахиинаң кирілген[7].

СССР-ның Ӧӧркі Чӧбінің паза читі Чахии сыххан, оларның хоостыра, Волгоград (1961 чылға теере — Сталинград), Севастополь, Ленинград, Одесса, Москва, Киев паза Брест крепозы Город-матыр аарластығ атха турысханнар[8], оларға Ленин ордені паза «Алтын Чылтыс» медаль читірілгеннер. Городтар чирінде СССР-ның Ӧӧркі Чӧбінің Президиумының Чахииның текзі пазылған хумартхы тастар турғызылғаннар.

18 июльда 1980 чылда «Город-матыр» оңнағ 8 майда 1965 чылда сыххан Чарадығ хоостыра алыстырылған: анда аарластығ аттаңар нимес, че иң пӧзік отличие степеньі — Город-матырдаңар чоох парған[9].

14 сентябрьда 1973 чылда Город-герой званиенең Керчь паза Новороссийск таныхталғаннар, 26 июньда 1974 чылда — Минск, 7 декабрьда 1976 чылда — Тула, 6 майда 1985 чылда - Мурманск паза Смоленск[10][8].

Илбек Ада чаа чиңізінің 70 чылына (2015 ч.) Город-матырларға саңайға Чиңіс хылыстары пирілгеннер. Златоустта (Челябинск облазы) тимнелген танығлығ хылыстар пӧзік пробалығ алтыннаң иділгеннер паза Уралдағы самоцветтернең — гранаттарнаң ( тӧгілген ханның тании) паза кӧгілбей топазтарнаң (амыр чуртас тании) — чазалғаннар. Хылыстың пір саринда князь Александр Невскийнің сӧстері киртілгеннер: «Кто с мечом к нам придет, тот от меча и погибнет»[11].

1988 чылда СССР-ның Ӧӧркі Чӧбінің Президиумының чарадии сыххан, аның хоостыра Город-матыр звание пирілбин сыххан [10].

Город-матырлар паза крепость-матыр

[тӱзедерге | код тӱзедерге]
№ Ады СССР-ның ӦЧ-ның Президиумының
званиені пирердеңер
Чахииның кӱні 		Амғы тустағы
хазнаға
теелізі
1 Ленинград (1991 чылдаң сығара — Санкт-Петербург) 8 майда 1965 чылда[* 1]  Россия
2 Одесса 8 майда 1965 чылда[* 1]  Украина
3 Севастополь 8 майда 1965 чылда[* 1]  Россия
4 Волгоград (1961 чылға теере — Сталинград) 8 майда 1965 чылда[* 1]  Россия
5 Киев 8 майда 1965 чылда[* 2]  Украина
6 Брест крепозы 8 майда 1965 чылда  Белоруссия
7 Москва 8 майда 1965 чылда  Россия
8 Керчь 14 сентябрьда 1973 чылда  Россия
9 Новороссийск 14 сентябрьда 1973 чылда  Россия
10 Минск 26 июньда 1974 чылда  Белоруссия
11 Тула 7 декабрьда 1976 чылда  Россия
12 Мурманск 6 майда 1985 чылда  Россия
13 Смоленск 6 майда 1985 чылда  Россия
  1. ↑ 1 2 3 4 Указ о вручении медали «Золотая Звезда»; городом-героем назван в приказе № 20 Верховного главнокомандующего от 1 мая 1945 года
  2. ↑ Указ о вручении медали «Золотая Звезда»; городом-героем назван в Указе Президиума Верховного Совета СССР от 21 июня 1961 года «Об учреждении медали „За оборону Киева“»

Ленинград[тӱзедерге | код тӱзедерге]

Ленинград хурчаа 8 сентябрьда 1941 чылда пастал сыххан. Город чуртағҷылары астап, соох хысхыларны паза бомбардировкаларын тобырып, 900-ке чағын кӱн сыдасханнар[12]. Пір миллион азыра кізі ӱреен. Тың ӧзӧккен полза даа, Лениград чоны оборона предприятиелерінде тоғынған, чон ополчениезінің дивизиязында чааласхан. Хызыл Армия городты 27 январьда 1944 чылда ыырҷылар холынаң позытхан[13].

Одесса[тӱзедерге | код тӱзедерге]

Хызыл Армияның чааҷылары паза город чуртағҷылары сыдамах хылыхтарын 73 кӱнге тартылған матыр Одессаның арачыланызында кӧзіткеннер. Хызыл Армия чааҷылары ӱс айҷа ыырҷыдаң тоғыр кӱрескеннер. Вермахттың саринаң 30 муң кізі ӱреен, 200 азыра самолёт паза 100 танк чох иділген[14].

Керчь[тӱзедерге | код тӱзедерге]

Керчь ӱчӱн чаалазығлар Илбек Ада чааның иң хан тӧгілістіглер санында. Немец авиациязы городты прай даа чох иткен[15]. 11 апрельде 1944 чылда хызыл армеецтер Керчьті ыырҷы холынаң позытханнар. Кавказта Гитлернің войсколарын унатханы паза Хызыл Армияның Таманскай чарым олтырыхха сыхханы Крым чарым олтырыхты позыдарының пасталғаны полған[16].

Москва[тӱзедерге | код тӱзедерге]

1941–1942 чыллардағы Москва ӱчӱн чаалазығ Илбек Ада чааның танығлығ чардығы полча. Вермахттың частьтары Москвадаң 250 км-ге оортах тасталғаннар, ыырҷы холынаң онар муң аал-городтар позыдылғаннар[17][18].

Смоленск[тӱзедерге | код тӱзедерге]

Смоленск пастағызын 24 июньда 1941 чылда бомбардировка кӧрген . 10 июльда 1941 чылда Смоленсктегі чаалазығ пасталған, ол 10 сентябрьға теере узарадылған. Хызыл Армия улуғ чідіг апарған полза даа, ыырҷыны соохтарға теере позытпаан. Іди «Барбаросса» операция чуртасха кирілбеен[19].

Новороссийск[тӱзедерге | код тӱзедерге]

Новороссийск Тамань чарым олтырыхтың арачыланызында танығлығ город полған. Хызыл Армияның чааҷылары ӱр тоғырланған даа ползалар, вермахттың кӱстері городтың улуғ чардығын 1942 чылның ӱртӱн айындох холға киргеннер. 4 февральда 1943 чылдаХызыл Армияның десантниктері Новороссийсктің ӱстӱнзархы чиріндегі улуғ нимес плацдармны холға алғаннар (Малая Земля). Аны хызыл амреецтер 225 кӱн холда тутханнар[20].

Брест крепозы[тӱзедерге | код тӱзедерге]

22 июньда 1941 чылда 4:15 иртен пастап артиллерия Брест крепозынҷа атхан. Немец войсколары кӱзінең, техниказынаң кӱстіг дее ползалар, Хызыл Армияның офицерлері пір айға вермахттың кӱстерін тут халғаннар. Іди Гитлернің СССР-ны табырах чиңіп алар пӧгіні Илбек Ада чаа пасталарынаңох сайбал парған. Брест облазындағы оккупация тузында 200 муң азыра кізі ӱреен[21].

Севастополь[тӱзедерге | код тӱзедерге]

Илбек Ада чаада фашист авиациязының атызына пастағы городтар санында Севастополь кірген. Севастопольның матыр арачыланызы 250 кӱнге читкен. Вермахттың иң артых подразделениелері город алнында чох иділгеннер. Севастополь ӱчӱн чаалазығда вермахттың командованиезі 300 муң кізі чідірген[22].

Волгоград (Сталинград)[тӱзедерге | код тӱзедерге]

Сталинград ӱчӱн чаалазығ 1842 чылның от айының ортызынаң сығара 1943 чылның азығ айына теере парған. Илбек Ада чааның иң улуғ паза хан тӧгілістіг чаалазығлар санына кірген. Чаалазығ 200 кӱн паза хараа апарылған. Ыырҷы ибірілген, генерал Паулюс (6-ҷы армиянаң устағҷызы, Барбаросса пӧгіннің авторларының пірсі) сӱріге кірген[10].

Тула[тӱзедерге | код тӱзедерге]

Илбек Ада чаа тузында Тула вермахттың кӱстерінің алнындағы ӱстӱнзархы форпосты полған. Туладағы арачыланыс операциязы — Илбек Ада чааның иң танығлығ чаалазығларының пірсі полча. Ол 1941 чылның 29 октябрьынаң сығара 5 декабрьға теере апарылған. Город ыырҷыны позытпаан. 1942 чылның кӱрген айына Тула паза Тула облазы позыдылғаннар[23].

Мурманск[тӱзедерге | код тӱзедерге]

Городты 22 июньда 1941 чылдох бомбаларнаң тастап сыхханнар. Вермахт кірген тус аразына Мурманск прай даа изел парған, че город чуртағҷылары паза Хызыл Армияның чааҷылары ыырҷы холына аны пирбееннер. 1944 чылның чарыс айында Хызыл Армия пір ай чарым аразына Заполярьедегі немец войсколарының группировказын унада сапхан[24].

Киев[тӱзедерге | код тӱзедерге]

Киевтегі чаалазығлар Илбек Ада чаа пасталарынаңох апарыл сыхханнар. Киевтің матыр арачыланызы 72 кӱн апарылған. Вермахттың городты табырах холға кирҷең пӧгіннерін сайбабысхан. Че город оккупацияа кірген, ыырҷы холында 700 азыра кӱн полған. 1943 чылның улуғ хырлас айында Хызыл Армия городты ыырҷыдаң позытхан[25].

Минск[тӱзедерге | код тӱзедерге]

Минск город оккупацияда 1100 кӱн полған. Ол тус аразына городта партизаннар чӧрімнері хайынғаннар. 1943 чылға оккупациядағы чарымы артиинаң чирлерні партизаннар отрядтары холға киргеннер. 3 июльда 1944 чылда Хызыл Армия Минскті ыырҷы холынаң позытхан[26].

Хумартхы тастар

[тӱзедерге | код тӱзедерге]
  • «Волгоград Город-матырға» хумартхы тас

    «Волгоград Город-матырға» хумартхы тас

  • «Киев Город-матырға» хумартхы тас

    «Киев Город-матырға» хумартхы тас

  • «Ленинград Город-матырға» хумартхы тас

    «Ленинград Город-матырға» хумартхы тас

  • Moscow the hero city.jpg

    «Москва Город-матырға» хумартхы тас

  • «Одесса Город-матырға» хумартхы тас

    «Одесса Город-матырға» хумартхы тас

  • «Севастополь Город-матырға» хумартхы тас

    «Севастополь Город-матырға» хумартхы тас

Мемориаллар

[тӱзедерге | код тӱзедерге]

СССР-ның филателиязындағы Город-матырлар (1965 ч.)

[тӱзедерге | код тӱзедерге]
  • Брест крепозы

    Брест крепозы

  • Волгоград

    Волгоград

  • Киев

    Киев

  • Ленинград

    Ленинград

  • Москва

    Москва

  • Одесса

    Одесса

  • Севастополь

    Севастополь

Алған орын

[тӱзедерге | код тӱзедерге]
  1. ↑ Сталин И. В. Сочинения / Редактор: Титов А. И. — М.: ИТРК, 2010. — Т. 15, ч 1. — С. 218—221. — ISBN 978-5-8801-0260-0.
  2. ↑ 1 2 3 Город-герой. Kremlin.ru. Дата обращения: 7 Ӱртӱн айы 2023.
  3. ↑ Указ Президиума Верховного Совета СССР от 8 мая 1965 г. N 3560-VI "О присвоении городу Москве почетного звания "Город-Герой". ГАРАНТ. Дата обращения: 7 Ӱртӱн айы 2023.
  4. ↑ Указ Президиума Верховного Совета СССР от 8 мая 1965 г. N 3566-VI "Об утверждении Положения о высшей степени отличия - звании "Город-Герой" (с изменениями и дополнениями). ГАРАНТ. Дата обращения: 7 Ӱртӱн айы 2023.
  5. ↑ Приказ Верховного Главнокомандующего от 1 мая 1945 г. №20. Президентская библиотека им. Б.Н. Ельцина. Дата обращения: 7 Ӱртӱн айы 2023.
  6. ↑ Указ Президиума ВС СССР от 21.06.1961. Libussr.ru|Интернет архив законодательства СССР. Дата обращения: 7 Ӱртӱн айы 2023.
  7. ↑ Указ Президиума Верховного Совета СССР от 8 мая 1965 г. N 3566-VI "Об утверждении Положения о высшей степени отличия - звании "Город-Герой" (с изменениями и дополнениями). ГАРАНТ. Дата обращения: 7 Ӱртӱн айы 2023.
  8. ↑ 1 2 Что известно о почетных званиях городов в России. ТАСС (5 Ӱртӱн айы 2022). Дата обращения: 7 Ӱртӱн айы 2023.
  9. ↑ "Города-герои": история статуса, критерии присвоения звания и награды. ТАСС (7 Сілкер айы 2015). Дата обращения: 7 Ӱртӱн айы 2023.
  10. ↑ 1 2 3 Николаева Н. 12 городов-героев и Брестская крепость. Regnum (9 Сілкер айы 2020). Дата обращения: 7 Ӱртӱн айы 2023.
  11. ↑ В Совете Федерации российским городам–героям вручены памятные «Мечи Победы». Совет Федерации Федерального Собрания Российской Федерации (8 Сілкер айы 2015). Дата обращения: 7 Ӱртӱн айы 2023.
  12. ↑ День снятия блокады Ленинграда: дата, история полного освобождения города. РИА Новости (23 Кӱрген айы 2023). Дата обращения: 7 Ӱртӱн айы 2023.
  13. ↑ Наводничая А. Города-герои. Ленинград. Regnum (5 Сілкер айы 2020). Дата обращения: 7 Ӱртӱн айы 2023.
  14. ↑ 5 августа 1941 года началась героическая 73-дневная оборона Одессы. Российское историческое общество (5 Орғах айы 2023). Дата обращения: 7 Ӱртӱн айы 2023.
  15. ↑ В Керчи с почестями перезахоронили останки 253 красноармейцев, освобождавших город. ТАСС (3 Улуғ хырлас айы 2021). Дата обращения: 7 Ӱртӱн айы 2023.
  16. ↑ Наводничая А. Города-герои. Керчь. Regnum (8 Сілкер айы 2020). Дата обращения: 7 Ӱртӱн айы 2023.
  17. ↑ Клещенко А. В чём разница между «городом-героем» и «городом воинской славы»? Аргументы и Факты (8 Сілкер айы 2014). Дата обращения: 7 Ӱртӱн айы 2023.
  18. ↑ Переломный момент Великой Отечественной войны - Битва за Москву. Всероссийское детско-юношеское военно-патриотическое общественное движение ЮНАРМИЯ (7 Ӱртӱн айы 2021). Дата обращения: 7 Ӱртӱн айы 2023.
  19. ↑ Город-Герой Смоленск. Федеральная служба государственной статистики по Смоленской области. Дата обращения: 7 Ӱртӱн айы 2023.
  20. ↑ Насртдинова Ю. Город-герой Новороссийск. Россия Сегодня. Дата обращения: 7 Ӱртӱн айы 2023.
  21. ↑ Наводничая А. Города-герои. Брестская крепость. REGNUM (1 Сілкер айы 2020). Дата обращения: 7 Ӱртӱн айы 2023.
  22. ↑ Оборона Севастополя в годы Великой Отечественной войны. РИА Новости (7 Хосхар айы 2015). Дата обращения: 7 Ӱртӱн айы 2023.
  23. ↑ Тульская оборонительная операция. Российское общество «Знание». Дата обращения: 7 Ӱртӱн айы 2023.
  24. ↑ Серова П. Города-герои. Мурманск. REGNUM (7 Сілкер айы 2020). Дата обращения: 7 Ӱртӱн айы 2023.
  25. ↑ Город - Герой Киев. Всероссийский государственный университет юстиции. Дата обращения: 7 Ӱртӱн айы 2023.
  26. ↑ Неоценим вклад белорусского народа в достижение Великой Победы. Организация Договора о коллективной безопасности (17 Хосхар айы 2020). Дата обращения: 7 Ӱртӱн айы 2023.

Ссылкалар

[тӱзедерге | код тӱзедерге]

ссылка на KML  Города-герои Google Maps  KMZ (файл меток KMZ для Google Earth)

Алған орны - https://kjh.ruwiki.ru/w/index.php?title=Город-матырлар&oldid=61422