Вяткин, Геннадий Африканович

Рувики тiп сайттаң
Геннадий Африканович Вяткин
Геннадий Африканович Вяткин.jpg
Флаг
Хакас автоном облазының істенҷілерінің областьтағы толдырығ комитедінің депутаттарының 1-ғы кнес хачызы
1982 — 1990 чыл
Тӧреен кӱні 15 орғах айы 1928({{padleft:1928|4|0}}-{{padleft:8|2|0}}-{{padleft:15|2|0}})
Минсуғ, Хызылчар крайы
Ӱреен кӱні 22 хандых айы 1994({{padleft:1994|4|0}}-{{padleft:6|2|0}}-{{padleft:22|2|0}}) (65 час)
Ағбан, Хакас Республика, Россия Федерациязы
Ӱгредии В. В. Куйбышевтің адынаң Новосибирсктегі инженер-пӱдіріг институды
Сыйыхтары
«Аарлас Тании» орден «Аарлас Тании» орден «Аарлас Тании» орден SU Medal For Valiant Labour in the Great Patriotic War 1941-1945 ribbon.svg
ZS RSFSR.jpg СССР-ның Министрлер Чӧбінің сыйии

Геннадий Африканович Вяткин (15 орғах айы 1928, Минсуғ, Хызылчар крайы[d] — 22 хандых айы 1994, Ағбан) — совет хазна паза халых деятельі, Хакас автоном облазының толдырығ комитедінің кнезінің пастағы орынҷызы (1962—1990); РСФСР-ның саблығ пӱдірігҷізі (1974), СССР-ның Министрлер Чӧбінің сыйииның лауреады (1977), Ағбанның Аарластығ кізізі (1978), СССР-ның Архитекторлар пірігізінің кізізі (1960).

Чуртас чолы

Минсуғдағы служащайлар Африкан Никифорович паза Анастасия Ильинична Вяткиннернің сӧбірезінде тӧреен. 1932 чылда сӧбіре Ағбанзар кӧс парыбысхан. 3 № школаны тоозыбызып, 1943 чылда городтағы чарытхы паза телефон станцияларының монтеры полып тоғын сыххан. 1948 чылда Хакас аал хонии техникумын тоос салған. Анаң Хакасияның паза Туваның  (орыс) (рус. ВЛКСМ обкомында тоғынған, Кызылдағы ВЛКСМ горкомының пастағы хачызы полған (1950—1951)[1].

1951 чылның чарыс айынаң сығара Хакас автоном облазының пӱдіріг пірігістерінде істенген («Росгипроводхозтың» Ағбандағы пӧлии, «Главкрасноярскстрой» трест). 1958 чылда В. В. Куйбышевтің адынаң Новосибирсктегі инженер-пӱдіріг институдының  (орыс) (рус. ӧнетін факультедін тоос салған.

1959 чылда пӱдіріг паха архитектура киректерінҷе устаныстың пастығына, областьтың ӧӧн архитекторына турғызылған. 1962 чылда — Хакас облазының толдырығ комитедінің кнес орынҷызына. 1982 чылда облисполком кнезінің пастағы орынҷызына табылған.

Вяткин Соян чир-производство комплекзінің  (орыс) (рус. тиліс чолын (1970—1980 чыллар), Ағбанның паза Ағбан пилтірі посёлоктың инженер арачыланызы проектін тимнирінде паза аның чуртасха кирілерінде, Радио туразы, драма паза кӧклӧлер театрларының, «Сояннар» спорт ӧргезінің паза пасха объекттернің пӱдіриинде араласхан[2]. 1969 чылда улуғ хырлас айында пӱдірілген «Орбита» станция хоостыра Ағбан Сибирьдегі городтар аразында ӧңніг сигналны алғаннарның пастағҷылар санында пол парған.

Аның пастаанда Хакасияның пӱдіріг индустриязы, чол пӱдірии тиліп сыххан. Хакасияның автомобильлер чолы Сибирьде паза Ыраххы Востокта артыхтар санына кірген[3]. СССР-ның Архитекторлар пірігізінің Хакасиядағы пӧлиин тӧстеен пастағҷы (1975 чыл).

1990—1994 чылларда — Хакас Республиканың Ӧӧркі Чӧбінің кнезі В. Н. Штыгашевтің полысчызы.

Сыйыхтар

Геннадий Вяткин «Илбек Ада чаа тузындағы махачы істенізі ӱчӱн» медальнаң, «Аарлас тании» ӱс орденнең (1966, 1971, 1981), медальларнаң сыйыхтатхан. СССР-ның Аэрофлота Отличнигі полча. 1994 чылда Архитектура паза пӱдіріг киреендегі Г. А. Вяткиннің адынаң Хакас Республиканың Правительство сыйии тӧстелген. Ағбандағы ӧӧн орамаларның пірсі аның адын ал чӧрче. Городтың Аарластығ кізізі Геннадий Вяткин чуртаан тураның тастында хумартхы чардызы хаптырылған.

Сӧбіре

Хызы — Елена Геннадьевна. Оолғы — Владимир Геннадьевич, Хакас Республиканың пӱдіріг паза ЖКХ министрінің орынҷызы, «Хакас Республиканың саблығ пӱдірігҷізі» (2012)[4].

Хумартхызы

2013 чылның орғах айында Хакас Республиканың национальнай архивінде Вяткиннің тӧреенінең пеер 85 чыл толчатханына чарыдып, хазна паза халых тоғызынаң палғалыстығ пос пічіктерінің кӧзідии тимнелген[5].

Хакасияда чыл сай Геннадий Вяткиннің хумартхызына чарыдылған город синіндегі меспектін хоккей марығлары иртчелер[6][7].

Алған орын

  1. ↑ Орешкова, Ю. А. Вяткин Геннадий Африканович (85 лет со дня рождения). // Хакасия — 2013. Календарь знаменательных и памятных дат. — Абакан, 2012. — С. 92
  2. ↑ А. В. Слабуха. Вяткин Геннадий Африканович // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 131. — 5000 экз. — ISBN 978-5-91502-001-5.
  3. ↑ Вяткин Геннадий Африканович. Дата обращения: 10 Орғах айы 2013. Архивировано из оригинала 19 Хандых айы 2013 года.
  4. ↑ Ушел в отставку зам главы Минстроя Хакасии Владимир Вяткин. myseldon.com/ (27 От айы 2020). Дата обращения: 30 Ӱртӱн айы 2025.
  5. ↑ 14 августа 2013 года состоялось открытие выставки архивных документов, посвященной 85-летию со дня рождения Вяткина Геннадия Африкановича. Национальный архив Республики Хакасия (14 Орғах айы 2013). Дата обращения: 30 Ӱртӱн айы 2025.
  6. ↑ Городской турнир по хоккею в Абакане посвятили Геннадию Вяткину. myseldon.com (2 Улуғ хырлас айы 2022). Дата обращения: 2025-0930.
  7. ↑ В Абакане пройдет турнир по хоккею с мячом памяти Геннадия Вяткина. Среда 24 (21 Кічіг хырлас айы 2019). Дата обращения: 30 Ӱртӱн айы 2025.

Литература

  • Брюзгин, В. Вяткин и Абакан. Хакасия и Вяткин: [о бывшем зам. пред. Хакас. облисполкома Г. А. Вяткине] // Абакан. — 1998. — 14 августа.
  • Вяткин Геннадий Африканович // Слабуха, А. В. Архитекторы Приенисейской Сибири. Конец XIX — начало XXI века: иллюстрированный биографический словарь / А. В. Слабуха. — М., 2004. — С.68—69.
  • Полежаев, В. Он был мужем, отцом и, конечно же, заслуженным… строителем : [о заслуж. строителе РСФСР, почет. гражданине г. Абакана Г. А. Вяткине] // Абакан. — 2003. — 13 августа.
  • Самрина, В. «Мой век стоит сейчас…»: [к 70-летию со дня рождения первого зам. пред. Хакас. обл. исполкома по вопр. стр-ва Г. А. Вяткина] // Хакасия. −1998. — 15 августа.
  • Чаптыков, Максим. Я любил тебя, жизнь… Штрихи к портрету XX века. — Абакан, 2008. — 224 с.
  • Орешкова, Ю. А. Вяткин Геннадий Африканович (85 лет со дня рождения). // Хакасия — 2013. Календарь знаменательных и памятных дат. — Абакан, 2012. — С. 92—95.

Ссылкалар

Алған орны - https://kjh.ruwiki.ru/w/index.php?title=Вяткин,_Геннадий_Африканович&oldid=153871