Весенний
| Аал | |
| Весенний | |
|---|---|
| 53°37′10″ с. ш. 90°42′41″ в. д.GЯO | |
| Хазна |
 Россия |
| Федерация субъекті | Хакасия |
| Аймах | Ағбан пилтірі аймағы |
| Аал чирі | Весенний аал чӧбі |
| Тархын паза география | |
| Тӧстелген | 1954 |
| Алнындағы аттар |
1965 теере — Абаканскай хойлар ӧскірҷең совхозтың ӧӧн усадьбазының аалы |
| Час хуры | UTC+7:00 |
| Чон | |
| Чон | |
| Хазна тiлi | хакас, орыс |
| Сан идентификаторы | |
| Почта индекзi | 655140 |
| ОКАТО коды | 95230810001 |
| ОКТМО коды | 95630410101 |
| ГКГН-дағы номер | 0562676 |
|
|
|
| весеннее.рф | |
|
|
|
.svg)
Весенний (орыс. Весеннее — Хакасияның Ағбан пилтірі аймаандағы аалы. Ағбан пилтірі город типтіг посёлоктың ӱстӱнзархы-кидеркі саринзар 80 км оортах чирде орныхча.
Уйбат суғ хазында орныхча. Иң чағын Хапчал тимір чол станциязына читіре — 3 км.
Тӱнӱктер саны — 398, чон — 1141 кізі (01.01.2004). Аал 1954 чылда тӧстелген. Пастағы ады — «Целина» — Хакасияда наа чирлерні асханынаң палғалыстығ. Аалда орытмах тиксі ӱгредіг школазы, библтотека пар.
Тархын
1965 чылда РСФСР-ның Ӧӧркі Чӧбі Президиумының Чахиинаң Абаканскай хойлар ӧскірҷең совхозтың ӧӧн усадьбазының аалы Весеннее атха алыстырылған[2].
Чон
| 2004 | 2010[3] | 2021[4] |
|---|---|---|
| 1141 | ↘725 | ↘724 |
Весенний совхоз
Совхоз 1955 чылда «Абаканский» наа чир тамах совхозы чіли тӧстелген. Аның холына Хапчалдағы «Тувазаготскот» азырал совхозы пирілген. Аның Ӧӧн усадьбазы Хапчал станцияда орныххан. 11 трактор бригадазы полған. Совхоз чирі наа полғанда, 14 - 20 ц/га тамах сыхчаң. 300 тракторлығ совхоз 32 муң. га наа чирні тартыбысхан. Совхозтың тӧрт аалында 150 азыра тура пӱдірілген. 1976 чылда совхоз «Весенний» (орыс. Весененский) адал сыххан. Аның ӧӧн отрасльы — хойлар ӧскірері. Чир чыындызы 63 524 га полған, ол санда 19 980 га хыра чирі. Хоных наа ла ӧсчеткен туста 1748 пас чоон мӱӱстіг мал полған, ол санда 621 інек, 36 727 хой, 625 сосха, 8021 хус. Інектең 698 кг сағҷаңнар, чылда пір хой тӱгі 2,15 кг читчең. 1988 чылда 9,3 ц/га тамах сыххан, хоза азых алчатхан інек 2103 кг сӱт пирген, хой тӱгі 4,6 кг читкен. Наа чирлерні асчатханда, аал хонии пик турған. Анда істенген 100 улус пӧзік правительство сыйыхтарына турысхан, ол санда 5 кізі Ленин орденінең таныхтатхан.
1992 чылда «Весененский» совхоз «Весененское» АОЗТ пол парған, 2002 чылда «Целинник» аал хонии производство комплекзіне айландырылған.
Литература
- Энциклопедия Республики Хакасия : [в 2 т.] / Правительство Респ. Хакасия; [науч.-ред. совет.: В. А. Кузьмин (пред.) и др.]. — Абакан : Поликор, 2007. Т. 1 : [А — Н]. — 2007. — 430, [2] с. : ил., портр. — Библиогр. в конце слов. ст. С. 111., ISBN 978-5-91502-008-4.
Алған орын
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Указ Президиума ВС РСФСР от 09.10.1965 г. "О переименовании некоторых населенных пунктов Хакасской автономной области Красноярского края" // Ведомости Верховного Совета РСФСР. — 1965. — № 41 (14 октября).
- ↑ https://web.archive.org/web/20140729211848/http://hakasstat.gks.ru/wps/wcm/connect/rosstat_ts/hakasstat/resources/b9541d004234bce0bb86ff2d59c15b71/2)+Мужчины+и+женщины.xlsx.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
.gif)
.png)