Ведерников, Алевтин Анатольевич
| Алевтин Анатольевич Ведерников | |
|---|---|
 | |
| Тӧреен кӱні | 22 хандых айы 1940 |
| Тӧреен чирі | |
| Ӱреен кӱні | 17 орғах айы 1984 (44 час) |
| Ӱреен чирі | |
| Хазна | |
| Жанр | живопись |
| Ӱгредіг | |
Алевти́н Анато́льевич Веде́рников (22 хандых айы 1940, Большой Ляждур[d], Куженер аймағы[d], Марий АССР[d], РСФСР[d], СССР[d] — 17 орғах айы 1984, Палты кӧл[d], Сыра аймағы, Хакас автоном облазы, Хызылчар крайы[d], РСФСР[d], СССР[d]) — совет хоосчы-живописезі[1].
Чуртас чолы
1940 чылның хандых айының 22-ҷі кӱнінде Марий Автоном Советскай Социалистическай Республиканың Куженер аймаандағы Большой Ляждур аалда тӧреен[1].
Юледурдағы ортымах школада ӱгретчі полып тоғынған. 1961 чылда Тиксі Союзтағы чайирға хынчатхан хоосчыларның кӧзідиинде араласхан. Анда аның «Колхоз хыраларында» хоозы чахсы паалалған. 1966 чылда Ведерников Чебоксардағы хоос училищезін тоос салған. Йошкар-Оладағы хоос училищезінде преподаватель полған, анаң — Йошкар-Оладағы 1 № олған хоос школазында [2].
1977 чылда Москвада ирткен Тиксі Союзтағы «Всегда начеку» кӧзідігде араласхан. 1977—1978 чылларда Йошкар-Ола городта хоосчының пос кӧзідии ирткен[2].
1983 чылда Хакасиязар кӧс парыбысхан. 1984 чылның орғах айының 17-ҷі кӱнінде Сыра аймаандағы Палты кӧл аалда посха хол салынып ӱреен[1][2].
Чайаачы чолы
Ведерников живопись кӧрімде тоғынған, сырларнаң піліп хоостаҷаң, аймах-пасха жанрларның узы, ідӧк портреттер чайаҷаң[3].
Аның саблығ тоғыстар аразында парлар: «Айланғаны» (1973), «Аар чылларда» (1975) полталығ хоостар; «Мӱндӱргезек» (1971), «Кӧзенек алнында. Ипчізінің портреді» (1973), «Ӏҷе портреді» (1981); «Стерня» (1962), «Яльчик кӧл. Чылығ кӱн» (1971), «Ӱртӱн айы читті» (1977) пейзажтар [2][1].
Ф. Е. Пронскихтің адынаң Ағбандағы хоос галереязында марий хоосчының 200-че чайаачы тоғызы хайраллалча[4].
Алған орын
- ↑ 1 2 3 4 В Абакане открылась выставка картин известного художника Алевтина Ведерникова. ИА Красная Весна. Дата обращения: 24 Азығ айы 2026.
- ↑ 1 2 3 4 Марийская биографическая энциклопедия-2, 2017, с. 77.
- ↑ Ведерников Алевтин Анатольевич… «Портрет матери». 1981 год. vk.com. Дата обращения: 24 Азығ айы 2026.
- ↑ Абаканская картинная галерея приглашает посетить выставку, посвященную 80-летнему юбилею художника Алевтина Ведерникова. | Министерство культуры Республики Хакасия. culture19.ru. Дата обращения: 24 Азығ айы 2026.
Литература
- Прокушев Г. И., Колесников А. Ю., Мочаев В. А., Яналова Н. А. Ведерников Алевтин Анатольевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 77. — 606 с. — 1500 экз. — ISBN 978-5-905314-35-3.