Тимофеев, Пётр Тихонович

Пётр Тихонович Тимофеев
Пётр Тихонович Тимофеев
Тӧреен кӱні	29 от айы 1904; Мухин[d], Задонск уезді[d], Воронеж губерниязы[d], Россия империязы[d];
Ӱреен кӱні	7 улуғ хырлас айы 1969 (65 час); Харатас, Хакас автоном облазы, Хызылчар крайы[d], РСФСР[d], СССР[d];
Партия	КПСС

Тимофеев Пётр Тихонович (29 от айы 1904, Мухин^[d], Задонск уезді^[d], Воронеж губерниязы^[d], Россия империязы^[d] — 7 улуғ хырлас айы 1969, Харатас, Хызылчар крайы^[d]) — СССР-ның Ӏскеркі районнарының харатас промышленнозы министерствозының 7 № шахтазының тағ мастері, Хызылчар крайы, Социалистическай Ӏстеніс Матыры (1948)^[1].

Биография

1904 чылның от айының 29-ҷы кӱнінде Воронеж губерниязындағы Задонск уездінің Мухин аалында, амғы туста Липецк облазының Задонск аймағы, кресеннер сӧбірезінде тӧреен. Орыс. Тӧрт частығдаң сығара пабазы чох ӧкіс ӧскен. 8 частығда орындағы помещикте мал хадар сыххан, іҷезіне иб аразынҷа полысчаң. Школада ӱгренмеен.

1921 чылның ӱртӱн айында Донбассар парыбысхан, анда Артёмның адынаң шахтада ол-пу тоғысты итчең тоғысчыға кірібіскен (Ростов облазының Шахты (орыс) (рус. городы). 1927 чылда шахтадағы ликбез курстарын тоос салған. 1927—1929 чылларда табырах чааҷы службазын Хызыл Армияда ирткен. Запасха сығып, тоғынған шахтазынзар айланған. Лампа ал чӧрҷең, откатчик полған, врубмашинист специальнозына ӱгреніп алған. Тоғысчылар факультедін тоос салған.

Анаң забойщик полып тоғынған, олох туста тағ мастер курстарын тоос салған. 1932 чылда тағ мастеріне турғызылған, пу специальностьча Артёмның адынаң шахтада 9 чыл тоғынған. 1933 чылда Новочеркасск городтағы пӱдірігҷілер техникумының 1-ғы курзында полған. 1941 чылдаң сығара ВКП(б)/КПСС.

1941 чылда кӱскуде, Гитлернің частьтары чағдирынаң, востоксар кӧзірілген. «Хакасуголь» тресттің 7 № шахтазынзар (Харатас) тағ мастері поларға ызылған. Чаа паза чаа соондағы чылларда шахтада матлама тоғынған^[2].

СССР-ның Ӧӧркі Чӧбінің Президиумының 1948 чылның орғах айының 28-ҷі кӱнінде сыххан чахиинаң «хара тас анирын ӧскіргенінде, хара тас шахталарын пӱдіргенінде паза нааҷыли пӱдіргенінде улуғ чидіглері ӱчӱн паза істеніс тӱзімін илееде ӧскірчеткен алнында парчатхан тоғыс оңдайларын кирген ӱчӱн» Тимофеев Пётр Тихоновичке Социалистическай Ӏстеніс Матыры (орыс) (рус. ат пирілген, ағаа Ленин ордені паза «Серп и Молот» алтын медаль читірілген.

1949 чылның кӱрген айында олох шахтаның участогының пастығына турғызылған. 1950 чылдаң сығара 14 № шахтаның участогының пастығы полып тоғынған, 1952 чылда заочнай оңдайнаң тағ техникумын тоос салған.

Хакас автоном облазынаң сығара — СССР-ның Ӧӧркі Чӧбінің Национальностьтар Чӧбінің 3-ҷі хығыртииның депутады (1950—1954).

1955 чылның курген айында тынағы сых парған, 1968 чылдаң сығара — союз синіндегі тынағдағы кізі. Харатаста чуртаан (амғы туста — Хакас Республика).

1969 чылның улуғ хырлас айының 7-ҷі кӱнінде ӱреен.

Ӏкі Ленин орденінең (28.08.1948, 04.09.1948) паза медальларнаң сыйыхтатхан^[1].

Хумартхы

2017 чылда Социалистическай Ӏстеніс Матыры чуртаан Харатастағы Стахановскай ораманың 20-ҷі туразында хумартхы чарды хызылған^[3].

Алған орын

↑ ¹ ² С. Каргапольцев. Тимофеев Пётр Тихонович (рус.). «Герои страны» сайт. Дата обращения: 5 Азығ айы 2026.
↑ Марина Задорожная. Трудовая – передовая (рус.). газета "Черногорский Рабочий" (20 Хандых айы 2017). Дата обращения: 5 Азығ айы 2026.
↑ Марина Задорожная. Увековечили память П.Т.Тимофеева (рус.). Черногорский рабочий (5 Чарыс айы 2017). Дата обращения: 5 Азығ айы 2026.

Ссылкалар

Тимофеев Петр Тихонович

[вх-1] ¹ ² С. Каргапольцев. Тимофеев Пётр Тихонович (рус.). «Герои страны» сайт. Дата обращения: 5 Азығ айы 2026.

[2] Марина Задорожная. Трудовая – передовая (рус.). газета "Черногорский Рабочий" (20 Хандых айы 2017). Дата обращения: 5 Азығ айы 2026.

[3] Марина Задорожная. Увековечили память П.Т.Тимофеева (рус.). Черногорский рабочий (5 Чарыс айы 2017). Дата обращения: 5 Азығ айы 2026.

[1]

[2]

[3]