Суворов, Георгий Кузьмич

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар Суворов, Георгий.
Георгий Кузьмич Суворов
Георгий Суворов фронтта
Георгий Суворов фронтта
Тӧреен кӱні 11 хосхар айы 1919({{padleft:1919|4|0}}-{{padleft:4|2|0}}-{{padleft:11|2|0}})
Тӧреен чирі Ким губерниязындағы Абаканскай аал
Ӱреен кӱні 18 азығ айы 1944({{padleft:1944|4|0}}-{{padleft:2|2|0}}-{{padleft:18|2|0}}) (24 час)
Ӱреен чирі Нарва хыринда
Айғасчатхан кирее кибелісчі

Георгий Кузьмич Суворов (11 хосхар айы 1919, Абаканскай[d], Ким губерниязы — 18 азығ айы 1944)[1] — совет кибелісчізі, писательі, РККА-ның гвардия лейтенанты.

Чуртас чолы

Георгий Кузьмич Суворов 1919 чылның хосхар айының 19-ҷы кӱнінде (пасха танығларҷа — кӧрік айының 29-ҷы кӱнінде)[2][3] Ким губерниязының Абаканскай аалында (амғы Хызылчар крайы) тӧреен. Сӧбірезі чох-чоос кресеннер полған, іҷе-пабазы ах чарыхтаң ирте парыбысхан, Суворов хада тӧреенінең хада олған туразында ӧскен.

1933 чылда Ағбандағы ӱгретчілер училищезінзер ӱгренерге кіріп алған. Ахчанаң сидік полыбысханда, пиҷезіне хабазар пӧгіннең аны тоос полбаан. 1937 чылда Хакасияның Пии аймаандағы Бондарев аалзар пасталығ класстар ӱгретчізі полып тоғынарға парыбысхан. Пу туста Суворов Сибирьдегі кибелісчі Иван Ерошиннең танызып алған. Ол кибелістер пазарға пастапчатхан кізее пос оңдайын кирген. Бондаревте чуртап, Георгий Кузьмич фольклорнаң айғасхан, кибелістер паза ойыннар пасхан[4].

1939 чылда Суворов Хызылчардағы ӱгретчілер институдының орыс тілі паза литературазы факультедіне ӱгренерге кіріп алған. «Красноярский рабочий» газета хойнындағы литература ӧмезінде узын тиліт сыххан. Пастағы курста Георгий Кульмич табырах чааҷы службазына тартылған, аны Омск городта апарған. Омскта, Суворовтың пастағы кибелістері чарыхха сыххан. Городта литературанаң ӧткін айғас сыххан. Аның кӧстегҷілер аразында Омсктағы мэтр Леонид Мартынов  (орыс) (рус. полған[5].

1941 чылның ӱртӱн айы тоозылчатханда, Георгий Суворов фронтха ызылған. Илбек Адалығ чаа рядовой хызыл армеец полып пастаан, лейтенантха читкен. Чааның пастағы айларын саблығ Панфиловтың дивизия санында иртірген. Ельня алтында палығлатхан. 1942 чыл пасталчатханда, хатап чаалазарға парған. Госпиталь соонаң, 1942 чылның часхызында, Ленинград алтынзар ызылған. Анда ол 45-ҷі гвардия атығҷылар дивизиязының тактардаң тоғыр тиріглер взводынаң устаан паза «За Родину» дивизия газетазында тоғынған. Ол тус аразында «Звезда» паза «Ленинград» журналларда аның кибелістері чарыхха сыхханнар[6] «Ленинградты арачылаан ӱчӱн» медальнаң сыйыхтатхан[1].

Георгий Кузьмич, палығларға сыдабин, 1944 чылның азығ айының 13-ҷі кӱнінде Нарвадағы плацдарм ӱчӱн чаалазығлар соонаң ЭССР-ның Нарва аймааның Красненка аалында ӱреп парған[7]. Ӱреен чирінең ырах нимес сӧӧгі чатча.

Нарвадағы водохранилище пӱдірілчеткен туста Георгий Суворовтың сӧӧгі Ленинград облазының Сланцы городындағы харындас сыырадына кӧзірілген.

Сыйыхтар паза премиялар

Георгий Кузьмич Суворов ӱреен соонда, СССР-ның Писательлер пірігізіне алылған. 1968 чылда «Слово солдата» кибелістер киндезі ӱчӱн Георгий Суворов Н. Островскийнің марииның хумартхы медальынаң сыйыхтатхан[8].

Хумартхызы

Сланцы городтағы Георгий Суворовтың сӧӧгі чатчатхан харындас сыырадында аның кибелістерінің пірсінің чолы киртілген:

«Свой добрый век мы прожили, как люди, и для людей…»

Чайаачының адынаң Хакасии Асхыс аалдағы, Ағбандағы орамалар адалғаннар. Кибелісчінінің, чааҷының адын хумартхылап, Хакас ӱгретчілер колледжінің, Асхыстағы ортымах школаның[9], Лебяжье  (орыс) (рус. аалдағы библиотеканың тураларында хумартхы чарды хызылған[10]. Суворовтың омазы Ағбандағы Чиңіс паркындағы ӧӧн хумартхы тастың орыс чааҷызында чайалған[11].

Библиография

Георгий Суворов хазых полғанда, аның кибелістері сыбыра сығарылчатхан печатьта ла чарыхха сығарылҷаңнар, кибелісчіні пос сығарған кинделері чох полғаннар. Ӱреен соонда, Ленинградта 1944 чылда «Чааҷы сӧзі» («Слово солдата») чыынды чарыхха сығарылған, андар авторның артых тоғыстары кіргеннер. Соонаң пу кинде ікі хати хатап сығарылған — 1954 чылда (Ленинградтағы газета-журнал паза кинде издательствозы) паза 1970 чылда (Чиит гвардия издательство), ікі изданиеде кибелісчі-фронтовиктер Николай Тихоновтың[ru] паза Михаил Дудиннің сӧс алны пирілген.

1966 чылда паза пір чыынды чарых кӧрген. «Сонеты гнева» адалған[12].

Суворовтың кибелістері ӧменең сығарылған чыындыларда чарыхха сығарылғаннар:

Сибирские строки. Русские и сибирские поэты о Сибири./Сост. А. Преловский.//Суворов Г. К. Стихи. — М.:Мол.гвардия,1984.- С.188-190. Содерж.: Прощай, Сибирь, Брусника, Ещё утрами чёрный дым клубится…

Солдатский долг. Стихи сибиряков-красноярцев, участников Великой Отечественной войны.//Суворов Г. К. Стихи. — Красноярск: Кн. изд., 1985.-С.50-64. Содерж.: Ещё утрами чёрный дым клубится, Хоть день один, Мы тоскуем и скорбим, Есть в русском офицере обаянье…

Избранное Красноярской поэзии XX века.//Суворов Г. К. Стихи солдата. — Красноярск: Буква, 2001.-С.228.

Кибелістердең пасха кибелісчінің нанҷыларына паза кӧстегҷілеріне пазылған пічіктер алынҷа сығарылғаннар:

Суворов Г. К. Соколиная песня. Стихи и письма поэта, воспоминания о нём / сост. Л. Решетников. — М.: Воениздат, 1972.- 223 с.

Суворов Г. К. Звезда, сгоревшая в ночи: стихи и письма Г. Суворова. Воспоминания о нём. — Новосибирск, 1970.

Суворов Г. К. Письма Георгия Суворова Леониду Мартынову: [письма поэта 1941—1943 гг., опубл. В. Утков] // Звезда. — 1988. — № 9. — С. 169—173.

1981 чылда «Поэт-воин Георгий Суворов: (К истории фронтовой поэзии)» темаҷа кандидат диссертациязын писатель Юрий Поляков арачылап алған[13].

Алған орын

  1. ↑ 1 2 Память народа. Дата обращения: 31 Чарыс айы 2025. Архивировано 16 Сілкер айы 2018 года.
  2. ↑ «Он любил Сибирь искренне и свято». Дата обращения: 31 Чарыс айы 2025.
  3. ↑ Георгий Суворов — воин, поэт, патриот — Газета «Хакасия». Дата обращения: 31 Чарыс айы 2025.
  4. ↑ Суворов Георгий Кузьмич. web.archive.org. Дата обращения: 31 Чарыс айы 2025.
  5. ↑ Литературный журнал «День и ночь». Георгий Суворов. Дата обращения: 31 Чарыс айы 2025.
  6. ↑ Стихи советских поэтов, погибших на фронтах Великой Отечественной Войны. Дата обращения: 31 Чарыс айы 2025. Архивировано 24 Азығ айы 2015 года.
  7. ↑ Память народа. Дата обращения: 31 Чарыс айы 2025. Архивировано 16 Сілкер айы 2018 года.
  8. ↑ Литературная карта Хакасии. Дата обращения: 31 Чарыс айы 2025. Архивировано 24 Азығ айы 2015 года.
  9. ↑ Георгий Суворов – воин, поэт (19 апреля 1919 - 14 февраля 1944). library.khsu.ru. Дата обращения: 31 Чарыс айы 2025.
  10. ↑ Открытие мемориальной доски в год литературы поэту Георгию Суворову. turan-biblio.my1.ru. Дата обращения: 31 Чарыс айы 2025.
  11. ↑ "Мемориальный комплекс "Парк Победы". ookn19.ru. Дата обращения: 31 Чарыс айы 2025.
  12. ↑ Великая Отечественная война. Большая биографическая энциклопедия. Георгий Кузьмич Суворов. Дата обращения: 31 Чарыс айы 2025.
  13. ↑ Каталог РНБ. Дата обращения: 31 Чарыс айы 2025.
Алған орны - https://kjh.ruwiki.ru/w/index.php?title=Суворов,_Георгий_Кузьмич&oldid=153670