Сойан (меспектіг хоккейҷе клуб)
| Сойан-Хакасия | |||
|---|---|---|---|
 | |||
| Хазна |
 Россия |
||
| Город | Ағбан | ||
| Тӧстелген | 1980 | ||
| Алнындағы аттары |
«Сойан» (1980—2009) «Сойан-Хакасия» (2009-2016) |
||
| Стадион | «Сойан» | ||
| Ӧңнер | хызыл-ах | ||
| Марығ | Ӧӧркі лиганың командалар аразында меспектіг хоккейҷе Россия первенствозы | ||
| Ӧӧн тренер | Коновалов Николай Васильевич | ||
| Сайт | sk19.ru | ||
| Форма | |||
|
|||
«Сойан» (орыс. Сая́ны) — Ағбандағы меспектіг хоккейҷе ӧме. Клубтың ибдегі стадионы «Сойан» полча. Клубтың ӧңнері — хызыл-ах.
Тархын
1980 чылда «Колос» (Ағбан пилтірі) ӧмезінең тӧстелген[1]. Республиканың «Сойан» стадионында ойнапча. 1985-86 сезоннаң пасти хазна чемпионадының Ӧӧркі лигазында полған, 1986-87, 1988-89 сезоннарда пастағы лигада сых парған ӱчӱн ікі чыл андар кірбеен.
Ӧӧркі лигадағы пастағы сезонда (1985/86) ӧмеге оң полбаан: 26 ойында 6 ла очко алып, халғанҷы орында пол парған паза пастағы лигаа парыбысхан. Пір чыл пазынаң «Сойан» иң кӱстіглер клазына айланған. Ӧӧркі лигада халарға ікінҷізін киліспеен — «Сойан» хомай нимес пастаан, Ӧӧркі лигада халар ӱчун, марығның иртчең чардығында пол парған, че пазох оң полбаан. Пір чылында «Сойан» пазох Ӧӧркі лигазар айланған[2].
1989/90 чыллардағы сезоннаң пасти «Сойан» СССР-ның, анаң Россияның чемпионаттарында алыспас араласчы полған. Ӧме алысхах маңнаныснаң ойнаан. Иң улуғ чидіглерге «Сойан» 1990 чылларда читкен. Ӧме 1990/91 паза 1991/92 чыллардағы сезоннарда ікі хати 6-ҷы орында пол парған.
1993/94 сезонда ӧме иң пӧзік чидіге читкен, Россия чемпионадында хола медальлар алған.
2008-2009 сезонда Ӧӧркі лиганаң сығардырыбысхан, 2019 чылда ӧме Содружество Суперлигазына путёвка утып алған, че ахча сурии ӱчӱн марығдаң сығыбысхан (пір саңай «Зоркий» клубтаң хада, Красногорск).
2021 чылның часхызында Ӧӧркі лиганың халғанҷы чардығында клуб хатап Суперлигаа парарға право алған, че ахча хатап читпин парған.
2023 чылның кӧрік айының 8-ҷі кӱнінде Ағбанда ӧме Ӧӧркі лига ӧмелер аразындағы Россия первенствозында утып алған, Суперлигада ойнаҷаң правоны хатап алған.
Чидіглер
- Чоннар аразындағы «Футон кап» марығның чиңісчізі (Финляндия, 1995);
- Чоннар аразындағы «Азия кубогы» марығның хола медаль чиңісчізі (Медео, Казахстан, 1992);
- 1993-94 сезондағы Меспектіг хоккейҷе Россия чемпионадының хола медаль чиңісчізі;
- 2011/2012, 2018/2019, 2022/2023 сезоннарда Ӧӧркі лиганың ӧмелер аразындағы Россия Первенствозының чиңісчізі;
- 2015/2016, 2017/2018, 2021/2022 сезоннарда Ӧӧркі лиганың ӧмелер аразындағы Россия Первенствозының кӱмӱс медаль чиңісчізі;
- 2016/2017, 2020/2021 сезоннарда Ӧӧркі лиганың ӧмелер аразындағы Россия Первенствозының хола медаль чиңісчізі;
- 2009/2010 сезонда Ӧӧркі лиганың ӧмелер аразындағы Россия Первенствозында ікінҷі орын;
- 2010/2011 сезонда Ӧӧркі лиганың ӧмелер аразындағы Россия Первенствозының хола медаль чиңісчізі.
Саблығ спортсменнер паза тренерлер
Аймах туста ӧменің тренерлері полғаннар В. А. Лазицкий (1980—1988), Ю. П. Иванов (1989—1991, 2002—2004), В. Лабун (1991—1996), А. В. Хрисоненко (1996—1999), Н. Г. Ельчанинов (1999—2002), Ю. И. Тишин (2004—2005), А. Р. Галеев (2005—2009), В. Г. Менжуренко (2009—2010)[3], Е. Ерахтин (2018—2024)[4], Е. Н. Баженов (2024—2025)[5], Н. В. Коновалов (2025 сығара)[6].
Аймах чыллардағы ӧӧн ойынҷылар — И. Вершинин, А. Галеев, С. Дубинин, Н. Ельчанинов, Е. Ерахтин, С. Уланов, А. Калинин, М. Калтыга, И. Кунстман, И. Лопухин, И. Савенков, Ал. Терентьев, С. Фоменко, А. Черменин, А. Хрисоненко. Сезон салтары хоостыра рекордтар иткен клуб кізізі — С. Фоменко (51 меспек, 1998).
Клубтың танығлары
2009 чылның кічіг хырлас айынаң сығара клуб ікі ӧнңі чарат салған: хызылнаң ахты. Форма ікі кӧрімніг: пірсі ӧӧнінде ах ӧңніг, ікінҷізі — хызыл. Ибдегі марығларда ойынҷылар форманың ӧӧн постары таллапчалар, пасха чирде ачыхтың ээлері кискен ӧңңер хоостыра кӧрчелер[2].
Алған орын
- ↑ Сергей Власов. «Саяны» — это нарядно и душевно! gazeta19.ru (5 Кӧрік айы 2020). Дата обращения: 12 Кӱрген айы 2026.
- ↑ 1 2 «Саяны-Хакасия» - 30 лет спустя. Хакасия Информ (19 Хосхар айы 2010). Дата обращения: 30 Кӱрген айы 2026.
- ↑ Хоккейный клуб «Саяны-Хакасия» временно без тренера. Хакасия Информ (7 Улуғ хырлас айы 2010). Дата обращения: 12 Кӱрген айы 2026.
- ↑ Даяна Евельсон. Главный тренер «Саян» Евгений Ерахтин покидает пост. Юг Сибири (15 Улуғ хырлас айы 2024). Дата обращения: 12 Кӱрген айы 2026.
- ↑ Валерий Лавский. В абаканские «Саяны» приходит новый главный тренер. Коммерсантъ (23 От айы 2025). Дата обращения: 12 Кӱрген айы 2026.
- ↑ Однофамилец главы Хакасии стал новым главным тренером «Саян». mk-hakasia.ru (24 От айы 2025). Дата обращения: 12 Кӱрген айы 2026.
Ссылкалар
- Официальный сайт ХК «Саяны-Хакасия». sk19.ru. Дата обращения: 12 Кӱрген айы 2026.