Россиядағы арығ ӧрттері (2025)

Рувики тiп сайттаң
Россиядағы арығ ӧрттері 2025 чылда
Россиядағы арығ ӧрттері 2025 чылда
Россиядағы арығ ӧрттері 2025 чылда
Орныхчатхан чирі  Россия
Кӱн 2025 чылның азығ айынаң сығара

2025 чылдағы Россиядағы арығ ӧрттері — Россия Федерациязының арығлар аразында 2025 чылның кӱрген айынаң улуғ хырлас айына теере ӧрттер полғаны.

Прогноз

[тӱзедерге | код тӱзедерге]

Рослесхозтың искіриинең, 2025 чылда пасхаҷыл кӱннері ӱчӱн арығ ӧрттері ирте дее пасталарға айабастар[1]. Хар асхынах тӱскен сылтаанда, Центральнай федеральнай округха чир-чайаан ӧрттеріне кибірли хосхар айының ортызында нимес, че кӧрік айының ортызындох тимнен саларға чахығ пирілген[2]. Ӧрттер ідӧк кізінің салбыр тудынғаны ӱчӱн сых килчелер.

Арығларҷа, пик ағас хониинҷа паза ӧрттерҷе эксперт Алексей Ярошенко «Земля касается каждого» проектте:

2025 чылда ӧрттең хорғыс пол парарының ӧӧн сылтағлары: Россияның арығлар зоналығ регионнарында ирте часхы полары, ідӧк хазнаның кидеркі чардығында хатығ хуруғлар турары кӧрілче. Хуруғ полар алай чох часхы-чайғыдағы наңмырларнаң палғалыстығ, че амох пілдістіг, ирткен чылда кӱскӱ хуруғ полған паза хар асхынах тӱскені ӱчӱн, чирде сых читпинче[3].

2025 чылның кӧрік айынаң сығара ӧрттердең хорғыс пар Центральнай, Ӱстӱнзархы, Приволжье, Алтынзархы Кавказтағы федеральнай округтарның паза Ыраххы Востоктағы 30-ча регионында. Ідӧк ӧрттердең хорғыс пол парарға айабас Брянск, Белгород, Москва, Воронеж областьтарында, Курск, Орлов паза Смоленск областьтарының кидеркі паза кіндегі чардыхтарында[4].

Кӧрік айының 14-ҷі кӱніне ӧрттердең тоғыр алынҷа режим Россия Федерациязының ӱс субъектінде кирілген: Калининград облазының прай чирінде, Краснодар крайының ікі муниципальнай пӱдізінде, Приморскай крайының 14 муниципальнай пӱдізінде.

Ӧрттердең тоғыр сезон Россия Федерациязының сигіс субъектінде азылған: Краснодар крайының, Карачаево-Черкесскай, Кабардино-Балкарскай, Чечен Республикаларның, Белгород, Астрахань, Калининград областьтарының прай чирлерінде, Приморскай крайның 18 муниципальнай пӱдізінде[5].

Ӧрттердең тоғыр кӱрезіге ахча

[тӱзедерге | код тӱзедерге]

2025 чылда арығ ӧрттерінең тоғыр кӱрезіге федеральнай бюджеттең регионнарға 20 млрд-ча салковай кӧріл парған, анзы 2024 чылдағы синінең кӧп[6].

Регионнардағы ӧрттер

[тӱзедерге | код тӱзедерге]

Амур облазы[тӱзедерге | код тӱзедерге]

2025 чылда часхыда регионның прай чирінде ӧрттердең тоғыр алынҷа режим чарлалған. Сілкер айында ӧрт пол парған Амур облазының Свободненскай аймааның ағастар чирінде, ол хуруғ кӱннің паза улуғ чил ӱчӱн табырах тарап парыбысхан. Сілкер айының 13-ҷі кӱнінде ӧрт Циолковскай городха «Восточный» космодром саринда чит килген[7], сілкер айының 14-ҷі кӱнінде ӧрт тохтадылған[8].

Забайкальскай край[тӱзедерге | код тӱзедерге]

Хосхар айының 7-ҷі кӱніне регионда 57 муң гектар чирде 32 ӧрт полған. Тунгокоченскай, Чернышевскай паза Чита аймахтарында сағыбаан кирек режимі полған[9].

Хосхар айының 17-ҷі кӱнінде Рослесхоз искіриинең, Забайкальскай крайда федеральнай синдегі сағыбаан кирек режимін кирері ӱзӱрілген. Хосхар айының танығларынаң, 2025 чылда Россияда пічікке кирілген прай арығ ӧрттерінің 60 % Забайбальскай крайға киліскен[10].

2025 чылның хосхар айының 23-ҷі кӱнінде Забайкальскай крайда федеральнай синдегі сағыбаан кирек режимі кирілген[11].

2025 чылның сілкер айының 13-ҷі кӱніне регионда 576 муң гектар чирде 45 арығ ӧрті саналған. Чита муниципальнай округта ла 31 муң азыра гектар чир кӧйген. Россия МЧС-ның арачылағҷылар группировказы Сохондо, Яблоново паза Тургутуй чирлерзер ызылғаннар, ӧрттерні Россия МЧС-ның Ил-76 самолеттары ӱзӱрерге пастааннар[12].

Сілкер айының 21-ҷі кӱнінде «Байкал» федеральнай трасса улуғ арығ ӧртті ӱчӱн чабылған. От чолға чит парғанда, Улётовскай аймахтағы тӧрт километр чол чабылған[13].

Приморскай край[тӱзедерге | код тӱзедерге]

Азығ айының халғанҷы кӱннерінде — кӧрік айында Приморскай крайда хуруғ паза асхынах харлығ хысхы турған сылтаанда паза кізінің салбыр тудынғаны ӱчӱн ӧрттер сыхханнар. Ӧртті таратхан табырах чил.

Ростов облазы[тӱзедерге | код тӱзедерге]

Хосхар айының 2-ҷі кӱнінде Батайск алтында Соленай кӧл хыринда чир-чайаан ӧрті пасталған, хуруғ от паза хамыс кӧй сыххан. Сас хустарның уйа салынҷаң чирлеріне хорғыс пол килген, ыс Ростов-на-Дону городха читкен[14].

Тюмень облазы[тӱзедерге | код тӱзедерге]

Хосхар айының 1-ғы кӱнінең сығара регионда ӧрттең тоғыр сезон кирілген. Тюменьде «ӧрттең хорғысты хыйыстырар пӧгіннең городтағы арығларға кізілерні кирбес» чарадығ сыххан[15].

Хабаровск крайы[тӱзедерге | код тӱзедерге]

Хосхар айының 10-ҷы кӱнінде РФ-ның экология паза чмир-чайаан ресурстарының министрі Александр Козлов Хабаровск крайындағы ӧрт хорғызына чарыдылған чыылығны иртірген. Пу 2024 чылда Россияда ӧрттердең иң улуғ ӱреге кірген пис регион санына кірген, ағастар чыындызының 3,3 % кӧй парған[16].

Хакасия[тӱзедерге | код тӱзедерге]

2025 чылның хосхар айының 5-ҷі кӱнінде регионда улуғ чил хайынып, ӧрттер тарапчатхан ӱчӱн, республикада сағыбаан кирек паза алынҷа ӧрттең тоғыр режим кирілген. Пу кӱнде 43 ӧрт пічікке кирілген[17]. Хосхар айының 6-ҷы кӱнінде 60 ӧрт сығысхан, 35 чир-чайаан ӧрті чох иділген, кӧйген чирнің узуны 80, 6 азыра километрге читкен[18][19]. Ӱрег иділген Ағбан, Саяногорск городтардағы, Ағбан пилтірі, Асхыс, Пии, Алтай, Орджоникидзе аймахтарындағы тураларға паза пӱдіріглерге[20].

Хосхар айының 11-13 кӱннерінде арығлар кӧйгеннер Тастып, Боград паза Сыра аймахтарында[21].

Хосхар айының 19 −20 кӱннерінде республиканың 9 аймаанда паза городтарында ӧрттер пічікке кирілгеннер, ол санда хуруғ от кӧйгені таныхталған[22][23].

Бурятия[тӱзедерге | код тӱзедерге]

2025 чылның сілкер айының 13-ҷі кӱнінең сығара Бурятияда арығлар кӧйчеткен ӱчӱн, регион синіндегі сағыбаан кирек режимі кирілген. Сілкер айының 13-ҷі кӱніне регионда 53 208 гектар чирде 22 арығ ӧрті саналған[24].

Алған орын

[тӱзедерге | код тӱзедерге]
  1. ↑ Лесные новости | Рослесхоз. rosleshoz.gov.ru (12 Азығ айы 2025). Дата обращения: 14 Кӧрік айы 2025.
  2. ↑ Рослесхоз ожидает лесные пожары в центре России в марте, Коммерсантъ (12 Азығ айы 2025). Дата обращения: 14 Кӧрік айы 2025.
  3. ↑ Худший пожарный прогноз за последние пять лет (амер. англ.). earthtouches.me (26 Азығ айы 2025). Дата обращения: 14 Кӧрік айы 2025.
  4. ↑ Из искры: лесные пожары могут начаться в 30 регионах уже в марте, Известия (21 Азығ айы 2025). Дата обращения: 14 Кӧрік айы 2025.
  5. ↑ Авиалесоохрана: О лесопожарной обстановке в России на 00:00 мск 14.03.2025 г. НАНС (14 Кӧрік айы 2025).
  6. ↑ Дмитрий Патрушев: Для борьбы с лесными пожарами в 2025 году регионы получат из федерального бюджета почти 20 млрд рублей - Арктикпост. arcticpost.ru (14 Кӧрік айы 2025). Дата обращения: 14 Кӧрік айы 2025.
  7. ↑ МЧС России. Telegram. Дата обращения: 13 Сілкер айы 2025.
  8. ↑ Пожар около космодрома Восточный локализовали, РБК (14 Сілкер айы 2025). Дата обращения: 14 Сілкер айы 2025.
  9. ↑ В Забайкалье горит 32 пожара, с утра их было на три больше, ЧИТА.ру (7 Хосхар айы 2025). Дата обращения: 7 Хосхар айы 2025.
  10. ↑ В Забайкалье из-за лесных пожаров могут ввести федеральный режим ЧС, Interfax.ru (17 Хосхар айы 2025). Дата обращения: 17 Хосхар айы 2025.
  11. ↑ В Забайкальском крае ввели федеральный режим ЧС из-за лесных пожаров, Реальное время (23 Хосхар айы 2025). Дата обращения: 23 Хосхар айы 2025.
  12. ↑ МЧС России. Telegram. Дата обращения: 13 Сілкер айы 2025.
  13. ↑ Российскую федеральную трассу перекрыли из-за пожара, Lenta.RU (21 Сілкер айы 2025). Дата обращения: 21 Сілкер айы 2025.
  14. ↑ «Апокалипсис рядом с нами»: зарево пожара возле Батайска видно за километры, RostovGazeta (2 Хосхар айы 2025). Дата обращения: 3 Хосхар айы 2025.
  15. ↑ Тюменцам запретят посещать городские леса. СПИСОК, Nash Gorod (26 Кӧрік айы 2025). Дата обращения: 26 Кӧрік айы 2025.
  16. ↑ К глобальным таежным пожарам готовятся в Хабаровском крае, Transsibinfo.com (10 Хосхар айы 2025). Дата обращения: 10 Хосхар айы 2025.
  17. ↑ В Хакасии из-за пожаров и сильного ветра объявили режим ЧС, Взгляд.ру. (5 Хосхар айы 2025). Дата обращения: 23 Сілкер айы 2025.
  18. ↑ 60 пожаров, один пострадавший - огнеборцы Хакасии об итогах штормовой субботы, 19rusinfo.ru (6 Хосхар айы 2025). Дата обращения: 23 Сілкер айы 2025.
  19. ↑ Специалисты МЧС ликвидировали более 30 ландшафтных пожаров в Хакасии, Известия (6 Хосхар айы 2025). Дата обращения: 23 Сілкер айы 2025.
  20. ↑ Названы все территории Хакасии, где из-за ветра бушевали пожары, Газета Хакасия (6 Хосхар айы 2025). Дата обращения: 23 Сілкер айы 2025.
  21. ↑ Леса в Хакасии горели из-за подростков и искр от тепловоза, Юг Сибири (14 Хосхар айы 2025). Дата обращения: 23 Сілкер айы 2025.
  22. ↑ Масштабные пожары охватили Хакасию, Новая Хакасия.online (21 Хосхар айы 2025). Дата обращения: 23 Хосхар айы 2025.
  23. ↑ В Хакасии за день потушено шесть ландшафтных и техногенных пожаров, Новая Хакасия.online (19 Хосхар айы 2025). Дата обращения: 23 Сілкер айы 2025.
  24. ↑ В Бурятии в связи с лесными пожарами объявили режим ЧС, TACC (13 Сілкер айы 2025). Дата обращения: 13 Сілкер айы 2025.

Ссылкалар

[тӱзедерге | код тӱзедерге]
© Пу материал «РУВИКИ» интернет-энциклопедия» АНО холында.
Пу материалнаң пасха сайттарда «РУВИКИ» интернет-энциклопедия» АНО чарадиинаң на тузаланарға чарир.
Алған орны - https://kjh.ruwiki.ru/w/index.php?title=Россиядағы_арығ_ӧрттері_(2025)&oldid=95616