Пограничник кӱні
| Пограничник кӱні | |
|---|---|
 | |
| Кӱні | Сілкер айының 28-ҷі кӱні |
 Медиафайлы на РУВИКИ.Медиа | |
Пограничник кӱні — СССР-дағы КГБ-ның Пограничниктер войсколарының паза Россия Федерациязының ФСБ-ның пограничниктер службазының кізілерінің профессиональнай ӱлӱкӱні.
Чыл сай сілкер айының 28-ҷі кӱнінде таныхталча. Пу кибірге СНГ-ның пірее хазналарында ам даа тудынчалар[1].
Тархын
28 майда 1918 чылда сыххан Совнаркомның декреді хоостыра, РСФСР-ның пограничниктер хадаа тӧстелген. 30 мартта 1918 чылда РСФСР-ның Финанстар чон комиссариадының хойнында Пограничнай хадағның ӧӧн устаа тӧстелген. Аның холына мының алнында Россия империязының хырығларын хадарған Пограничнай хадағның Алынҷа корпузы полған устанызының прай даа офицерлері кіргеннер. 1 февральда 1919 чылда Республиканың Реввоенсоведінің (РВСР) чахии хоостыра, пограничнай хадағ РСФСР-ның пограничниктер войсколарына айландырылған. 1920 чылның 24 ноябрьының сығара Тиксі Россиядағы контрреволюциянаң паза саботажнаң тоғыр кӱресчең табырах комиссияның Алынҷа пӧлиинің холында пазох пограничнай хадағ тӧстелген. 27 сентябрьда 1922 чылда РСФСР-ның НКВД-дағы ГПУ-ның войсколарының хойнында (1923 чылның 15 ноябрьы соонаң — СССР-ның СНК-дағы ОГПУның войсколары) Пограничниктернің алынҷа корпузы иділген. 1934 чылның от айынаң сығара Пограничниктер войсколарынаң Пограничнай паза істіндегі хадағның ӧӧн устанызы (СССР-ның НКВД-зы) устаан. 1937 чылдаң сығара хатап «пограничниктер войсколары» термин тузаланыл сыххан. 28 мартта 1957 чылда пограничниктер войсколары СССР-дағы Министрлер Чӧбінің КГБ-ның холына (СССР СМ КГБ) кіргеннер. СССР-дағы КГБ-ның пограничниктер войсколарының Ӧӧн устанызы тӧстелген. 5 июльда 1978 чылда СССР СМ КГБ алынҷа хазна комитедіне — СССР-ның КГБ-на айландырылған. 12 июньда 1992 чылда Россия Федерациязының Хорғысты чох идерінҷе Министерствозының хойнында пограничниктер войсколары тӧстелгеннер. Ол структураларның правопреемнигі Россияның Федеральнай пограничнай службазы (Россияның ФПС-зы) полыбысхан. Ол Россия президентінің чахиинаң 30 декабрьда 1993 чылда тӧстелген. 2003 чылның 1 июльынаң сығара Россияның ФПС-зы РФ-ның ФСБ-ның хайиина алылған паза «Россия Федерациязының ФСБ-ның Пограничнай службазы» адал сыххан.
«Пограничник кӱні» чыл сай 1958 чылдаң сығара 28 майда таныхталча. Андада СССР-ның Министрлер Чӧбінің чарадиинаң пу кӱнні профессиональнай ӱлӱкӱн чіли таныхтиры кирілген.
Амғы туста Пограничник кӱні 23 майда 1994 чылда сыххан Россия Президентінің чахии хоостыра[2], «Россияның тархын кибірлерін паза пограничниктер войсколарын кӧдірер пӧгіннең» иртірілче.
Салылған кибір хоостыра, «Пограничник кӱнінде», 28 майда, Пограничниктер органнарының тоғынҷылары пӧзік синдегі тимненістерін, хайдағ даа туста Ада-чир сууның хырығларын арачылирға тимде полчатханын кӧзітчелер. Пограничниктер войсколарында служба иртчеткеннері паза тынағдағы, ідӧк запастағы пограничниктер органнарының служащайлары пу кӱнде городтың ӧӧн орамаларынҷа пайрамнығ марш иртіріп, чааҷыларның хумартхы тастарына чахайахтар саладырлар.
Пограничник кӱні Совет тузы соонаң
СССР-ға кірген хайзы республикалар алынҷа хазналар полыбысхан даа ползалар, пу ӱлӱкӱнні ідӧк таныхтапчалар. Іди, Белоруссияда, Киргизияда, Таджикистанда пограничник кӱнін, Россия Федерациязында чіли, 28 майда таныхтапчалар. Украинада «Пограничник кӱнін» 2018 чылдаң сығара 30 апрельде таныхтапчалар. 2018 чылға теере «Пограничник кӱні» 28 майда таныхталҷаң.
Туркменистанда «Пограничник кӱнін» 11 августта таныхтапчалар, пу кӱнде 1992 чылда Туркменистанның Хазна пограничниктер службазы тӧстелген[3].
Казахстанда «Пограничник кӱні» 18 августта таныхталча. Пу кӱнде 1992 чылда Казахстан Республиканың пограничниктер войсколары тӧстелген. Узбекистанда Пограничник кӱні 24 мартта таныхталча, 1992 чылда Узбекистан Республиканың пограничниктер войсколарының подразделениелері тӧстелгеннер. Латвияда «Пограничник кӱні» 2015 чылдаң сығара 7 ноябрьда таныхталча[4].
Молдавияда «Пограничник кӱні» 1995 чылдаң сығара 10 июньда таныхталча. Азербайджанда «Пограничник кӱні» 18 августта таныхталча. Пу кӱнде 1992 чылда Азербайджанның Демократия Республиказының парламенті «Азербайджан Республиканың хазна хырығларын хадарарынаңар» чарадығда паза Азербайджан Республикада пограничниктернің таможня хадаан тӧстирінеңер законда хол салыбысхан. 2000 чылда Азербайджанның президенті Гейдар Алиев 18 августты, пограничниктернің профессиональнай ӱлӱкӱні чіли, чарлабысхан[5].
Алған орын
- ↑ История празднования дня пограничника
- ↑ Указ Президента РФ от 23.05.1994 № 1011 «Об установлении Дня пограничника»
- ↑ Туркменистандағы Пограничниктер кӱні
- ↑ Инара Мурниеце. Grozījumi likumā "Par svētku, atceres un atzīmējamām dienām" (латыш.). Сейм Латвии (22 Чарыс айы 2015). Дата обращения: 16 Азығ айы 2016.
- ↑ Пограничным войскам Азербайджана исполняется 91 год
Литература
- Надарин Э. С. Исторические аспекты зарождения пограничной службы в Российской Федерации // Законность и правопорядок в современном обществе. — 2013. — № 13.
- Терентьев Евгений Михайлович. Деятельность государственных органов по усилению охраны государственной границы СССР в 1924-1928 гг // Армия и общество. — 2007. — № 4.