Лукошевский, Андрей Петрович
| Андрей Петрович Лукошевский | ||||
|---|---|---|---|---|
 | ||||
| Тӧреен кӱні | 13 чарыс айы 1909 | |||
| Тӧреен чирі | Надеждинскай прииск, амғы туста Хызылчар крайы | |||
| Ӱреен кӱні | 17 орғах айы 1984 (74 час) | |||
| Ӱреен чирі | Ағбан | |||
| Хазна | ||||
| Айғасчатхан кирее | партийный деятель | |||
| Сыйыхтар паза премиялар |
|
|||
Андре́й Петро́вич Лукоше́вский (13 чарыс айы 1909, Ким губерниязы — 17 орғах айы 1984, Ағбан, Хызылчар крайы[d]) — партия паза совет деятельі, Социалистическай Ӏстеніс Матыры (1948).
Чуртас чолы
Андрей Лукошевский 1909 чылның чарыс айының 13-ҷі кӱнінде Надеждинскай приискте (амғы туста — Хызылчар крайының чирі) шахтёрның сӧбірезінде тӧреен. Ӱс частығдаң сығара Абалаков (амғы туста — Хызылчар крайының Ким аймағы) аалда чуртаан. Он частығда іҷе-пабазы чох халған, ағазында ӧскен. 1921 чылда Лукошевский Абалаковтағы пасталығ школаны тоос салған, анаң аалдағы пик хоныхтығ кізілерде тоғын чӧрген. 1926 чылда ағас пилетезінде тоғын сыххан. Хызылчардағы фабрика-завод школазының курстарын тоос салып, ағас сортировщигі — бракёры специальностьты алған. 1929 чылдаң сығара Маклаковтағы ағас пилетеҷең паза индірҷең «Сиблестресттің» конторазынаң устаан[1].
1931—1933 чылларда Тоғысчы-кресен Хызыл Армиязында табырах чааҷы службазын ирткен. Демобилизацияа парып, Енисейсктің паза Ағбанның гострудсберкасс устаныстарында тоғынған. 1943 чылда хатап армияа тартылған, Ағбан городтың чаа комиссары полып служба ирткен[2].
1945 чылның кӱрген айынаң сығара Хакас облазындағы Алтай аймаанҷа істенҷілернің депутаттар чӧбі оргкомитедінің кнезі полып тоғынған. 1946 чылның улуғ хырлас айында Лукошевский Алтай аймааның исполкомының кнезі полыбысхан. 1946 чыл хуруғ пол парып, аймахтағы колхозтарда паза совхозтарда аал хонии тоғызын оңдайлирынҷа, машина-трактор станцияларына паза хоныхтарға кирек ниме пирерінҷе, алнында парчатхан агротехника оңдайларын кирерінҷе улуғ тоғыс апарған. Ӏди 1947 чылның салтарынҷа тамахтың сығызы гектар чирдең ортымахти 10 центнерге читкен, пірее хоныхтарда ол сан 35-40 центнерге тиңнелген. Лукошевский паза Алтай аймааның аал хонииның 11 тоғынчызы Социалистическай Ӏстеніс Матыры атха турысханнар[1].
1950 чылда Лукошевский Хызылчардағы крайның совпартшколазын тоос салған, анаң Ағбан город исполкомының кнес орынҷызы полыбысхан. Соонаң КПСС-тың Ағбан пилтірі комитедінің хачызы полып тоғынған, 1958 чылдаң сығара Ағбанда чуртаан паза устағҷы тоғызында істенген. Халых киреенең ӧткін араласхан. Хакас облазының, Ағбан городтың паза аймахтың істенҷілернің депутаттар чӧбінің депутадына табылған. 1975 чылда тынаға сых парған. 1984 чылның орғах айының 17-ҷі кӱнінде ӱреен[1].
Сыйыхтар
- 337 номерліг Социалистическай Ӏстеніс Матыры хазна сыйиинаң хада Ленин ордені паза «Серп и Молот» медаль пирілген (1948 чылның кӱрген айының 7-ҷі кӱні, «1947 чылда пуғдайнаң арыстың пӧзік тӱзімін алған ӱчӱн»);
- «Ӏстеніс сабланызы ӱчӱн» медаль (1957 чылның кӱрген айының 11-ҷі кӱні) паза пасха медальлар, ол санда СССР-ның ВДНХ медальлары[1].
Алған орын
- ↑ 1 2 3 4 Андрей Петрович Лукошевский. «Герои страны» сайт.
- ↑ Лукошевский Андрей Петрович. Память народа. Дата обращения: 27 Кӱрген айы 2026.