Лесников, Михаил Яковлевич
| Михаил Яковлевич Лесников | |||||
|---|---|---|---|---|---|
 | |||||
| Тӧреен кӱні | 6 кічіг хырлас айы 1928 | ||||
| Тӧреен чирі | Ермолаевка аал, амғы Гурьевск аймағы, Кемеров облазы | ||||
| Ӱреен кӱні | 1998 | ||||
| Ӱреен чирі | Ымай тас посёлок, Хакасия | ||||
| Хазна | |||||
| Айғасчатхан кирее | пӱдірігҷі | ||||
| Сыйыхтар паза премиялар |
|
||||
Михаи́л Я́ковлевич Леснико́в (6 кічіг хырлас айы 1928, Ермолаевка[d] — чарыс айы 1998, Ымай тас[d], Хакас Республика) — аал хонииндағы совет тоғынҷызы, Социалистическай Ӏстеніс Матыры (1973).
Чуртас чолы
Михаил Лесников 1928 чылның кічіг хырлас айының 6-ҷы кӱнінде Ермолаевка аалда (амғы туста — Кемеров облазының Гурьевск аймағы) тӧреен. 1946 чылда тракторист курстарын тоос салған, анаң орындағы машина-трактор станциязында тоғын сыххан. 1952 чылда Якут АССР-зар парыбысхан, анда Аманскай экспедицияда тағ тоғысчызы тоғызына кірібіскен[1].
1960 чылдаң сығара СССР-ның Энергетика паза электрификация министерствозының объекттерін пудірген. 1960 чылларда Хызылчардағы ГЭС-тың пӱдіриинде ӧткін араласхан, узанҷы тоғызынаң пастаан, анаң бетонщик полған, Станцияның ӧӧн пӱдіріглер устанызының піріктірілген бригадазынаң устаан. 1971 чылда пудіріг тоғыстарының ӧӧн прорабына турғызылған. Гидротехническай бетон конструкцияларын салчатхан тоғыста пӧзік кӧзідімнерге чидіп, пӱдіріг тоғыстарында позын пілістіг устағҷы чіли кӧзіт пирген[1].
1973 чылда, Хызылчардағы гидроэлектростанция тимге сых парғанда, Лесников Хызылчар крайының Хакас автоном облазындағы Ымай тас посёлоксар кӧс парыбысхан. Нинҷе-де чыл Сойан-Сус ГЭС-тың пӱдіріг тоғыстарында араласхан. «Красноярскгэсстрой» пірігістің ӧӧн пӱдіріглер устанызының 2 № пӱдіріг устанызында улуғ прораб полған, соонаң Сойан-Сус гидроэлектростанцияның ӧӧн пӱдіріглер устанызының участогынаң устаан. 1998 чылның чарыс айында ӱреен[1].
Сыйыхтар
- 15287 номерліг Социалистическай Ӏстеніс Матыры хазна сыйиинаң хада Ленин ордені паза «Серп и Молот» медаль пирілген (1973 чылның хандых айының 1-ғы кӱнінде, «СССР-ның 50 чылына адынаң Хызылчардағы гидроэлектростанцияны пӱдірерінде улуғ чидіглерге читкен ӱчӱн, тоғыс производствозына наа техническай чарадығларны паза алнынзар парчатхан оңдайларны тимнеп, оларны кирерінде улуғ хозым иткен ӱчӱн»);
- 2 синніг Адалығ чаа ордені (1947 чылның ӱртӱн айының 6-ҷы кӱні);
- медальлар[1].
Хумартхы
- Лесниковтың адын хумартхылап, Ымай тас посёлоктың устағ-пастағ туразында хумартхы чарды хызылған[2].
Алған орын
- ↑ 1 2 3 4 Михаил Яковлевич Лесников. «Герои страны» сайт.
- ↑ В Саяногорске открыли еще две мемориальные плиты Героям Соцтруда. Первое городское. Дата обращения: 20 Кӱрген айы 2026.