Лавров, Георгий Дмитриевич

Рувики тiп сайттаң
РУВИКИ проектте пу фамилиялығ пасха кізілердеңер статьялар парлар Лавров, Георгий.
Георгий Дмитриевич Лавров
Georges Lavroff.png
Тӧреен кӱні 18 хосхар айы 1895({{padleft:1895|4|0}}-{{padleft:4|2|0}}-{{padleft:18|2|0}})
Тӧреен чирі Назимов, Россия империязы
Ӱреен кӱні 6 ӱртӱн айы 1991({{padleft:1991|4|0}}-{{padleft:9|2|0}}-{{padleft:6|2|0}}) (96 час)
Ӱреен чирі Москва, СССР
Гражданство  Россия империязы
 СССР
Жанр скульптура
Стиль портрет, анималистика, ар-деко
Пӧзік аттар
Заслуженный художник РСФСР

Георгий Дмитриевич Лавров (18 хосхар айы 1895, Назимов[d], Хызылчар крайы[d] — 29 орғах айы 1991, Москва[d]) — Россияның паза совет скульпторы, портретизі, монументализі, анимализі, ар-деко стильнең тоғынған кізі. РСФСР-ның саблығ хоосчызы (1984)[1].

Чуртас чолы

[тӱзедерге | код тӱзедерге]

Георгий Лавров Ким губерниязының Назимов аалында тӧреен. Сӧбіреде онынҷы пала полған. Пабазы обырастар пасчаң, хоосчы В. И. Суриковнаң ынағ полғаннар. 1915 чылда Георгий Лавров Хызылчардағы духовнай семинарияны тоос салған. Пір саңай иирдегі студияда паза Томсктағы хоосчыларның пірігізінде хоостирға ӱгренген. Революция пасталғанда, ікі хати хызыл партизан чіли арестке алылған. 1922 чылдаң сығара кибелісчі Владимир Маяковскийнең[ru] хада «Окна сатиры РОСТА» серияда агитация плакаттарын тимнеп тоғынған. 1927 чылда Франциядағы Парижсер командировкаа ызылған. 1932 чылда Парижте Лавровтың тоғыстарының пос кӧзідии ирткен. Аның чайапчатхан оңдайы саблығ ӱгретчізі француз скульптор-анималист Франсуа Помпонға чағын[1][2].

1935 чылда СССР-зар айланған. 1937 чылда саблығ «Спасибо товарищу Сталину за наше счастливое детство!» скульптура композициязын чайап салған. Аның пӧзии ӱс метрге читкен. 1938 чылның ӱртӱн айында арестке кірген, 1939 чылда «советтең тоғыр террористтер пірігізінде араласхан ӱчӱн паза Иосиф Виссарионович Сталинні чох идерге харасханы ӱчӱн» пис чылға тӱзедіг-істеніс лагерьлерінде одырарға чарғылатхан. Магадандағы Колымазар ыстырған. 1943 чылның чарыс айының 29-ҷы кӱнінде позыдылған. 1954 чылда ахталған. Олох чылда Москвазар айланарға чарадығ алған. 1982 чылда Москвада пастағы пос кӧзідии ирткен. 1984 чылда Лавровха РСФСР-ның саблығ хоосчызы ат пирілген[1][2][3].

Георгий Лавровтың тоғыстары Россиядағы паза хырығ озариндағы чыындыларда хайраллалчалар. Оларның санына Хазна Третьяковскай галерея, Иркутсктағы И. В. Сталиннің музейі паза пасха музейлер кірчелер[4][1][3].

Георгий Лавров «Париж… Магадан» мемуарларның авторы полча, олар 1996 чылда «Освенцим без печей» паза 2004 чылда «Доднесь тяготеет. Т. 2. Колыма» чыындыларда чарыхха сыхханнар[1].

Галерея

[тӱзедерге | код тӱзедерге]
  • Г. Д. Лавров. Петр Ефимович Щетинкинге хумартхы тас

    Г. Д. Лавров. Петр Ефимович Щетинкинге хумартхы тас

  • Г. Д. Лавров. Харындастар сыырадындағы 1919 чылның от айында Колчактың режимінең тоғыр тирігліг тартыста араласхан ӱчӱн атырт салған 3-ҷі паза 31-ҷі атығҷылар полкының солдаттарына хумартхы тас

    Г. Д. Лавров. Харындастар сыырадындағы 1919 чылның от айында Колчактың режимінең тоғыр тирігліг тартыста араласхан ӱчӱн атырт салған 3-ҷі паза 31-ҷі атығҷылар полкының солдаттарына хумартхы тас

  • Магадандағы М. Горькийнің адынаң музыка-драма театрының туразы Г. Д. Лавровтың скульптураларынаң хада
    Магадандағы М. Горькийнің адынаң музыка-драма театрының туразы Г. Д. Лавровтың скульптураларынаң хада
  • Г. Д. Лавров. Харатаста ӱреен харатасчыларға хумартхы тас

    Г. Д. Лавров. Харатаста ӱреен харатасчыларға хумартхы тас

Алған орын

[тӱзедерге | код тӱзедерге]
  1. ↑ 1 2 3 4 5 Музей ГУЛАГА. Лавров Георгий Дмитриевич. Дата обращения: 11 Азығ айы 2020. Архивировано 28 Кӱрген айы 2015 года.
  2. ↑ 1 2 Магаданская областная универсальная научная библиотека имени А.С. Пушкина. Лавров Георгий Дмитриевич (К 120-летию со дня рождения). Дата обращения: 11 Азығ айы 2020. Архивировано 28 Ӱртӱн айы 2020 года.
  3. ↑ 1 2 Скульптор ар-деко и соцреализма Лавров Георгий Дмитриевич. Дата обращения: 11 Азығ айы 2020. Архивировано 17 Кӱрген айы 2021 года.
  4. ↑ Государственная Третьяковская галерея. Каталог собрания. Скульптура XVIII-XX веков: в трех томах. — Москва: Красная площадь, 1998. — ISBN 5-900743-46-2

Ссылкалар

[тӱзедерге | код тӱзедерге]
Алған орны - https://kjh.ruwiki.ru/w/index.php?title=Лавров,_Георгий_Дмитриевич&oldid=93106