Лавринец, Григорий Сидорович
| Григорий Сидорович Лавринец | |||
|---|---|---|---|
 | |||
| Тӧреен кӱні | 1910 | ||
| Тӧреен чирі | Ново-Вознесенка аал, амғы Алтай аймағы, Хакасия | ||
| Ӱреен кӱні | пілдізі чох | ||
| Хазна | |||
| Айғасчатхан кирее | чазы тоғызы | ||
| Сыйыхтар паза премиялар |
|
||
Григо́рий Си́дорович Лаврине́ц (1910, Чынай[d], Кидеркі Сибирь крайы[d] — пілдізі чох) — аал хонииндағы совет тоғынҷызы, Социалистическай Ӏстеніс Матыры (1948).
Чуртас чолы
Григорий Лавринец 1910 чылда Ново-Вознесенка аалда (амғы туста — Хакасиядағы Алтай аймааның Чынай аалы) кресеннер сӧбірезінде тӧреен. Аал хонииның коллективизациязы тузында аал хонии артельіне кірібіскен. Соонаң тракторист курстарын тоос салып, Алтай машина-трактор станциязында специальность хоостыра тоғынған[1].
1944 чылдаң сығара Лавринец Хызылчар крайындағы Хакас автоном облазының Алтай аймаандағы Лениннің адынаң колхозта тоғынған, тоңас культураларын ӧскірчеткен чазы бригадазынаң устаан. Ӏстеністе пӧзік салтарларға читкен, хоныхта алнында парчатхан кізілернің пірсі полыбысхан. Ол устаан ӧмеге иң маңнаныстығ 1947 чыл полыбысхан, андада Лавринецтің бригадазы колхозтың 41,5 гектар чирінің полғанынаң на ортымахти 31,29 центнер пуғдай алған[1].
Пазағы чылларда даа маңнаныстығ істенген. Пазағы чуртас чолы пілдістіг нимес[1].
Сыйыхтар
- Социалистическай Ӏстеніс Матыры атнаң Ленин ордені паза 1806 номерліг «Серп и Молот» медаль пирілген (1948 чылның хосхар айының 10-ҷы кӱні, «пуғдайның, арыстың паза лӧн-долгунецтің пӧзік тӱзімін алған ӱчӱн»);
- медальлар[1].
Хумартхызы
- Ларинецтің чуртазынаң паза істеніс чолынаң палғалыстығ пічіктер Хакас Республиканың Национальнай архивінде хайраллалчалар[2].
Алған орын
- ↑ 1 2 3 4 Григорий Сидорович Лавринец. «Герои страны» сайт. Дата обращения: 14 Азығ айы 2026.
- ↑ Лавринец Григорий Сидорович. Министерство культуры Республики Хакасия.. Дата обращения: 14 Азығ айы 2026.