Кноблох, Ольга Александровна
| Ольга Александровна Кноблох | |
|---|---|
 | |
| Тӧреен кӱні | 23 кічіг хырлас айы 1977 (48 час) |
| Тӧреен чирi | |
| Гражданство (подданство) | |
| Айғасчатхан кирее | прозаик |
| Чайаачы тоғыс чыллары | 1992 чылдаң сығара |
| Жанр | проза |
| Произведениелер тiлi | орыс тілі |
Ольга Александровна Кноблох (тӧр. 23 кічіг хырлас айы 1977, Краматорск[d], Донецк облазы[d]) — орыс прозаик. Россияның Писательлер пірігізінің кізізі (1999).
Чуртас чолы
Ольга Кноблох Донецк облазының Краматорск городында тӧреен. Нинҷе-де чыл пазынаң сӧбірезінең хада Ағбанзар кӧс парыбысхан. Чайаачы оңдайы кічігдӧк кӧрін парған: хызыҷах нымахтар сағынып пасчаң. Пастағы чайаачы тоғызы 1992 чылда «Близнецы из Чипуцуцту» тіп чоох «Советская Хакасия» газетада чарых кӧрген[1]. Чайаачы фэнтези жанрда пасча. Ольга Кноблохтың чайаачызы Хакасияда ла нимес пӧзік таныхталған, чоохтары Екатеринбургтағы «Уральский следопыт», Хызылчардағы «День и ночь», Тывадағы «Улуг-Хем» литература журнал-альманахтарында чарыхха сыхханнар. 1994—1995 чылларда хығырығҷылар мындағ произведениелернең танысханнар: «Стать героем», «Подарок для Сьюки», «Бес-хранитель», «Дорожно-транспортное происшествие» паза пасхазы.
1996 чылда Ольга Кноблох Ағбандағы ӱгретчілер колледжін тоос салған, анаң Н.Ф. Катановтың адынаң Хакас хазна университедінің роман-герман филологиязы факультедінзер кірген. Андадох чоохтар чыындызынаң «Сказка без конца» повестьті пастағы киндезінде чарыхха сығарыбысхан[2]. Ольга Кноблохтың чоохтары США-дағы орыс тілінең сығарылчатхан «Панорама» паза «Сталкер» альманахтарда чарыхха сыхханнар. 1996 чылда «Сказка без конца» повесть, англия тіліне тілбестіліп, «Entirelly New Story» сценарийіне ызылған[1][3].
1994 чылда Новосибирскте ирткен писатель-фантасттарның «Белое пятно» фестивальында араласхан. 2003 чылда — «Роскон» фантастика фестивальының араласчызы, анда «Чёрный колодец» роман ӱчӱн Святослав Логиновтың мастер-клазының чиңісчі дипломын алған[1]. «Прекрасная беспредельность» чоннар аразындағы нымахтар паза хоостар марииның лауреады полча[2]. Хада хонғаны Всеволод Пименовнаң хада «Акуна матата» чоохты «Рваная грелка» интернет-марығның чарғыҷыларына кӧзіткен[3].
1999 чылда Ольга Кноблох Россияның Писательлер пірігізіне алылған[1], пасха танығҷа 2002 чылда пірігіске кірген[3].
Ольга Кноблохтың ирі Всеволод Пименовнаң хада пасхан чайаачы тоғыстары чарых кӧргеннер.
Чайаачының произведениелері хакас тіліне тілбестел парғаннар[4].
Сӧбіре
Ирі — Всеволод Пименов, хабарҷы, писатель.
Хысхаҷах библиографиязы
- Сказка без конца : фантастические рассказы / О. Кноблох. – Абакан : Изд-во Хакас. гос. ун-та, 1996. – 118 с.
- Чёрный колодец : фантастический роман / О. Кноблох. – Абакан : Бригантина, 2008. – 200 с.
- Акуна Матата : фантастический рассказ / О. Кноблох, В. Пименов // Гуманный выстрел в голову : сборник рассказов / сост. С. Лукьяненко. – М.: Аст, 2004. – 525 с.
- Белоснежка и семь апостолов : роман-фэнтези / О. Кноблох, В. Пименов. – М.: Альфа-книга, 2010. – 416 с.
Алған орын
- ↑ 1 2 3 4 А. А. Канзычакова. Кноблох Ольга Александровна // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 282. — 5000 экз. — ISBN 978-5-91502-001-5.
- ↑ 1 2 Кноблох Ольга Александровнач. hakasiya19.ru. Дата обращения: 22 Ӱртӱн айы 2025.
- ↑ 1 2 3 Надя Антуфьева. Странная сказочница. centerasia.ru (13 Хандых айы 2006). Дата обращения: 22 Ӱртӱн айы 2025.
- ↑ Кноблох Ольга Александровна. nbdrx.ru. Дата обращения: 22 Ӱртӱн айы 2025.
- ↑ С днем рождения поздравляем Ольгу Александровну Кноблох. Дом литераторов Хакасии. Дата обращения: 22 Ӱртӱн айы 2025.
Литература
А. А. Канзычакова. Кноблох Ольга Александровна // Энциклопедия Республики Хакасия : Т. 1 : А—Н / гл. ред. В. А. Кузьмин. — Красноярск: Поликор, 2007. — С. 282. — 5000 экз. — ISBN 978-5-91502-001-5.